ரூ. 306 கோடி.. திமுகவுக்கு வந்த "அடையாளம் தெரியாத" டொனேஷன்.. !

May 18, 2023,01:34 PM IST

டெல்லி: பிராந்தியக் கட்சிகளுக்கு அடையாளம் தெரியாத மூலங்களிலிருந்து (unknown sources) பெருமளவில் நிதி வந்திருப்பதாக ஜனநாயக சீரமைப்பு அமைப்பு (ADR) என்ற நிறுவனம் தெரிவித்துள்ளது.

இதுதொடர்பாக அது ஒரு ஆய்வறிக்கையை வெளியிட்டுள்ளது. அதில் பிராந்தியக் கட்சிகளுக்கு கடந்த 2021- 22 நிதியாண்டில் வந்த நன்கொடைகள் குறித்த விவரத்தை அது வெளியிட்டுள்ளது. பிராந்தியக் கட்சிகளுக்கு இந்தக் காலகட்டத்தில் மிகப் பெரிய அளவில் நிதி வந்திருப்பதாக தெரிவித்துள்ள ஏடிஆர் அதில் கிட்டத்தட்ட ரூ. 887.55 கோடி நிதி, அடையாளம் தெரியாத மூலங்களிடமிருந்து வந்ததாக கூறியுள்ளது.

அடையாளம் தெரியாத மூலங்கள் என்றால் - தேர்தல் பான்டுகள் மூலம் வந்த நன்கொடைகள், கூப்பன் விற்பனை, நிவாரண நிதி, இதர வருமானங்கள், தானாக முன்வந்து தரும் நன்கொடைகள், பொதுக்கூட்டங்கள் நடத்தி அதன் மூலம் கிடைத்த வருவாய் என்பதாகும்.

பிராந்தியக் கட்சிகளுக்கு வந்த நிதியில் தேர்தல் பாண்டுகள் மூலம் 827.76 கோடி ரூபாய் கிடைத்துள்ளது. கூப்பன் விற்பனை மூலம் கிடைத்த நிதி ரூ. 38.35 கோடியாகும். தானாக முன்வந்து அளித்த நிதி ரூ. 21.29 கோடியாகும்.

மொத்தம் 54 அங்கீகரிக்கப்பட்ட பிராந்தியக் கட்சிகள் இந்த ஆய்வுக்கு எடுத்துக் கொள்ளப்பட்டன. ஆனால் அதில் பாதிக் கட்சிகள்தான் வருடா வருடம் தங்களது நிதிக் கணக்கு விவரத்தை முறையாக தாக்கல் செய்கின்றன. இந்தக் கட்சிகளின் மொத்த வருமானம் ரூ. 1165.58 கோடியாகும். இதில் தெரிந்த நிதியாதாரங்கள் மூலம் கிடைத்த நன்கொடைகள் ரூ. 145.42 கோடியாகும்.

அடையாளம் தெரியாத மூலங்களிலிருந்து அதிக நிதி வந்தது திமுகவுக்குத்தான். அக்கட்சிக்கு ரூ. 306 கோடி இதுபோலவந்துள்ளது. அடுத்து ஒடிஷாவின் பிஜூ ஜனதாதளத்திற்கு ரூ. 291 கோடியும், தெலங்கானா ராஷ்டிரிய சமிதிக்கு ரூ. 153 கோடியும் கிடைத்துள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

சென்னையில் நாளை தவெக எம்.எல்.ஏ.க்களுடன் முதல்வர் விஜய் அவசர ஆலோசனை

இரும்புக்கரம் கொண்டு அடக்குவாரா விஜய்? இனியும் சுதாரிக்காவிட்டால் தவெக அரசுக்கு சிக்கல்!

ரூ.400 கோடி லஞ்ச வழக்கு : திமுக முன்னாள் அமைச்சர் அன்பில் மகேஷின் ஜாமீன் மனு தள்ளுபடி

தமிழக அரசு வங்கிக் கணக்கில் ரூ.22 கோடி ஆன்லைன் திருட்டு: சைபர் குற்றப்பிரிவு தீவிர விசாரணை!

பெண் ஆட்சியருக்கு ஆபாச எஸ்எம்எஸ் அனுப்பினேனா?: தவெக எம்எல்ஏ அருள் விக்னேஷ் மறுப்பு

இந்திய விடுதலைப் போராட்டத்தில் மறைக்கப்பட்ட தென்மாவட்டப் பெண்களின் பங்கு!

நவம்பர் 13ல் உருவாகிறது தென்கிழக்கு வங்கக்கடலில் புதிய காற்றழுத்த தாழ்வுப் பகுதி

"ஓ... மேடமுக்கு கோபம் வந்திருச்சா".. அழாதே அனாமிகா (2)

கந்தசஷ்டி விரதம் எப்படித் தோன்றியது தெரியுமா?