ராகுலை தொடர்ந்து சோனியா காந்திக்கு பாஜக குறி?.. தேர்தல் கமிஷனிடம் புகார்

May 08, 2023,03:02 PM IST

பெங்களூரு : காங்கிரஸ் தலைவர் சோனியா காந்திக்கு எதிராக கர்நாடக தேர்தல் கமிஷனிடம், பாஜக சார்பில் புகார் அளிக்கப்பட்டுள்ளது. சோனியா காந்தி பிரசாரம் செய்ய தடை விதிக்கவும் கோரிக்கை வைக்கப்பட்டுள்ளது.

கர்நாடக சட்டசபை தேர்தல் மே 10 ம் தேதி நடைபெற உள்ளது. இதற்கான பிரசாரம் மே 08 ம் தேதியான இன்று மாலையுடன் ஓய்கிறது. இதனால் இறுதிக்கட்ட பிரசாரத்தில் தேசிய தலைவர்கள் பலரும் பங்கேற்று, பரபரப்பாக பிரச்சாரம் செய்து வருகின்றனர்.

சமீபத்தில் பிரச்சாரத்தில் பேசிய சோனியா காந்தி, பாஜக மீதும் பிரதமர் மோடி மீது பகிரங்கமாக பல குற்றச்சாட்டுக்களை முன் வைத்தார். இதைத் தொடர்ந்து நேற்று நடந்த பிரச்சார கூட்டத்தில் பேசிய பிரதமர் மோடி, காங்கிரஸ் கட்சி கர்நாடகாவை இந்தியாவில் இருந்தே பிரிக்க பார்க்கிறது. மதவாதம் போன்றவற்றை தூண்டிவிட்டு, கார்நாடகாவில் மீண்டும் ஆட்சியை பிடிக்க காங்கிரஸ் முயற்சி செய்வதாக தெரிவித்தார்.

மோடி பிரச்சாரத்தில் பேசிய அடுத்த நாளே, சோனியா காந்தி மீது கர்நாடக தேர்தல் கமிஷனில் புகார் அளிக்கப்பட்டுள்ளது. தடை செய்யப்பட்ட அமைப்புக்களுக்கு ஆதரவாக சோனியா காந்தி பேசி வருவதாகவும், இந்த அமைப்புக்கள் மீண்டும் தலைதூக்கினால் அதற்கு காங்கிரசின் ராயல் ஃபேமலி தான் முன்எடுத்ததாக இருக்கும். இதை சீரியசாக எடுத்து நடவடிக்கை எடுக்க வேண்டும். சோனியா மீது உடனடியாக நடவடிக்கை எடுக்க வேண்டும் என பாஜக வலியுறுத்தி உள்ளது.

ஏற்கனவே காங்கிரஸ் தலைவர் ராகுல் காந்தி மீது பாஜக தொடர்ந்த அவதூறு வழக்கால் அவரின் எம்பி பதவி பறிக்கப்பட்டதுடன், எட்டு ஆண்டுகள் தேர்தலில் போட்டியிட முடியாத நிலை ஏற்பட்டுள்ளது. ராகுலை தொடர்ந்து சோனியா காந்திக்கு பாஜக குறிவைத்திருப்பதாக அரசியல் வட்டாரங்களில் பேசப்படுகிறது. பாஜக - காங்கிரஸ் இடையேயான மோதல் உச்சகட்டத்தை எட்டி உள்ளதால், கர்நாடகா தேர்தல் களம் கத்திரி வெயிலையும் மிஞ்சும் அளவிற்கு சூடு பிடித்துள்ளது.

சமீபத்திய செய்திகள்

போராளிகளின் வரலாற்றை சற்றுப் படியுங்கள் தம்பி.. முதல்வர் விஜய்க்கு மு.க.ஸ்டாலின் வேண்டுகோள்

அத்தனை நீளமாகப் பேசியும் detention copy பற்றி மூச்சுவிடவில்லையே.. ஸ்டாலினுக்கு தவெக கேள்வி

தாராபுரம்: அமராவதி ஆற்றின் கரையில்… மாறிக்கொண்டே இருக்கும் அரசியல் களம்!

மதுராந்தகம்.. ஏரிகாத்த ராமர் முதல் தேர்தல் களம் வரை… தனித்துவம் கொண்ட தொகுதி!

தமிழகத்தில் 17 மாவட்டங்களில் இன்று மிதமான மழைக்கு வாய்ப்பு: வானிலை மையம் எச்சரிக்கை

இளையராஜாவுக்கு டெல்லி உயர் நீதிமன்றம் நோட்டீஸ்: நீதிமன்ற அவமதிப்பு வழக்கின் பின்னணி!

தாய்மாமன் தங்க மோதிர திட்ட டெண்டரை எதிர்த்த வழக்கு தள்ளுபடி

மடப்புரம் அஜித்குமார் வழக்கு: 4 போலீசார் மீது கொலை வழக்கு பதிவு செய்ய நீதிமன்றம் உத்தரவு!

தவெக.,விற்கு மாநிலக் கட்சி அங்கீகாரம்: 'விசில்' சின்னத்தை உறுதி செய்தது தேர்தல் ஆணையம்!

ராகுலை தொடர்ந்து சோனியா காந்திக்கு பாஜக குறி?.. தேர்தல் கமிஷனிடம் புகார்

Comments

சமீபத்திய செய்திகள்

அதிகம் பார்க்கும் செய்திகள்