பீகார் சட்டசபைத் தேர்தல்.. இந்தியா கூட்டணியில் தொகுதிப் பங்கீட்டில் தொடரும் இழுபறி
பாட்னா: பீகாரில் எதிர்க்கட்சிகளின் மகாபந்தன் கூட்டணியில் காங்கிரஸ் மற்றும் ராஷ்ட்ரிய ஜனதா தளம் (RJD) இடையே தொகுதிப் பங்கீடு தொடர்பாக கடுமையான மோதல் ஏற்பட்டுள்ளது.
ஆளும் தேசிய ஜனநாயகக் கூட்டணி தனது தொகுதிப் பங்கீட்டை முடித்து விட்டது. இந்த நிலையில் இந்தியா கூட்டணியிலும் பேச்சுவார்த்தைகள் சூடு பிடிக்கத் தொடங்கியுள்ளன. கூடவே மோதலும் இருந்து வருகிறது. காங்கிரஸ் கடந்த கால தவறுகளை மீண்டும் செய்ய விரும்பாமல், இந்த முறை கூட்டணியை வலுவாக கட்டமைப்பதில் உறுதியாக இருப்பதாக தகவல்கள் தெரிவிக்கின்றன.
தற்போது ஆளுக்கு எத்தனை என்பதில் பிரச்சினை இல்லையாம். ஆனால் எந்தெந்த தொகுதிகள் என்பதில்தான் கருத்து வேறுபாடு இருப்பதாக கூறப்படுகிறது. பச்ச்வாரா, நர்கட்டியாகஞ்ச், கஹல்கான், பைசி, பகதூர்ஹஞ்ச், ரானிகஞ்ச் மற்றும் சஹார்சா போன்ற பல தொகுதிகள் வெற்றி பெறக்கூடியவையாகக் கருதப்படுகின்றன. காங்கிரஸ் இந்த தொகுதிகளில் போட்டியிட விரும்புகிறது. மறுபுறம், ராஷ்டிரிய ஜனதாதளம் 135 தொகுதிகளில் போட்டியிட இலக்கு வைத்து, பெரிய பங்கைப் பெற விரும்புகிறது.
மறுபக்கம் சிறிய கூட்டணிக் கட்சிகள் அழுத்தத்தை அதிகரித்துள்ளன. VIP கட்சியின் தலைவர் முகேஷ் சஹானி பிராந்திய கட்சிகளுக்கு 18-20 தொகுதிகள் ஒதுக்கப்பட்ட முடிவில் அதிருப்தி அடைந்துள்ளதாக கூறப்படுகிறது. முகேஷ் சஹானி 50 தொகுதிகளையும், கூட்டணி வெற்றி பெற்றால் துணை முதலமைச்சர் பதவியையும் கேட்டதாக தகவல்கள் தெரிவிக்கின்றன. இடதுசாரிக் கட்சிகளும் வேறு உள்ளன. CPI(ML) முதலில் 40 தொகுதிகளைக் கேட்டது, ஆனால் 30 ஆகக் குறைத்துள்ளது. ஆனால் இதையும் கூட ஆர்ஜேடி கட்சி ஏற்கவில்லை.
சமீபத்திய செய்திகள்
நவம்பர் 1-க்குள் தமிழில் கடையின் பெயர் பலகைகள்...சென்னை உயர் நீதிமன்றம் அதிரடி உத்தரவு!
"பூச்சாண்டிகளுக்கு எல்லாம் அஞ்சிட மாட்டோம்": கே.என்.நேரு வீடு ரெய்டிற்கு மு.க.ஸ்டாலின் கண்டனம்!
"ராகுல் காந்திதான் பிரதமர் வேட்பாளர்": தவெக கூட்டணி குறித்து மாணிக்கம் தாகூர் பரபரப்பு பேட்டி!
"ஸ்கிரீன் டைம் போதையாக மாறிவிட்டது" – பிரதமர் நரேந்திர மோடி எச்சரிக்கை!
பெண்களை இழிவுபடுத்தும் விளம்பரங்களை வைக்கலாமா.. மெட்ரோவுக்கு சு. வெங்கடேசன் கேள்வி
முன்னாள் காங்கிரஸ் எம்.எல்.ஏ அசன் மௌலானாவுக்கு 3 ஆண்டுகள் தேர்தலில் போட்டியிடத் தடை
திமுக முன்னாள் அமைச்சர் கே.என்.நேரு வீடுகளில் லஞ்ச ஒழிப்புத்துறை அதிரடி சோதனை
மாணவர்கள் வளர்ச்சி கண்டு பெருமைப்படும் பேரான்மாக்கள்.. ஆசிரியர்கள்!
கல்வி என்னும் நறுந்தேனை.. சுவைக்கச் செய்யும் இளங்காற்று நாமே!
{{comments.comment}}