மாஸ்டர் இவர் நடிக்க வேண்டிய படமா ?.. தரமான சம்பவம் மிஸ் ஆகிடுச்சே

Feb 21, 2023,11:44 AM IST

சென்னை : டைரக்டர் லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன் நடித்த பிளாக் பஸ்டர் படம் மாஸ்டர். 2021 ம் ஆண்டு ரிலீசான இந்த படம் ஆக்ஷன் த்ரில்லர் படமாக ரிலீசாகி இருந்தது.

கிட்டதட்ட ரூ.220 கோடி முதல் 300 கோடி வரை வசூல் ஆன மாஸ்டர் படத்தில், டாப் ஹீரோக்களில் ஒருவராக இருக்கும் விஜய் சேதுபதியை முதல் முறையாக வில்லனாக அறிமுகம் செய்து வைத்தார் லோகேஷ் கனகராஜ். விஜய்- விஜய் சேதுபதி காம்போ ரசிகர்களை வெகுவாக கவர்ந்தது.

முக்கிய கேரக்டர்களில் நடித்த விஜய், விஜய் சேதுபதி மட்டுமல்ல, சப்போர்டிங் கேரக்டர்களில் நடித்த மாஸ்டர் மகேந்திரன், அர்ஜூன் தாஸ் ஆகியோரின் கேரக்டர்களும் பெரிய அளவில் பேசப்பட்டன.

நான் புரட்சிக்காரி இல்லை.. எனது வாழ்க்கையை நான் வாழ்கிறேன்.. சானியா மிர்ஸா ஓபன் பேட்டி!

சின்ன சின்ன கேரக்டர்களில் நடித்தவர்களுக்கும் கூட பெயர், புகழை தேடி தந்து, பல படங்களில் நடிக்கும் வாய்ப்பை பெற்று தந்தது மாஸ்டர் படம். அனிருத்தின் இசையில் வாத்தி கம்மிங், குட்டி ஸ்டோரி போன்ற பாடல்கள் படம் ரிலீசாவதற்கு பல மாதங்களுக்கு முன்பே மாஸ் ஹிட் அடித்து, யூட்யூப்பில் புதிய சாதனை படைத்தன.

ஆனால் லேட்டஸ்டாக கசிந்துள்ள தகவலின் படி, ரசிகர்களை கொண்டாட வைத்த மாஸ்டர் படத்திற்கு ஃபர்ஸ்ட் சாய்ஸ் விஜய் கிடையாதாம். இந்த கதையை அல்டிமேட் ஸ்டார் அஜித்தை மனதில் வைத்து தான் லோகேஷ் கனகராஜ் உருவாக்கினார் என்ற புதிய தகவல் வெளியாகி உள்ளது. அந்த சமயத்தில் அஜித், வலிமை பட வேலைகளில் பிஸியாக இருந்தாராம்.

கொரோனா பரவ துவங்கிய நேரம் என்பதால் வலிமை படத்திற்கு வெளிநாடுகளில் நடத்தப்பட வேண்டிய ஷூட்டிங்கிற்கு அடுத்தடுத்து அனுமதி மறுக்கப்பட்ட, ஷூட்டிங் தொடர்ந்து தாமதமாக, படத்தின் வேலைகள் முடிக்கப்படாமல் இருந்தார் அஜித். ஒரு படத்தின் வேலைகளை முடிக்காமல் அடுத்த படத்தில் கமிட்டாவதில்லை என கொள்கை வைத்திருப்பவர் அஜித். அதனால் வலிமை படத்தை முடிக்காமல் வேறு எந்த படத்திலும் கமிட்டாக விரும்பாததால் மாஸ்டர் படத்தில் பிறகு நடிப்பதாகவும், கொஞ்ச காலம் பொறுக்க வேண்டும் என லோகேஷிடம் கூறினாராம்.

ஆனால் வலிமை படத்தை முடிக்க பல மாதங்கள் ஆகும் என்ற நிலைமை வந்ததால் வேறு இல்லாமல் தனது கதையில் சிறிய மாற்றங்களை செய்து, விஜய்யிடம் பேசி படத்தை முடித்தாராம் லோகேஷ். இதனால் லோகேஷின் அடுத்தடுத்த ஸ்கிரிப்ட்களில் அஜித்திற்கும் ஒரு கதை இருக்கும் என எதிர்பார்க்கப்படுகிறது. மாஸ்டர் படத்தில் அஜித் நடித்திருந்தால், அஜித் - விஜய் சேதுபதி காம்போவில் படம் வேற லெவலில் இருந்திருக்கும். மிஸ் பண்ணி விட்டோமே அஜித் ரசிகர்கள் ஆதங்கத்தை வெளிப்படுத்தி வருகின்றனர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

என்னங்க பெரிய பணம்.. மக்களுக்காக எதையும் தூக்கி எறிஞ்சிட்டு வரலாம்.. அரியலூரில் விஜய்

Ilaiayraja: அமுதே தமிழே அழகிய மொழியே.. எங்கள் உயிரே.. இளையராஜாவுக்கு கோலாகல பாராட்டு விழா

C.M.சிங்காரவேலன் எனும் நான்... புதிய படத்தை எழுதி இயக்கும் பார்த்திபன்.. செம ஸ்டில் வெளியீடு!

பழைய, புதிய எதிரிகள் என எந்தக் கொம்பனாலும் திமுக கோட்டையைத் தொட முடியாது: முதல்வர் மு.க.ஸ்டாலின்!

Vijay maiden Campaign: விஜய்யின் முதல் சட்டசபைத் தேர்தல் பிரச்சார பேச்சு எப்படி இருந்தது?

போருக்கு தயாராவதற்கு முன் குலதெய்வமாக நினைத்து மக்களை சந்திக்க வந்துள்ளேன்: தவெக தலைவர் விஜய்!

பல மணி நேர தாதமத்திற்குப் பின்னர் மரக்கடைக்கு வந்து சேர்ந்தார் விஜய்.. பேசப் போவது என்ன?

விஜய் வருகையால்.. திணறிப் போனது திருச்சி.. விமான நிலையத்தை அதிர வைத்த தொண்டர்கள்

சொன்னீர்களே? செய்தீர்களா?... திமுகவிற்கு சரமாரியாக கேள்விகளை எழுப்பிய தவெக தலைவர் விஜய்!