லக்னோ:  ஐபிஎல் 2026 கிரிக்கெட் தொடரின் விறுவிறுப்பான கட்டத்தில், இன்று நடைபெற்று வரும் 59-வது லீக் போட்டியில் சென்னை சூப்பர் கிங்ஸ் மற்றும் லக்னோ சூப்பர் ஜெயண்ட்ஸ் அணிகள் பலப்பரீட்சை நடத்துகின்றன. 

தொடக்கத்தில் நல்ல விறுவிறுப்புடன் ஆரம்பித்த சென்னை சூப்பர் கிங்ஸ் அணி, அடுத்தடுத்து ருத்துராஜ், சாம்சன் உள்ளிட்ட 3 விக்கெட்களை இழந்து அதிர்ச்சியைச் சந்தித்தது.

லக்னோவின் ஏகானா சர்வதேச கிரிக்கெட் மைதானத்தில் நடைபெற்று வரும் இப்போட்டியில் டாஸ் வென்ற லக்னோ அணியின் கேப்டன் முதலில் ரிஷாப் பந்த் பந்துவீச்சை தேர்வு செய்தார்.

அதன்படி முதலில் பேட்டிங் செய்ய களம் இறங்கிய சென்னை சூப்பர் கிங்ஸ் அணிக்கு ஆரம்பமே அதிர்ச்சியாக அமைந்தது. லக்னோ அணியின் துல்லியமான பந்துவீச்சை எதிர்கொள்ள முடியாமல் சிஎஸ்கே வீரர்கள் அடுத்தடுத்து ஆட்டமிழந்தனர்.

தொடக்க வீரர் ருதுராஜ் கெய்க்வாட் 13 ரன்களிலும், சஞ்சு சாம்சன் 20 ரன்களிலும் ஆட்டமிழந்து ஏமாற்றம் அளித்தனர். லக்னோ அணியின் ஆகாஷ் சிங் அபாரமாக பந்துவீசி சென்னை அணியின் டாப் ஆர்டரை சரித்தார். இதனால் சிஎஸ்கே அணி 10 ஓவர்கள் முடிவில் 3 விக்கெட்டுகளை இழந்து 70 ரன்கள் மட்டுமே எடுத்து சற்று தடுமாற்றத்துடன் விளையாடி வருகிறது.

தற்போது சிஎஸ்கே அணிக்காக டெவால்ட் பிரெவிஸ் (9 ரன்கள்) மற்றும் கார்த்திக் சர்மா (18 ரன்கள்) ஆகியோர் ஜோடி சேர்ந்து விக்கெட் வீழ்ச்சியை தடுத்து, அணியை நல்ல நிலைக்கு கொண்டு செல்ல போராடி வருகின்றனர். 

தற்போதைய புள்ளிப்பட்டியலில் பிளே-ஆஃப் சுற்றுக்கு தகுதி பெற இந்த போட்டியில் வெற்றி பெற்றே தீர வேண்டிய கட்டாயத்தில் சென்னை சூப்பர் கிங்ஸ் களம் இறங்கியுள்ளது. ஏற்கனவே பிளே-ஆஃப் வாய்ப்பை இழந்துவிட்ட லக்னோ அணி, சென்னை அணியின் வெற்றிக்கு முட்டுக்கட்டை போட தீவிரமாக முயன்று வருவதால் ஆட்டத்தில் பரபரப்பு தொற்றிக்கொண்டுள்ளது.-