திடீர் உடல்நலக்குறைவு... நடிகர் பிரபு மருத்துவமனையில் அனுமதி

Feb 22, 2023,02:46 PM IST

சென்னை : முன்னணி நடிகரான நடிகர் பிரபு திடீர் உடல்நலக்குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டுள்ளார்.

திடீரென ஏற்பட்ட வயிற்று வலி காரணமாக நடிகர் பிரபு, மருத்துவமனையில் அனுமதிக்கப்பட்டுள்ளார். முதல் கட்டமாக அவருக்கு நடத்தப்பட்ட மருத்துவ பரிசோதனையில் அவருக்கு சிறுநீரகத்தில் கல் உள்ளதாக கண்டறியப்பட்டுள்ளது. இதனையடுத்து பிரபுவுக்கு யூரிடெரோஸ்கோபி லேசர் முறையில் அறுவை சிகிச்சை நேற்று செய்யப்பட்டது. அதில் அவரது சிறுநீரகத்தில் இருந்த கற்கள் வெற்றிகரமாக அகற்றப்பட்டு விட்டதாக டாக்டர்கள் தெரிவித்துள்ளனர்.

கமகமன்னு மீன் வறுவல்.. இப்படியும் செய்யலாம்!

லேசர் அறுவை சிகிச்சைக்கு பிறகு பிரபு, பூரண உடல்நலத்துடன் இருப்பதாகவும், வழக்கமான மருத்துவ பரிசோதனைகள் செய்யப்பட்டு வருவதாகவும் சொல்லப்படுகிறது. ஓய்விற்கு பிறகு ஓரிரு நாளில் அவர் வீடு திரும்புவார் என சொல்லப்படுகிறது. பிரபுவின் மகன் விக்ரம் பிரபுவும் தமிழ் சினிமாவின் முக்கிய ஹீரோக்களில் ஒருவராக பல படங்களில் நடித்து வருகிறார்.

நடிகர் திலகம் சிவாஜி கணேசனின் இளைய மகனான பிரபு, 1980 களில் தமிழ் சினிமாவில் ஹீரோவாக அறிமுகமானார். டாப் ஹீரோக்களில் ஒருவராக இருந்த பிரபு இதுவரை 300 க்கும் மேற்பட்ட படங்களில் நடித்துள்ளார். தமிழ் மட்டுமின்றி மலையாளம், தெலுங்கு உள்ளிட்ட பல மொழி படங்களிலும் பிரபு நடித்துள்ளார். ஆரம்பத்தில் ஹீரோவாக மட்டும் நடித்து வந்த பிரபு, தற்போது சப்போர்டிங் ரோல்களிலும் நடித்து வருகிறார்.

கடைசியாக விஜய் நடித்த வாரிசு படத்தில் பிரபு நடித்திருந்தார். இது பிரபு - விஜய் இணைந்து நடிக்கும் மூன்றாவது படமாகும். மணிரத்னம் இயக்கிய பொன்னியின் செல்வன் படத்திலும் முக்கிய கேரக்டரில் பிரபு நடித்திருந்தார். தற்போது பொன்னியின் செல்வன் இரண்டாம் பாகத்திலும் பிரபு நடித்து வருகிறார்.

சமீபத்திய செய்திகள்

ADMK candidates: 23 பேர் கொண்ட முதல் வேட்பாளர் பட்டியல்.. எடப்பாடியில் மீண்டும் பழனிச்சாமி போட்டி!

அதிமுக 169 இடங்களில் போட்டி...கூட்டணி கட்சிகள் போட்டியிடும் 65 தொகுதிகள் விபரம்

கோவை வடக்கு அண்ணாமலையா.. கோவை தெற்கிலிருந்து திருப்பூருக்கு மாறுகிறாரா வானதி?

தளி முதல் ராசிபுரம் தனி வரை.. பாஜக போட்டியிடப் போகும் தொகுதிகள் இவைதான்.. Full list

TN Elections: 2021 சட்டசபைத் தேர்தலில் யார் யார் எத்தனை இடங்களில் போட்டி.. 2026ல் என்ன நிலைமை?

தேர்தலில் போட்டியிடுவதில்லை என்ற முடிவுக்கு கமல்ஹாசன் தள்ளப்பட்டுள்ளார்.. திருமாவளவன்

ரூ.50,000-க்கு மேல் பணம் கொண்டு செல்வோருக்கு முக்கிய அறிவுறுத்தல்

தேர்தலில் தமிழக வாழ்வுரிமை கட்சி போட்டியில்லை...வேல்முருகன் அதிரடி அறிவிப்பு

பேளூர் தான் தோன்றீஸ்வரர் கோவில் திருக்குடமுழக்கு விழா

திடீர் உடல்நலக்குறைவு... நடிகர் பிரபு மருத்துவமனையில் அனுமதி

Comments

சமீபத்திய செய்திகள்

அதிகம் பார்க்கும் செய்திகள்