காங்கிரஸ் செயற்குழு கூட்டத்தை புறக்கணித்த 30 உறுப்பினர்கள்
சென்னை : காங்கிரஸ் செயற்குழு கூட்டத்தில் கலந்து கொள்ளாமல் அக்கட்சியை சேர்ந்த 30 உறுப்பினர்கள் புறக்கணித்துள்ளது அக்கட்சிக்குள் புதிய சலசலப்பை ஏற்படுத்தி உள்ளது.
தமிழக காங்கிரஸ் கட்சியின் செயற்குழு கூட்டம் இன்று அக்கட்சியின் அலுவலகமான சத்யமூர்த்தி பவனில் நடைபெற்றது. வரும் தமிழக சட்டசபை தேர்தலில் எவ்வாறு பணியாற்றுவது, எந்தெந்த தொகுதிகளை பெறுவது, திமுக தலைமையிடம் ஆட்சி அதிகாரத்தில் பங்கு கேட்கலாமா வேண்டாமா என்பது தொடர்பான பல முக்கிய விஷயங்கள் குறித்து ஆலோசனை செய்வதற்காக இந்த செயற்குழு கூட்டப்பட்டிருந்தது.
இந்த கூட்டத்தில் பங்கேற்பதற்காக மொத்தம் 91 உறுப்பினர்களுக்கு அழைப்பு அனுப்பப்பட்டிருந்த நிலையில் 30 பேர் இந்த கூட்டத்தில் பங்கேற்காமல் புறக்கணித்துள்ளனர். ஆட்சி அதிகாரத்தில் பங்கு வேண்டும் என தொடர்ந்து குரல் கொடுத்து வந்த காங்கிரஸ் எம்.பி., மாணிக்கம் தாகூரும் இந்த செயற்குழு கூட்டத்தில் கலந்து கொள்ளாமல் புறக்கணித்தது குறிப்பிடத்தக்கது. இதனால் ஆட்சி அதிகாரத்தில் பங்கு என்ற விவகாரம் உள்ளிட்ட பல விஷயங்களால் காங்கிரஸ் பிளவுபட்டு கிடப்பது அம்பலமாகி உள்ளது.
இதனால் தமிழக சட்டசபை தேர்தலில் யாருடைய கூட்டணியில் காங்கிரஸ் போட்டியிட போகிறது என்ற எதிர்பார்ப்பு அதிகரித்துள்ளது. திமுக கூட்டணியில் காங்கிரசிற்கு எத்தனை தொகுதிகள், கூட்டணியில் தொடர காங்கிரஸ் திமுக தலைமையிடம் ஏதாவது நிபந்தனை வைக்குமா, அப்படி வைத்தால் என்னென்ன நிபந்தனைகள் வைக்கும் என்பது போன்ற பல கேள்விகள் எழுந்துள்ளது.
சமீபத்திய செய்திகள்
ஏகப்பட்ட பிரச்சினை: சுறுசுறுப்பு காட்டும் தமிழக அரசியல் கட்சிகள்.. அடுத்தடுத்து போராட்டம் அறிவிப்பு
ஆண் மகனை அவனாகவே வாழ விடுங்கள்!
நாகர்கோவில் சிறையில் கைதி கொலை: CBCID விசாரணைக்கு மாற்றி தமிழ்நாடு அரசு உத்தரவு!
முதல்வரை மிரட்டிய வழக்கு: திமுக எம்எல்ஏ மார்கண்டேயனின் ஜாமீன் மனு தள்ளுபடி!
நீட் வினாத்தாள் கசிவு விவகாரம்: விரிவான விவாதம் நடத்த தயார் - மத்திய அரசு அறிவிப்பு
நீட் தேர்வு போராட்டம்.. இதைத்தான் தொடர்ந்து சொல்லி வருகிறது திமுக.. மு.க.ஸ்டாலின்
ராகுல் காந்தி கைது வன்மையாக கண்டிக்கத்தக்கது.. முதல்வர் விஜய் கண்டனம்
போதையில் கார் ஓட்டிய வழக்கு: ஆஸ்திரேலிய கிரிக்கெட் வீரர் டேவிட் வார்னருக்கு சிறை தண்டனையா?
முடிவுக்கு வந்தது பாமக விவகாரம்...அன்புமணிக்கு எதிரான வழக்கை வாபஸ் பெற்ற ராமதாஸ்
{{comments.comment}}