"பூலோக சொர்க்கத்தின் திறப்பு விழா".. புதிய நாடாளுமன்றம் ரெடி.. 28ம் தேதி திறக்கிறார் மோடி

May 19, 2023,09:46 AM IST

டெல்லி: மிகப் பிரமாண்டமான முறையில் கட்டப்பட்டுள்ள நாடாளுமன்ற புதிய கட்டடத்தை பிரதமர் நரேந்திர மோடி மே 28ம் தேதி திறந்து வைக்கவுள்ளார்.

சென்டிரல் விஸ்டா என்ற பெயரில் புதிய நாடாளுமன்றம், பிரதமர் அலுவலகம், மத்திய தலைமைச் செயலகம் உள்ளிட்டவை அடங்கிய பிரமாண்ட கட்டட வளாகம் டெல்லியில் கட்டப்பட்டு வருகிறது. இதில் புதிய நாடாளுமன்றக் கட்டடம் மிகப் பிரமாண்டமாக, ஐரோப்பிய நாடுகளில் உள்ளது போல சூப்பராக கட்டப்பட்டுள்ளது.

லோக்சபா வளாகத்தில் 888 உறுப்பினர்கள் அமரும் வகையில் விஸ்தாரமாக லோக்சபா உருவாக்கப்பட்டுள்ளது. அதேபோல ராஜ்யசபாவில், 300 பேர் வரை அமர முடியும். இரு அவைகளின் கூட்டுக் கூட்டம் என்றால் 1280 உறுப்பினர்கள் வரை அமர முடியும்.

இந்தப் புதிய நாடாளுமன்ற வளாகத்தை மே 28ம் தேதி பிரதமர் மோடி திறந்து வைக்கவுள்ளார். இதற்கா அழைப்பை லோக்சபா சபாநாயகர் ஓம் பிர்லா, பிரதமருக்கு விடுத்துள்ளார். புதிய கட்டடத்திற்கான அடிக்கல் நாட்டு விழா கடந்த 2020ம் ஆண்டு டிசம்பர் 10ம் தேதி நடந்தது. பிரதமர் நரேந்திர மோடி அடிக்கல் நாட்டினார். அதன் பின்னர் பணிகள் விரைவாக நடந்து வந்தன. சமீபத்தில் கூட பிரதமர் கட்டுமானப் பணிகளை நேரில் பார்த்தார். அங்கு வேலை செய்வோரிடமும் அவர் கலந்துரையாடினார்.

தற்போது பயன்படுத்தப்பட்டு வரும் நாடாளுமன்றக் கட்டடம் மிக மிக பழமையானது. 1927ம் ஆண்டு கட்டப்பட்ட, 96 வயது கட்டடமாகும். இங்கு தீவிரவாதிகள் புகுந்த சம்பவம் மறக்க முடியாத முக்கிய நிகழ்வாகும். அப்போது பிரதமராக வாஜ்பாய் இருந்தார் என்பது நினைவிருக்கலாம். காலத்திற்கேற்ற வகையில் இந்த கட்டடத்தை விஸ்தரிக்க வழி இல்லாததால், புதிய நாடாளுமன்றத்தைக் கட்ட பிரதமர் மோடி தலைமையிலான பாஜக அரசு முடிவு செய்தது.

இதுதொடர்பாக லோக்சபாவிலும், ராஜ்யசபாவிலும் தீர்மானங்களும் நிறைவேற்றப்பட்டன. இதையடுத்து புதிய நாடாளுமன்ற வளாகம் கட்டும் பணிகள் அறிவிக்கப்பட்டு தற்போது முடிவுக்கு வந்துள்ளன.

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!

"பூலோக சொர்க்கத்தின் திறப்பு விழா".. புதிய நாடாளுமன்றம் ரெடி.. 28ம் தேதி திறக்கிறார் மோடி

Comments

சமீபத்திய செய்திகள்

அதிகம் பார்க்கும் செய்திகள்