"தலைவரே தலைவரே.. சில இலைகள் உதிரத்தான் செய்யும்".. பரபரப்பைக் கூட்டிய செல்லூர் ராஜு!
மதுரை: அதிமுகவில் பிளவு ஏற்படப் போவதாகவும், தேர்தல் முடிவுக்குப் பின்னர் அதிமுக உடையும் என்று பலவாறாக பேச்சு அடிபட்டு வரும் நிலையில், முன்னாள் அமைச்சர் செல்லூர் ராஜு அதுகுறித்து சில கருத்துக்களைத் தெரிவித்துள்ளார்.
ஜெயலலிதா மறைவுக்குப் பின்னர் சசிகலா தலைமையில் ஒரு கட்சியும், ஓ.பி.எஸ் தலைமையில் இன்னொரு பிரிவுமாக கட்சி பிளந்தது. அதன் பின்னர் சசிகலா ஜெயிலுக்குப் போனார்.. டிடிவி தினகரன் அமமுக என்ற கட்சியைத் தொடங்கினார்.. எடப்பாடி பழனிச்சாமியுடன் இணைந்தார் ஓபிஎஸ்.. அதிமுகவை ஓபிஎஸ்ஸும் - இபிஎஸ்ஸும் இணைந்து வழி நடத்தி வந்தனர்.
இந்த நிலையில் வருகிற லோக்சபா தேர்தல் முடிவுக்குப் பிறகு மீண்டும் அதிமுக உடையப் போவதாக ஒரு பேச்சு அடிபடுகிறது. இதுதொடர்பாக முன்னாள் அமைச்சர்கள் சிலர் கூறி வரும் தகவல்கள் பரபரப்பைக் கிளப்புவதாக உள்ளது. இந்த நிலையில் மதுரையில் செய்தியாளர்களிடம் பேசிய முன்னாள் அமைச்சர் செல்லூர் ராஜூவிடம் செய்தியாளர்கள் கட்சியில் பிளவு ஏற்படப் போகுதாமே என்று கேட்டனர்.
அதைக் கேட்ட செல்லூர் ராஜு தனது கட்சிக்காரர்கள் பக்கம் திரும்பி என்னப்பா பிளவு இருக்கா.. ஏம்ப்பா பிளவு இருக்கா.. எல்லாரும் ஒற்றுமையாத்தானே இருக்கீங்க என்று கிண்டலாக கேட்டு விட்டு செய்தியாளருக்குப் பதில் அளித்தார். அவர் கூறுகையில், ஒன்னு ரெண்டு போ் போவாங்க தம்பி. இந்த மரத்துல ஆலமரத்துல, வெயில் காலத்துல சில இலைகள் உதிரும். பாத்திருக்கீங்களா.. கேள்வி கேட்ட தலைவரே.. பாத்திருக்கியா.. ஆனா திரும்ப தளிர்த்து விடும்.
இந்த இயக்கத்துல சில பேர் போவாங்க.. பல பேர் வருவாங்க. இது பீனிக்ஸ் பறவை போல. அழிவது போல தெரியும். ஆனால் வீறு கொண்டெழும். அதுதான் அதிமுக என்று பதிலளித்தார்.
சமீபத்திய செய்திகள்
எந்த ஷா வந்தாலென்ன?.. தமிழ்நாடு என்றைக்குமே டெல்லிக்கு Out of Control தான்: முதல்வர் மு.க.ஸ்டாலின்!
கூட்டணி குறித்த முடிவுக்கு இபிஎஸ்சுக்கே அதிகாரம்..அதிமுக பொதுக்குழுவில் 16 தீர்மானங்கள் நிறைவேற்றம்
2026 சட்டசபைத் தேர்தலுக்கு முன் கூட்டணி விரிவாக்கம்.. ராஜ்யசபா தேர்தலை உற்று நோக்கும் தி.மு.க
விஜய்யின் பேச்சு அரசியல் முதிர்ச்சியின்மையை காட்டுகிறது:புதுச்சேரி உள்துறை அமைச்சர் நமச்சிவாயம்
தமிழகத்தில் இன்று முதல் அடுத்த 7 நாட்கள் ஓரிரு இடங்களில் மிதமான மழைக்கு வாய்ப்பு: வானிலை ஆய்வு மையம்
அனைத்து ரேஷன் அட்டை தாரர்களுக்கும் பொங்கல் பரிசு: புதுச்சேரி முதல்வர் ரங்கசாமி அறிவிப்பு
ஆஸ்திரேலியாவில்.. 16 வயதுக்குட்பட்ட குழந்தைகளுக்கு சமூக ஊடகத் தடை.. எந்தெந்த செயலிகளுக்கு ஆப்பு?
தவெகவுடன் கூட்டணி வருமா?.. பதிலளிக்காமல் தவிர்த்த புதுச்சேரி முதல்வர் ரங்கசாமி
12 ஆண்டுகளுக்குப் பிறகு மீண்டும் நடிக்க வரும் அப்பாஸ்.. படம் பேரு என்ன தெரியுமா?
{{comments.comment}}