பாஜக கொண்டு வந்த திட்டங்கள் சரியில்லாவிட்டால் தூக்கி எறியப்படும்.. கர்நாடக அமைச்சர்!

Jun 07, 2023,10:23 AM IST

டெல்லி: கர்நாடகத்தில் ஆட்சி புரிந்த பாஜக அரசு கொண்டு வந்த சட்டங்கள், திட்டங்கள், மக்களுக்கு பயன் உள்ளதாக இல்லாவிட்டால், அவை நீக்கப்படும் என்று கர்நாடக மாநில அமைச்சர் பிரியங்க் கார்கே கூறியுள்ளார்.

இதுதொடர்பாக என்டிடிவிக்கு பிரியங்க் கார்கே ஒரு பேட்டி அளித்துள்ளார். அதில் அவர் கூறியுள்ளதாவது:

கர்நாடகத்தில் பாஜக ஆட்சியில் இருந்தபோது கொண்டு வரப்பட்ட பசு வதைத் தடுப்புச் சட்டம் மாநிலத்தின் பொருளாதார வளர்ச்சிக்கு பெரும் குந்தகமாக அமைந்து விட்டது. இதனால் மாநிலத்தின் மீது பெரும் நிதிச்சுமை இறங்க வழி வகுத்து விட்டது.

பசு வதைச் சட்டம் மட்டுமல்லாமல், ஹிஜாப் தடை என எதுவாக இருந்தாலும், அது மக்களுக்கும், சமூக வளர்ச்சிக்கும், பொருளாதார வளர்ச்சிக்கும் உதவாததாக இருந்தால் நிச்சயம் நீக்கப்படும். காங்கிரஸ் ஆட்சி, பொருளாதாரத்தை மட்டுமே பார்க்கிறது. இதில் நாங்கள் அரசியல் செய்யவில்லை.

நாக்பூரில் உள்ள தங்களது முதலாளிகளை திருப்திப்படுத்துவதற்காக மட்டுமே கொண்டு வரப்பட்டது பசுவதைத் தடுப்புச் சட்டம். அது கால்நடை விவசாயிகளையோ அல்லது தொழில்துறையினரையோ எந்த வகையிலும் திருப்திப்படுத்தவில்லை. அவர்களுக்கு இதனால் எந்த லாபமும் கிடைக்கவும் இல்லை.

நிச்சயம் பசுவதைத் தடுப்புச் சட்டத்தை நாங்கள் மறு ஆய்வு செய்வோம். பொருளாதாரம் சீர்குலைந்துள்ளது. இந்த நிலையில் இதுபோன்ற நிதிச் சுமையை ஏற்படுத்தக் கூடிய சட்டங்களை அப்படியே ஏற்க முடியாது என்றார் கார்கே. காங்கிரஸ் தலைவர் மல்லிகார்ஜூன் கார்கேவின் மகன்தான் பிரியங்க் கார்கே என்பது குறிப்பிடத்தக்கது.

சமீபத்திய செய்திகள்

Aadi Pooram: ஆண்டாளையும், அம்பாளையும் வழிபாடு செய்ய உகந்த நாள்.. ஆடிப்பூரம்!

திருஞான சம்பந்தருக்காக.. நந்தியே விலகி நின்ற.. பட்டீஸ்வரம் தேனுபுரீஸ்வரர் திருக்கோவில்!

12 ராசிகளுக்குமான இன்றைய ராசிபலன் ஜூலை 28, 2025... இன்று ராஜயோகம் தேடி வரும் ராசிகள்

பஹல்காம் ரத்தம் இன்னும் காயவில்லை.. அதற்குள் பாகிஸ்தானுடன் விளையாட்டா?.. பிசிசிஐக்கு எதிர்ப்பு!

முதல்வரின் கோரிக்கை மனு... தமிழ்நாடு வரும் பிரதமர் மோடியிடம் வழங்கப் போவது யார் தெரியுமா?

தமிழ்நாட்டுக்கு வரும் பிரதமர் நரேந்திர மோடியைச் சந்திக்க எடப்பாடி பழனிச்சாமி திட்டம்!

நான் வெற்றி பெற்றவன்.. இமயம் தொட்டு விட்டவன்.. பகையை முட்டி விட்டவன்.. கமலுக்கு வைரமுத்து வாழ்த்து!

திமுக ஆட்சியின் போலீசுக்கே பாதுகாப்பு இல்லை... சட்டம் ஒழுங்கு சீர்கெட்டுள்ளது: எடப்பாடி பழனிச்சாமி

கோவை, நீலகிரிக்கு இன்று ஆரஞ்ச் அலர்ட் - வானிலை ஆய்வு மையம் தகவல்!

பாஜக கொண்டு வந்த திட்டங்கள் சரியில்லாவிட்டால் தூக்கி எறியப்படும்.. கர்நாடக அமைச்சர்!

Comments

சமீபத்திய செய்திகள்

அதிகம் பார்க்கும் செய்திகள்