ஐபிஎல் பிளே ஆப் மேட்ச் பார்க்கவா போறீங்க.. அப்ப மெட்ரோவில் டிக்கெட் எடுத்தாகணும்!

May 23, 2023,09:11 AM IST

சென்னை: சென்னை சேப்பாக்கம் ஸ்டேடியத்தில் இன்றும், நாளையும் நடைபெறும் பிளே ஆப் போட்டிகளைக் காண மெட்ரோ ரயில் சேவையப் பயன்படுத்துவோர், போட்டி டிக்கெட்டை காட்டி பயணிக்க முடியாது என்று சென்னை மெட்ரோ நிறுவனம் அறிவித்துள்ளது.

ஐபிஎல் போட்டிகள் கடைசிக் கட்டத்துக்கு வந்து விட்டன. சுற்றுப் போட்டிகள் எல்லாம் முடிந்த நிலையில் தற்போது பிளே ஆப் போட்டிகள் ஆரம்பிக்கவுள்ளன. பிளே ஆப் சுற்றுக்கு சென்னை சூப்பர் கிங்ஸ், குஜராத் டைட்டன்ஸ், லக்னோ மற்றும் மும்பை இந்தியன்ஸ் ஆகிய அணிகள் தகுதி பெற்றுள்ளன.

இதில் இன்றும் நாளையும் சென்னை சேப்பாக்கம் மைதானத்தில் முதல் குவாலிபயர் போட்டியும், எலிமினேட்டர் போட்டியும் நடைபெறவுள்ளது. முதல் குவாலிபயர் போட்டியில் சென்னை சூப்பர் கிங்ஸ் அணி மோதுகிறது. இப்போட்டி இன்று நடைபெறுகிறது.

இதுவரை நடந்த லீக் போட்டிகளுக்காக மெட்ரோ ரயில்களைப் பயன்படுத்திய ரசிகர்கள்,போட்டியைப் பார்க்க எடுத்த டிக்கெட்டுகளைக் காட்டி மெட்ரோவில் இலவசமாக பயணித்து வந்தனர். ஆனால் பிளே ஆப் போட்டிகளுக்கு இந்த இலவச முறை செல்லாது என்று மெட்ரோ நிறுவனம் அறிவித்துள்ளது. சுற்றுப் போட்டிகளுடன் அந்த சலுகை முடிந்து விட்டதாகவும், பிளே ஆப் போட்டிகளைப் பார்க்க வருவோர், டிக்கெட் எடுத்துதான் பயணிக்க வேண்டும் என்றும் மெட்ரோ நிறுவனம் தெரிவித்துள்ளது.

வாட்ஸ் ஆப் (91-8300086000) மூலமாகவும் , க்யூ ஆர் கோடு மூலமாகவும் டிக்கெட்களைப் பெறலாம் என்றும் இதனால் கூட்ட நெரிசலில் நிற்பதைத் தவிர்க்க முடியும் என்றும் மெட்ரோ நிறுவனம் தெரிவித்துள்ளது.இரவு 11 மணிக்கு மேல் டிக்கெட் கவுன்டர்கள் செயல்படாது என்றும் மெட்ரோ நிறுவனம் தெரிவித்��ுள்ளது.

அதேசமயம், போட்டிகள் நடைபெறும் இரு தினங்களிலும் இரவு 1 மணி வரை மெட்ரோ ரயில் சேவை இயங்கும் என்றும் மெட்ரோ நிறுவனம் தெரிவித்துள்ளது.

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!

ஐபிஎல் பிளே ஆப் மேட்ச் பார்க்கவா போறீங்க.. அப்ப மெட்ரோவில் டிக்கெட் எடுத்தாகணும்!

Comments

சமீபத்திய செய்திகள்

அதிகம் பார்க்கும் செய்திகள்