வளைச்சு வளைச்சு வாழ்த்து மழையில் நனையும் வடிவேலு.. பொறந்தநாளேச்சே!

Sep 12, 2023,05:09 PM IST

மதுரை: வைகை புயலுக்கு இன்று பிறந்த நாள்!

தமிழ்த் திரைப்படத்துறையில் வைகைப் புயல் என ரசிகர்களால் அன்பாக அழைக்கப்படுபவர் நடிகர் வடிவேலு. அவருக்கு இன்று பிறந்த நாள்.

தமிழ் சினிமாவில் தனக்கென்று ஒரு பாணியை ஏற்படுத்தியவர் வடிவேலு. நகைச்சுவையில் பல வித்தியாசமான கதாபாத்திரங்களை ஏற்று நடித்து, சினிமா ரசிகர்களை கவர்ந்தவர்.. தனி ஸ்டைலை கொண்டு வந்தவர்.

வீச்சருவா வீராசாமி, சூனா பானா, தீப்பொறி திருமுகம், நாய் சேகர், ஸ்நேக் பாபு, என்கவுண்டர் ஏகாம்பரம், பாடி சோடா, வண்டு முருகன், அலாட் ஆறுமுகம் போன்ற பல கதாபாத்திரங்களின் மூலம் நகைச்சுவை நடிப்பின் உச்சத்தைத் தொட்டவர். ஹீரோக்களுக்கே டஃப் கொடுக்கக் கூடியவர். டிரண்ட் செட்டரும் கூட.

பிறர் மனதைப் புண்படுத்தாமல், நகைச்சுவைகளைக் கையாளும் அற்புதக் கலைஞன். ஒரு சில படங்களின் பெயர்கள் கூட தெரியாமல் இருக்கும், ஆனால் இவர் நகைச்சுவை மட்டும் நினைவில் இருக்கும் படங்கள் நிறைய உண்டு. தமது உடல் அசைவுகளாலும், முகபாவனைகளாலும், நகைச்சுவை வசனங்களாலும் குழந்தைகள் முதல் பெரியவர்கள் வரை அனைவைரயும் கவர்ந்தவர்.

நடராச பிள்ளை - வைத்தீஸ்வரி தம்பதிக்கு மகனாக, 1960ம் ஆண்டு செப்டம்பர் 12ம் தேதி மதுரையில் பிறந்தவர். 1991 ஆம் ஆண்டு கஸ்தூரிராஜாவின் இயக்கத்தில், ராஜ்கிரண் தயாரித்து, கதாநாயகனாகவும் நடித்த ‘என் ராசாவின் மனசிலே’ என்ற திரைப்படத்தில் மூலமாக நகைச்சுவை கதாபாத்திரத்தில் நடிக்க வாய்ப்பு பெற்றார். அப்படத்தில் போடா போடா புண்ணாக்கு என்ற பாடல் மூலம் திரையில் தோன்றிய இவர், தன்னுடைய முதல் திரைப்படத்திலேயே ஒரு நடிகனாகவும், பாடகனாகவும் தமிழ் சினிமாவில் முத்திரை பதித்தவர்.

ஒரு நகைச்சுவை நடிகருக்கு முகபாவனையும், உடல் மொழியும் மிக முக்கியமாகும். இதை தமது நகைச்சுவையில் இயல்பாக வெளிப்படுத்தியவர். சிறந்த நகைச்சுவை நடிகருக்கான தமிழ்நாடு அரசு மாநில விருதும். சிறந்த நகைச்சுவை நடிகருக்கான ஃபிலிம்பேர் விருதும். சிறந்த நகைச்சுவை நடிகருக்கான விஜய் டிவி விருதும் பெற்றுள்ளார்.

திரைப்பட துறையில் இருந்து சிறிது காலம் விலகியிருந்தவர் தற்போது மீண்டும் கலக்கிக் கொண்டிருக்கிறார். காமெடியனாக, குணச்சித்திர நாயகனாக, கதை நாயகனாக அதகளப்படுத்திய வடிவேலு மாமன்னன் படத்தில் அத்தனை பேரையும் விம்மி விம்மி அழவும் வைத்தார்.. எல்லோரையும் விலா நோகும் அளவுக்கு சிரிக்க வைக்கும் இந்த ஜாலி கலைஞனுக்கு நம்மோட வாழ்த்துகளையும் அள்ளி வழங்குவோம்.. !

வாங்கிக்கண்ணே!

சமீபத்திய செய்திகள்

தமிழகத்திற்கு இப்போதே தேர்தல் பொறுப்பாளரை நியமித்த பாஜக.. மாஸ்டர் பிளான் என்னவோ!

போர்க்கொடி உயர்த்தும் கூட்டணி கட்சிகள்.. பொறுமை காக்கும் திமுக.. காத்திருக்கும் அதிமுக!

திருப்பதி பிரம்மோற்சவம் மற்றும் குலசை தசரா விழாவிற்கு சிறப்பு பேருந்துகள் இயக்கம்

ஜி.வி. பிரகாஷ் மற்றும் சைந்தவி விவாகரத்து வழக்கு... அக்டோபர் 30ல் தீர்ப்பு: குடும்ப நல நீதிமன்றம்

ஸ்டிராங் ஆன எடப்பாடி பழனிச்சாமி.. தனித்து விடப்பட்டாரா கே.ஏ.செங்கோட்டையன்.. என்ன திட்டம்?

திமுக காங்கிரஸ் கூட்டணியில் விரிசல் விழ ஆரம்பித்துள்ளது.. எடப்பாடி பழனிச்சாமி பேச்சு

தமிழ்நாடு, பீகார், மே. வங்காள தேர்தல் பொறுப்பாளர்களை நியமித்தது பாஜக

வெஸ்ட் இண்டீஸ் டெஸ்ட் தொடருக்கான இந்திய அணி அறிவிப்பு: கில் கேப்டன்!

5 மாவட்டங்களில் வெளுக்கப்போகும் கனமழை... எச்சரிக்கை விடுத்த வானிலை மையம்!

வளைச்சு வளைச்சு வாழ்த்து மழையில் நனையும் வடிவேலு.. பொறந்தநாளேச்சே!

Comments

சமீபத்திய செய்திகள்

அதிகம் பார்க்கும் செய்திகள்