நேபாளத்துக்கு வாங்க.. மலை ஏறலாம்.. இங்கிலாந்து பிரதமரை நேரில் போய் அழைத்த மனீஷா கொய்ராலா!
லண்டன்: இங்கிலாந்து பிரதமர் ரிஷி சுனாக்கை சந்தித்துப் பேசியுள்ளார் நடிகை மனீஷா கொய்ராலா. தனது தாய் நாடான நேபாளத்துக்கு வருகை தருமாறும் அங்கு டிரக்கிங் (மலை ஏற்றம்) செய்யலாம் என்றும் அவர் அப்போது நேபாள பிரதமருக்கு அழைப்பு விடுத்தார்.
நடிகை மனீஷா கொய்ராலாவின் பூர்வீகம் நேபாளம் ஆகும். இந்தியாவில், இந்திப் படங்களில் நடித்துப் பிரபலமான மனீஷா கொய்ரா சமீபத்தில் நெட்பிளிக்ஸில் வெளியான ஹீராமண்டி தொடரில் சிறப்பாக நடித்து பலரது பாராட்டையும் பெற்றுள்ளார். இந்த தொடருக்கு மிகப் பெரிய வரவேற்பு கிடைத்துள்ளது. இந்த நிலையில் லண்டன் சென்ற மனீஷா, அங்கு பிரதமர் ரிஷி சுனாக்கை சந்தித்துப் பேசியுள்ளார்.
இந்திய வம்சாவளியைச் சேர்ந்தவரான ரிஷி சுனாக்கை சந்தித்த மனீஷா கொய்ராலா இதுகுறித்த புகைப்படங்களையும் தனது இன்ஸ்டாகிராம் பக்கத்தில் போட்டுள்ளார். இதுகுறித்து மனீஷா கூறுகையில், இங்கிலாந்து பிரதமரை சந்திக்க வாய்ப்பு கிடைத்தது மகிழ்ச்சியைத் தருகிறது. இங்கிலாந்து - நேபாளம் இடையிலான 100 ஆண்டு கால நட்பைப் பாராட்டி நடந்த நிகழ்ச்சி இது. இதில் எனக்கும் அழைப்பு விடுக்கப்பட்டிருந்தது. இந்த சந்திப்பின்போது பிரதமர் ரிஷி சுனாக் மிகவும் சகஜமாக பேசினார். நேபாளம் குறித்து பெருமிதம் வெளியிட்டார்.
அவரை நேபாளத்துக்கு குடும்பத்தோடு வருமாறும், எவரெஸ்ட் சிகரத்திற்கு டிரக்கிங் மேற்கொள்ளலாம் என்றும் உரிமையோடு அழைத்தேன். அந்த நிகழ்ச்சியில் கலந்து கொண்ட பலரும் ஹீராமண்டி தொடரைப் பார்த்து ரசித்ததாகவும், எனது நடிப்பு நன்றாக இருந்தது என்றும் பாராட்டியது மகிழ்ச்சியைக் கொடுத்தது என்றார் மனீஷா கொய்ராலா.
சமீபத்திய செய்திகள்
அக்.27ஆம் தேதி உருவாகிறது மொந்தா புயல்... அலெர்ட் கொடுத்த இந்திய வானிலை மையம்!
கடலூர், மயிலாடுதுறை உள்ளிட்ட 6 மாவட்டங்களுக்கு இன்று மஞ்சள் அலர்ட்: சென்னை வானிலை மையம்!
23 மாவட்டங்களில் மிதமான மழைக்கு வாய்ப்பு - வானிலை ஆய்வு மையம் தகவல்!
வங்காளக் கடலில்.. புதிதாக ஒரு காற்றழுத்தத் தாழ்வு.. மீண்டும் வரும் மழை நாட்கள்
அம்மாவை 'அம்மா' என்று கூறுவதற்கு நீயே காரணம் என் உயிர் தமிழே!
ஆந்திராவில் பேருந்து விபத்து... குடியரசுத் தலைவர் திரவுபதி முர்மு, பிரதமர் மோடி இரங்கல்!
ஆந்திராவில் பேருந்து விபத்து..20 பேர் பலி..11 உடல்கள் அடையாளம் காணப்பட்டுள்ளன:மாவட்ட ஆட்சியர் தகவல்!
விராட் கோலி ரசிகர்கள் அதிர்ச்சி.. அடுத்தடுத்து டக் அவுட் ஆனால்.. ரவி சாஸ்திரி வார்னிங்!
தமிழ்நாட்டில் நாளை.. அரசு அலுவலகங்கள்.. பள்ளிகள் இயங்கும்.. மாநில அறிவிப்பு
{{comments.comment}}