நலம் காக்கும் ஸ்டாலின் திட்டம்.. ஆகஸ்ட் 2ம் தேதி தொடங்கி வைக்கிறார் முதல்வர் மு.க.ஸ்டாலின்
சென்னை: நலம் காக்கும் ஸ்டாலின் திட்டத்தை முதல்வர் மு.க.ஸ்டாலின் ஆகஸ்ட் 2ம் தேதி தொடங்கி வைக்கவுள்ளார். இதன் கீழ் தமிழ்நாடு முழுவதும் 1,256 சிறப்பு மருத்துவ முகாம்கள் நடைபெறவுள்ளது.
இந்தத் திட்டத்தின் மூலம், ஏழை எளிய மக்களும், மாற்றுத்திறனாளிகளும் தங்கள் இருப்பிடங்களுக்கு அருகிலேயே முழு உடல் பரிசோதனை செய்துகொள்ள முடியும்.
சென்னையில், நாள்பட்ட நுரையீரல் அடைப்பு நோய் (COPD) மற்றும் ஃபேட்டி லிவர் நோய் குறித்த விழிப்புணர்வுப் பயிற்சி முகாமைத் தொடங்கி வைத்த பின்னர், மக்கள் நல்வாழ்வுத்துறை அமைச்சர் மா. சுப்பிரமணியன் இதனைத் தெரிவித்தார். இம்முகாம்களில் அரசு மற்றும் தனியார் மருத்துவமனைகளின் நிபுணர் மருத்துவர்கள் பங்கேற்பர் என்றும் அவர் கூறினார்.
இம்முகாம்களில், மாற்றுத்திறனாளிகள் தங்கள் ஊனத்தின் சதவிகிதத்தைக் குறிப்பிடும் சான்றிதழ்களையும், முதலமைச்சரின் விரிவான மருத்துவக் காப்பீட்டுத் திட்டத்தின் கீழ் அட்டைகளையும் பெறலாம். மேலும், இந்த ஆண்டு டிசம்பர் இறுதிக்குள் நடைபெறவுள்ள இம்முகாம்களில் புற்றுநோய் பரிசோதனைகளும் மேற்கொள்ளப்படும்.
மருத்துவ பரிசோதனை தேவைப்படுபவர்களுக்கும், மாற்றுத்திறனாளிகளுக்கும் அவர்களின் வசிப்பிடங்களுக்கு மிக அண்மையிலேயே விரிவான மருத்துவப் பரிசோதனைகள் வழங்கும் நோக்குடன் இத்திட்டம் வடிவமைக்கப்பட்டுள்ளது.
சமீபத்தில்தான் தமிழ்நாடு அரசு, உங்களுடன் ஸ்டாலின் திட்டத்தைத் தொடங்கியது. அதற்கு நல்ல வரவேற்பு கிடைத்துள்ளது. அது போலவே, ஆகஸ்ட் 2ம் தேதி நலம் காக்கும் ஸ்டாலின் திட்டத்தை முதல்வர் தொடங்கி வைக்க உள்ளார். இதுவரை துவங்கப்பட்டுள்ள மருத்துவ திட்டங்களிலேயே இது சிறப்பு வாய்ந்ததாக இருக்கும் என்றும், சென்னையில் மட்டும் 400 இடங்களில் திட்டமிடப்பட்டுள்ளது என்றும் அமைச்சர் மா.சுப்ரமணியம் தெரிவித்துள்ளார்.
சமீபத்திய செய்திகள்
ஏப்ரல் 1 முதல் புதிய வருமான வரிச் சட்டம், தனி நபர் வருமான வரி உச்சவரம்பில் மாற்றம் இல்லை!
சென்னை டூ பெங்களூரு, ஹைதராபாத் இடையே அதிக வேக ரயில் வழித் தடம் - பட்ஜெட்டில் அறிவிப்பு
பட்ஜெட் 20226-27ல் இடம் பெற்ற முக்கிய அறிவிப்புகள் - பழவேற்காட்டில் பறவைகள் சுற்றுலாத் திட்டம்
மத்திய பட்ஜெட் 2026: ஞாயிற்றுக்கிழமையில் ஏற்றம் காணும் பங்குச் சந்தைகள்
மத்திய பட்ஜெட்: ஏன் பிப்ரவரி 1-ஆம் தேதி தாக்கல் செய்யப்படுகிறது?
ஞாயிற்றுக்கிழமை பட்ஜெட் தாக்கல் - இது முதல் முறையா? பட்ஜெட் பாரம்பரியம் என்ன?
புடவையில் அடையாளம் சொல்லும் நிர்மலா சீதாராமன்...இந்த முறை தமிழ்நாடு காஞ்சிபுரம் பட்டு
தில்லை புராணம் கூறும் தைப்பூசத் திருநாள் சிறப்புகள்.. இத்தனையும் ஒரே நாளில் நடந்தவையா?
சட்டசபை தேர்தலை குறிவைத்த மத்திய பட்ஜெட் 2026 : தமிழ்நாட்டுக்கு பல புதுத் திட்டங்கள் அறிவிப்பு
{{comments.comment}}