Tamil Poem: மாயவலை
- பன்முகக் கவிஞர் க. முருகேஸ்வரி
சின்னஞ்சிறிய சிலந்தியின்...
சிறிய கூடு பற்றியே..
பெரிய ரகசியம் அறிவோமா!
கூடு தானே சிறியது...
கூடு உணர்த்தும்
பாடம் என்றும் பெரியது!
நூலைக் கொண்டு உருவாக்கிய
நுட்பமான கூடு! நுணுக்கமான கூடு!
வலை வலையாய்ப் பிண்ணிய
வலிமையான கூடு!
பூச்சிகளைச் சிக்க வைக்க
புதுமையான வகையில் வடிவமைத்த கூடு!
கண்ணுக்குத் தெரியாத நூலில்
கனகச்சிதமாய் கட்டிய கூடு!
ஓய்வு உறக்கம் இன்றி
உழைப்பால் உண்டான கூடு!
முயற்சிக்கு இது தானே
முன்னுதாரணக் கூடு!
ஒரு நூல் பிரிந்தாலும்
மீண்டும் கட்ட படும் பாடு...
பொறுமையையும் முயற்சியும் கொண்டு...
அங்கே படைத்திடும் அழகாய் அதே கூடு!
பொறுமையின் சிகரம்...
இடைவிடாத உழைப்பில் உயரம்....
மாயவலை பின்னும் விசித்திரமான வேலைக்காரன்
படிக்காத பொறியியல் பட்டதாரி
சுறுசுறுப்பைக் கற்றுக் கொடுக்கும் ஆசான்
முயற்சி ;பொறுமை; சுறுசுறுப்பு ;மனம் தளராமை....
மனித வாழ்க்கைக்குத் தேவையான மாண்புகளை...
தினம் தினம் சொல்லும் தத்துவ ஞானி!
வாழ்வில் வளம் பெற
சிலந்தியின் குணங்களை நாடு!
இனி முன்னேற தடையில்லை
சிலந்தி போல் சீக்கிரம் நீ ஓடு!
சிலந்திக் கூடு சிந்தனைக் கூடு!
மொத்தத்தில் சிலந்திக் கூடு
நாம் கற்று உயர மிகச் சிறந்த ஏடு!
(கவிஞர் க.முருகேஸ்வரி, இடைநிலை ஆசிரியர், ஊராட்சி ஒன்றிய நடுநிலைப்பள்ளி வயலாநல்லூர், பூவிருந்தவல்லி திருவள்ளூர் . 25 வருட பணி அனுபவம் உள்ளவர். கவிதை, கட்டுரை, சிறுகதை, வகுப்பறை அனுபவம், சினிமா போன்ற தலைப்புகளில் தொடர்ந்து எழுதி வருகிறார். you tube Channel களில் பட்டிமன்றம் பேசியுள்ளார். சிங்கப்பூர் பொழில் பண்பலையில் கவிதைகள் எழுதுகிறார்.. சிங்கப்பெண், அருந்தமிழ் தாரகை விருதுகள் பெற்றுள்ளார்).
சமீபத்திய செய்திகள்
Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்
தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!
ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!
எம்.ஜி.ஆருடன் உலகம் சுற்றும் வாலிபன் படத்தில் நடித்து பிரபலமான.. தாய்லாந்து நடிகை மரணம்!
சென்னையில் உச்ச நீதிமன்ற கிளை அமைக்க வேண்டும்: பிரதமர் மோடிக்கு முதல்வர் விஜய் கடிதம்!
2027 உத்திரப் பிரதேச சட்டசபை தேர்தலில் போட்டியிட மாட்டேன்: அகிலேஷ் யாதவ் அதிரடி அறிவிப்பு!
அதிரடியாக உயர்ந்த தங்கம் விலை: சவரன் ரூ.1,04,800-ஐ தொட்டது! அதிர்ச்சியில் மக்கள்
டாஸ்மாக் கடைகளில் காலி பாட்டில்களை ஒப்படைத்தால் வங்கிக் கணக்கில் ரூ.10 வரவு
அமெரிக்க நாடாளுமன்றத்தின் செனட் மற்றும் பிரதிநிதிகள் சபையை கைப்பற்றியது ஜனநாயக கட்சி!
{{comments.comment}}