மே 12ல் மாபெரும் உலக சாதனை பரதநாட்டிய நிகழ்வு.. நீங்களும் பங்கேற்க முன்பதிவு செய்யுங்க

Mar 22, 2025,03:26 PM IST

சென்னை : தமிழகத்தில் பிரம்மாண்ட பரத நாட்டிய உலக சாதனை நிகழ்ச்சி மே 12 ம் தேதி நடத்தப்பட உள்ளது. இதில் பங்கேற்க விரும்புபவர்கள் உடனடியாக ஆன்லைனில் முன்பதிவு செய்யலாம் என நிகழ்ச்சி ஏற்பாட்டாளர்கள் கேட்டுக் கொண்டுள்ளனர்.

நடராஜர் ஆலயம் என்றாலே அனைவருக்கும் நினைவிற்கு வருவது தில்லை சிதம்பரத்தில் கோவில் கொண்டுள்ள நடராஜர் கோவில் தான். ஆனால் நடராஜர் சுயம்புவாக, உயிரோட்டமுள்ள திருமேனியாக காட்சி தரும் தலம் ஒன்று உள்ளது. அது தான் கோனேரிராஜபுரம். பலரும் அறிந்திடாத இந்த கோவிலில் நடராஜரின் திருமேனி, உளி கொண்டு செதுக்கப்படாதது. இதில் நகரங்கள், ரோமங்கள், நரம்புகள் உள்ளிட்டவைகள் மனித உடலில் இருப்பது போலவே காட்சி தரும். அதே போல் மன்னர் வாளால் வெட்டியதால் ஏற்பட்ட தழும்பும் நடராஜரின் வலது காலில் இன்றும் இருக்கும்.

இத்தகைய சிறப்பு பெற்ற திருத்தலம்தான் மயிலாடுதுறை மாவட்டத்தில் அமைந்துள்ள கோனேரிராஜபுரம் திருக்கோவில். இங்கு, தில்லை அம்பலம் என்ற பெயரில் மே 12ம் தேதி மாலை 4 மணிக்கு, மாபெரும் பரதநாட்டிய சாதனை நிகழ்ச்சி நடைபெற உள்ளது. கோனேரிராஜபுரம் என்பது ஆடல் அரசனான நடராஜ பெருமான் சுயம்புவாக கோவில் கொண்டுள்ள தலமாகும். உலகத்திலேயே நடராஜர் சுயம்புவாக எழுந்தருளி இருக்கும் ஒரே தலம் கோனேரிராஜபுரம் தான். இங்கு ஐந்து உயர ஐம்பொன்னாலான நடராஜர் அருள்பாலிக்கிறார்.

International pride World records என்ற பெயரில் கோனேரிராஜபுரத்தில் மாபெரும் உலக சாதனை சித்திரை பெளர்ணமி திருநாளில் பரதம் நிகழ்ச்சி நடைபெற உள்ளது. உலகின் மிகப் பெரிய சுயம்பு நடராஜருக்கு நாட்டிய சமர்ப்பணமாக இந்த உலக சாதனை நிகழ்த்தப்பட உள்ளது. இதில் சிறப்பு விருந்தினராக இந்தியாவின் புகழ்பெற்ற நடன இயக்குனர் கலா மாஸ்டர் கலந்து கொள்ள உள்ளார். இந்த நிகழ்ச்சி அனைத்து தளங்களிலும் நேரடி ஒளிபரப்பு செய்யப்பட உள்ளது. இந்த மாபெரும் உலக சாதனை நிகழ்ச்ச்யில் பங்கேற்க விரும்புபவர்கள் 7539901066, 7539901066 ஆகிய எண்களில் தொடர்பு கொண்டும், Virtual2Live Appல் முன்பதிவு செய்து கொள்ளலாம் என்று அறிவிக்கப்பட்டுள்ளது.

ஏற்கனவே கடந்த ஜனவரி மாதம் 11ம் தேதி திருச்சி மொரைஸ் நகரில் இதேபோன்ற பரதநாட்டிய சாதனை நிகழ்ச்சி நடத்தப்பட்டது.

திருச்சி மொரைஸ் நகரில் நடைபெற்ற இந்த நிகழ்வில் இந்தியாவின் பல மாநிலங்களில் இருந்து 2500க்கும் மேற்பட்ட பரதகலைஞர்களின் குடும்பங்கள் கலந்து கொண்டனர்.

கலா மாஸ்டர், கொற்றவை தமிழ்சபை நிறுவனர் மடாதிபதி குருஜி சுரேந்திர ஸ்ரீ மகாராஜ் ஆகியோர் பங்கேற்று நிகழ்வின் அழகை கூட்டினர். சிவன், பார்வதி மற்றும் கணேசன் யானை தெய்வீக தோற்றம் முக்கிய சிறப்பம்சமாக அமைந்தது. இந்த நிகழ்வு IPWR - இன்டர்நேஷனல் பிரைட் வேர்ல்ட் ரெக்கார்ட் குழு உலகசாதனையை ஆராய்ந்து அங்கீகரித்தது என்பது குறிப்பிடத்தக்கது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

ஏ.ஆர்.ரஹ்மான் மீது காப்புரிமை வழக்கு... ரூ.2 கோடி செலுத்த டெல்லி உயர்நீதிமன்றம் உத்தரவு!

பாகிஸ்தானியர்களை வெளியேற்றுங்கள்.. மாநில அரசுகளுக்கு மத்திய அமைச்சர் அமித்ஷா அறிவுறுத்தல்!

ஒரு வருஷத்துக்கு முன்பு என்னைப் புகழ்ந்தவர்களா இவர்கள்??.. ஒலிம்பியன் நீரஜ்சோப்ரா பெரும் வேதனை!

எல்லைக் கட்டுப்பாட்டுக் கோட்டுப் பகுதியில்.. துப்பாக்கிச் சூட்டில் இறங்கிய பாக்.. இந்தியா பதிலடி

முதல்வர் மு.க.ஸ்டாலினுக்கு மே 3ம் தேதி பாராட்டு விழா: அமைச்சர் கோவி செழியன் அறிவிப்பு

ஆளுநர் ஆர். என். ரவி கூட்டிய ஊட்டி மாநாடு.. அரசு பல்கலைக்கழக துணைவேந்தர்கள் பங்கேற்கவில்லை

Tnpsc exam: 3935 பணிகளை நிரப்ப குரூப்-4 தேர்வு தேதி வெளியீடு.. இன்று முதல் விண்ணப்பிக்கலாம்!

தமிழ்நாட்டில்.. இன்று மழையும், வெயிலும் இருக்கும்.. தமிழ்நாடு வெதர்மேன் பிரதீப் ஜான்!

Real Life Dragon: டிராகன் பட பாணியில் விர்சுவல் இண்டர்வியூவில் ஆள்மாறாட்டம்!

மே 12ல் மாபெரும் உலக சாதனை பரதநாட்டிய நிகழ்வு.. நீங்களும் பங்கேற்க முன்பதிவு செய்யுங்க

Comments

சமீபத்திய செய்திகள்

அதிகம் பார்க்கும் செய்திகள்