கல்யாண அழைப்பிதழில் "தல".. கலகலக்க வைத்த தோனி ரசிகர்!

Jun 05, 2023,04:16 PM IST

ராய்ப்பூர்: சட்டிஸ்கரைச் சேர்ந்த தோனி ரசிகர் ஒருவர், அவரது படத்தையும், தோனியின் ஜெர்சி நம்பர் ஏழையும் போட்டு தனது கல்யாண அழைப்பிதழை உருவாக்கியுள்ளார். இந்த அழைப்பிதழை தோனிக்கும் கூட அவர் அனுப்பி வைத்து அசத்தியுள்ளார்.

உலக அளவில் கிரிக்கெட் வீரர் ஒருவருக்கு இந்த அளவுக்கு பக்தி கலந்த பரவசமான, வெறித்தனமான ரசிகர் கூட்டம் இருக்கிறது என்றால் இந்த நிமிடத்தில் அதில் தோனிதான் "கிங்". கோடிக்கணக்கான ரசிகர்கள் அவர் மீது பயங்கர கிரேஸாக இருக்கிறார்கள். அவரை மோட்டிவேஷனாக நினைக்கிறார்கள். அவரைப் பின்பற்றத் துடிக்கிறார்கள்.

உண்மையில் தோனி மாதிரியான ஒரு "லீடரை" இன்று நிச்சயம் பார்க்க முடியாது. செய்வதிலும், சொல்வதிலும் ஒரு தெளிவு, நிதானம்.. அதேசமயம் துணிவும் கலந்த துல்லியம் என்று அட்டகாசமான தலைவராக வலம் வந்தவர் தோனி. இன்று வரை சென்னை சூப்பர் கிங்ஸ் அணியை சிறப்பாக வழிநடத்தியும் வருகிறார்.

இப்படிப்பட்ட தோனிக்கு ரசிகர்கள் கூட்டம் இருப்பதில் என்ன ஆச்சரியம் இருக்க முடியும். அப்படிப்பட்ட ஒரு ரசிகர், சட்டிஸ்கரையே மூக்கில் விரலை வைக்க வைத்துள்ளார். அந்த ரசிகருக்கு கல்யாணம் நடக்கப் போகிறது. இதற்காக அவர் அடித்துள்ள அழைப்பிதழ் தான் அனைவரையும் கவர்ந்துள்ளது.

கல்யாண அழைப்பிதழின் அட்டையில் தோனியின் ஜெர்சி எண் 7 மற்றும் அவரது புகைப்படத்தையும் அந்த ரசிகர் போட்டுள்ளார். கூடவே தோனியின் செல்லப் பெயரான "தல" என்ற வார்த்தையையும் இணைத்துள்ளார். இந்த அழைப்பிதழை தோனிக்கும் கூட அவர் அனுப்பி வைத்துள்ளாராம்.

இப்படிப்பட்ட ரசிகர்களை மனதில் வைத்துக் கொண்டுதான், தான் ஓய்வு பெறுவது குறித்து இப்போதைக்கு யோசிக்கவில்லை. அப்படிப்பட்ட முடிவை எடுப்பது எளிதானது.. ஆனால் நான் போகுமிடமெல்லாம் என்னைப் பின் தொடரும் ரசிகர்களைப் பார்த்த பிறகு அது கடினமானது.. ரசிகர்களுக்கு கிப்ட் தர ஆசைப்படுகிறேன் என்று சமீபத்தில் கூறியிருந்தார் தோனி என்பது நினைவிருக்கலாம்.

சமீபத்திய செய்திகள்

முதல்வர் மு.க.ஸ்டாலின், உதயநிதி ஸ்டாலின், விஜய் (பெரம்பூர்), நயினார் நாகேந்திரன் வேட்புமனு ஏற்பு

TN Assembly Elections: தமிழ்நாடு சட்டசபை தேர்தல் 2026.. 7150 பேரின் வேட்பு மனுக்கள் இன்று பரிசீலனை

ஐபிஎல் டி20 கிரிக்கெட் 2026 : ராஜஸ்தான் ராயல்ஸ் - மும்பை இந்தியன்ஸ் அணிகள் இன்று மோதல்

புதுச்சேரி, அசாம், கேரளா சட்டசபை தேர்தல் 2026: இன்றுடன் பிரச்சாரம் ஓய்கிறது

சாத்தான்குளம் தந்தை-மகன் லாக்கப் மரண வழக்கு: குற்றவாளிகள் 9 பேருக்கும் மரண தண்டனை

தமிழக சட்டசபைத் தேர்தல் 2026 : வேட்புமனு தாக்கல் நிறைவடைந்தது.. நாளை மனுக்கள் பரிசீலனை

இது GenZ காலம்.. திருமணங்களுக்கு முற்றுப்புள்ளியா?

ஐபிஎல் டி20 கிரிக்கெட் 2026 : இன்று கோல்கத்தா- பஞ்சாப் அணிகள் மோதல்

Mayiladuthurai Kitchen: மைக்ரோவேவ் இல்லாமல் ரவா கேக்கா?.. ஆமாங்க ஆமா!

கல்யாண அழைப்பிதழில் "தல".. கலகலக்க வைத்த தோனி ரசிகர்!

Comments

சமீபத்திய செய்திகள்

அதிகம் பார்க்கும் செய்திகள்