நியூயார்க் : உலகம் முழுவதிலும் எக்ஸ் தளத்தை பயன்படுத்துவோரின் எண்ணிக்கை குறைந்து வருவதாக அந்நிறுவனத்தின் சிஇஓ ஜூலியா பூர்ஸ்டின் தெரிவித்துள்ளார்.

உலகம் முழுவதும் பேஸ்புக்கிற்கு அடுத்தபடியாக ட்விட்டர் பயன்படுத்துவோரின் எண்ணிக்கை நாளுக்கு நாள் அதிகரித்து வந்தது. ஒரு கட்டத்தில் ட்விட்டரில் தான் அதிகமான தகவல்களும் பகிரப்பட்டதால் பேஸ்புக்கையே முந்தி விட்டது ட்விட்டர். பல புது புது தொழில்நுட்பங்களை பயன்படுத்தி, பல விதங்களில் ட்விட்டரை பலரும் கையாள துவங்கினர். உலக தலைவர்கள், பிரபலங்கள், சாமானியர்கள் என அனைவரும் இதில் வந்து குவிந்தனர்.

இந்நிலையில் கடந்த ஆண்டு ட்விட்டர் நிறுவனத்தை எலன் மஸ்க் வாங்கினார். அதற்கு பிறகு இதில் பல மாற்றங்களை செய்தார். இதில் பல மாற்றங்கள் குழப்பத்தையே ஏற்படுத்தின. இருந்தாலும் பயனாளர்களுக்கு எளிதாகவும், நம்பகமானதாகவும் இருந்ததால் பலரும் ட்விட்டரில் தொடர்ந்து வந்தனர். இந்நிலையில் சமீபத்தில் ட்விட்டர் என்ற பெயரை எக்ஸ் என மாற்றி அறிவித்தார் எலன் மஸ்க்.

இந்நிலையில் சமீபத்தில் எக்ஸ் நிறுத்தின் சிஇஓ ஜூலியா சமீபத்தில் 45 நிமிடங்கள் நீண்ட பேட்டி ஒன்றை அளித்தார். இதில் தங்களின் நிறுவனம் பற்றி பலரும் அறியாத பல தகவல்களை அவர் தெரிவித்தார். இது பலரையும் அதிர்ச்சி அடைய வைத்துள்ளது. அந்த பேட்டியில் அவர் கூறுகையில், எக்ஸ் நிறுவனத்தில் தனது 12 வார பணிகள் பற்றி விளக்கினார்.

அவர் கூறுகையில், எலன் மஸ்க் பொறுப்பேற்ற பிறகு எக்ஸ் தளம் தனது தினசரி பயனாளர்களை இழந்து வருகிறது. தற்போது எக்ஸ் தளத்தின் தினசரி பயனாளர்களின் எண்ணிக்கை 225 மில்லியனாக மட்டுமே உள்ளது. கிட்டதட்ட 11.6 சதவீதம் தினசரி பயனாளர்களை, அதாவது 10 மில்லியன் பயனாளர்களை இந்நிறுவனம் இழந்து வருவதாக அவர் தெரிவித்துள்ளார். கடந்த ஆண்டு ட்விட்டர் நிறுவனத்தை எலன் மஸ்க் வாங்கிய போது தினசரி ட்விட்டர் பயன்படுத்துவோரின் எண்ணிக்கை 254.5 மில்லியன் ஆக இருந்தது.