பிஎச்டி படிப்பை.. 52 வருடமாக கற்றுத் தேறிய 76 வயது தாத்தா!

Feb 16, 2023,12:39 PM IST

லண்டன்: இங்கிலாந்தைச் சேர்ந்த 76 வயது முதியவர் ஒருவர், கடந்த 52 வருடத்திற்கு முன்பு பதிவு செய்த பிஎச்டி ஆய்வுப் படிப்பை இடையில் தொடராமல் விட்டு விட்டு இப்போது முடித்து டாக்டர் பட்டம் வாங்கியுள்ளார்.

வாழ்க்கை பூராவும் நாம் எப்போது வேண்டுமானாலும் கற்கலாம்.. கற்றலுக்கு வயது ஒரு தடையே இல்லை என்பார்கள். ஆனால் இங்கிலாந்தில் ஒருவர் தனது வாழ்க்கை முழுவதையும் பிஎச்டி ஆய்வை மேற்கொண்டு, 50 வருடங்களுக்குப் பிறகு ஆய்வை முடித்து அசத்தியுள்ளார்.

பிஎச்டி ஆய்வு படிப்புகள் பெரும்பாலும் ஐந்து அல்லது 6 வருடங்களில் முடிந்து விடும். அதற்கு மேல் பெரும்பாலும் ஆகாது. ஆனால் இந்த முதியவர் 1970ம் ஆண்டு பிஎச்டி படிப்பை படிக்கத் தொடங்கி தற்போதுதான் அதை முடித்துள்ளார். அதாவது 52 வருடம் எடுத்துக் கொண்டுள்ளார்.

அந்த முதியவரின் பெயர் டாக்டர் நிக் ஆஸ்க்டன்.1970ம் ஆண்டு இவருக்கு பிட்ஸ்பர்க் பல்கலைக்கழகத்தில் கணித சமூகவியல் துறையில் பிஎச்டி படிப்பதற்கு ஸ்காலர்ஷிப் கிடைத்தது. ஆனால் அதைத் தொடராமல் அவர் இங்கிலாந்து திரும்பி விட்டார். அதன் பின்னர் 2016ம் ஆண்டு மீண்டும் தனது படிப்பை தொடங்கினார். இம்முறை பிரிஸ்டல் பல்கலைக்கழகத்தில் எம்ஏ பிலாசபி படித்தார். அப்போது அவருக்கு வயது 69. பின்னர் அதே பிரிவில் பிஎச்டி படிக்க ஆரம்பித்து 2022ம் ஆண்டு தனது 75ம் வயதில் அதை முடித்தார்.

நேற்று முன்தினம் அதாவது பிப்ரவரி 14ம் தேதி காதலர் தினத்தன்று அவருக்கு டாக்டர் பட்டம் கிடைத்தது. தனது மனைவி கிளேர் ஆக்ஸ்டன் மற்றும் 11 வயது பேத்தி பிரேயா முன்னிலையில் டாக்டர் பட்டத்தைப் பெற்றார் ஆக்ஸ்டன்.

தனது ஆய்வு குறித்து ஆக்ஸ்டன் கூறுகையில், நான் எடுத்துக் கொண்ட தலைப்பு மிகவும் கடினமானது. 70வயதுகளில் இருக்கும் எனக்கு ஆய்வு என்பது கஷ்டமானதுதான். ஆனால் அதை வாழ்நாள் சவாலாக எடுத்துக் கொண்டேன். 50 வருடங்களுக்கு முன்பு பிஎச்டிக்கு விண்ணப்பித்தேன். இடையில் அதை தொடர முடியாமல் போனது. இப்போது முடித்து விட்டேன் என்றார் புன்னகைத்தவாறு.

இந்த வித்தியாச (மாணவர்) குறித்து இவரது கைடாக இருந்த பேராசிரியர் சமீர் ஓகாசா கூறுகையில், நிக் மிகவும் ஆர்வமானவர். எப்போதும் எனர்ஜியாக இருப்பார். ஒரு மாணவருக்கே உரிய ஆர்வமும் தேடுதலும் அவரிடம் இருந்தது. கிட்டத்தட்ட 50 வருடங்கள் கழிந்து அவர் பிஎச்டி படிப்பை முடித்து பட்டம் வாங்கியிருப்பது மிகவும் சிறப்பானது என்றார்.

சோமர்செட்டில் உள்ள வெல்ஸ் பகுதியில் தனது மனைவி, 2 குழந்தைகள், நான்கு பேரப் பிள்ளைகளுடன் சந்தோஷமாக வாழ்ந்து வருகிறார் ஆக்ஸ்டன்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

தமிழகத்தில் தீவிரமடையும் வடகிழக்கு பருவமழை: 27 மாவட்டங்களுக்கு கனமழை எச்சரிக்கை!

"பொய் வழக்கு...தில்லுமுல்லு அரசியல்!" – மன்னன் கைதுக்கு எடப்பாடி பழனிசாமி, செல்லூர் ராஜு கண்டனம்

கொளத்தூர் தவெக எம்எல்ஏ வி.எஸ்.பாபு டிஸ்சார்ஜா? அமைச்சர் அருண்ராஜ் விளக்கம்

கோவை பெரியார் அறிவுலகத்தில் ஊழல்? எழுத்தாளர் பெருமாள் முருகன் குற்றச்சாட்டிற்கு அமைச்சர் விளக்கம்

அதிமுக பிரமுகர் மன்னன் கைது: தவெக எம்எல்ஏ-விடம் ரூ.30 கோடி பேரம் பேசிய விவகாரத்தில் நடவடிக்கை!

தீபாவளி பண்டிகை 2026 : தமிழகம் முழுவதும் இன்று ரேஷன் கடைகள் இயங்கும் - அரசு அறிவிப்பு!

Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்

தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!

ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!