அடேங்கப்பா... என்னா ஓட்டம்.. ஒரே ஆண்டில் ரயில்வே வருமானம் 25% அதிகரிப்பு

Apr 19, 2023,09:26 AM IST

புதுடில்லி : 2022-2023 ம் நிதியாண்டில் இந்திய ரயில்வே துறை ரூ.2.4 லட்சம் கோடியை வருமானமாக பெற்றுள்ளது. இது கடந்த நிதியாண்டை வித 25 சதவீதம் அதிகமாகும்.

ரயில்வே அமைச்சகம் வெளியிட்டுள்ள லேட்டஸ்ட் அறிக்கையின் படி, மார்ச் 31 ம் தேதியுடன் நிறைவடைந்த கடந்த நிதியாண்டில் முன்பு எப்போதும் இல்லாத அளவாக பயணிகளின் வருகை அதிகரித்ததன் காரணமாக 61 சதவீதம் வளர்ச்சி ஏற்பட்டு, ரூ.63,300 கோடி வருமானம் கிடைத்துள்ளது. மூன்று ஆண்டுகளுக்கு பிறகு தற்போது தான் பென்சன் தொகையை முழுவதுமாக தரும் அளவிற்கு ரயில்வே துறையின் வருவாய் திருப்திகரமாக உள்ளது என தெரிவிக்கப்பட்டுள்ளது.

இந்தியாவின் மிகப் பெரிய பொது சேவை துறையான ரயில்வே துறையில் கடந்த சில ஆண்டுகளாக பல புதிய திட்டங்கள், வளர்ச்சி பணிகள் தொடர்ந்து மேற்கொள்ளப்பட்டு வருகிறது. ரயில்வே துறை மூலமாக சுற்றுலா வளர்ச்சி துறை இணைந்து அறிமுகம் செய்துள்ள புதிய சுற்றுலா திட்டங்களால் ரயிலில் பயணம் செய்யும் பயணிகளின் எண்ணிக்கை அதிகரித்து வருகிறது. இதன் காரணமாக ரயில்வே துறையில் ஒரே ஆண்டில் அதன் வருவாய் 25 சதவீதம் உயரும் அளவிற்கு உருவாகி உள்ளது.

இந்திய பண்பாடு, பாரம்பரிய மிக்க வரலாற்று சிறப்பு மிக்க சுற்றுலா தலங்களை கண்டுகளிக்க ரயில்வே துறை சார்பில் பாரத் கவுரவ் திட்டம் என்ற திட்டம் அறிமுகம் செய்யப்பட்டது. இதன் மூலம் ஆன்மிக சுற்றுலா ரயில்கள் இயக்கப்பட்டு வருகிறது. இதில் இயக்கப்பட்ட 6 ரயில்கள் மூலம் மட்டும் ரூ.6.3 கோடி வருமானம் கிடைத்துள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Assembly By Election: நாளை மதுராந்தகம், தாராபுரம் இடைத்தேர்தல் 2026: அனைத்து ஏற்பாடுகளும் தயார்

சென்னை பட்டினப்பாக்கம் புதிய தலைமைச் செயலக வழக்கு: வழக்கறிஞர் தாக்கல் செய்த மனு வாபஸ்

தென்தமிழ் தலையங்கம்: Celluloid World to St Geroge Fort..கோட்டையைப் பிடிக்கத் துடிக்கும் கோடம்பாக்கம்

குலுக்கி சர்பத்: தூக்கிப் போட்டு குலுக்கி எடுத்து கிளாஸில் ஊற்றிக் குடிச்சா.. ஆஹா என்ன சுகம்!

தலைமை தேர்தல் ஆணையர் விவகாரம்: இடைக்கால உத்தரவு பிறப்பிக்க உச்சநீதிமன்றம் மறுப்பு

2026-ஆம் ஆண்டின் மருத்துவத்திற்கான நோபல் பரிசு அறிவிப்பு: 3 விஞ்ஞானிகளுக்கு விருது!

Evening Snacks Time: டேஸ்ட்டியான சேமியா பால் பாயாசம் செய்து சாப்பிடலாமா?

சென்னையில் புறநகர் மின்சார ரயில் தடம் புரண்டு விபத்து: ரயில் சேவைகள் பாதிப்பு!

எனக்கு ஆசை.. உனக்கு ஆசை.. உன்னை நான் நேசிப்பதும்.. என்னை நீ நேசிப்பதும்!