வட இந்திய கேங்ஸ்டர்களுக்கு நேரம் சரியில்லை.. திஹார் சிறைக்குள் ஒருவர் அடித்துக் கொலை!

May 02, 2023,09:59 AM IST

டெல்லி: உத்தரப் பிரதேசத்தில் முன்னாள் கேங்ஸ்டர்கள் ஆதிக் அகமதுவும், அவரது தம்பியும், ஆதிக்கின் மகனும் சுட்டுக் கொல்லப்பட்ட பரபரப்பு ஓய்வதற்குள் டெல்லி திஹார் சிறைக்குள் ஒரு கேங்ஸ்டர் அடித்துக் கொல்லப்பட்ட சம்பவம் நடந்துள்ளது.

இன்று அதிகாலையில் இச்சம்பவம் நடந்துள்ளது. கொல்லப்பட்ட நபரின் பெயர் தில்லு தஜ்பூரியா. இவரை எதிர்கோஷ்டியைச் சேர்ந்தவர்கள் இரும்புக் கம்பிகளால் அடித்தே கொன்று விட்டனர். தில்லு தஜ்பூரியா என்கிற சுனில் மானுக்கும், யோகேஷ் துண்டா என்ற இன்னொரு கேங்ஸ்டர் கோஷ்டிக்கும் இடையே நீண்ட நாள் விரோதம் இருந்து வந்தது.

இந்த நிலையில் சிறையில் அடைக்கப்பட்டுள்ள தில்லுவை தீர்த்துக் கட்ட யோகேஷ் துண்டா கோஷ்டி திட்டமிட்டு வந்தது. அதன்படி அந்தக் கோஷ்டியைச் சேர்ந்த சிலர் கைதிகளாக சிறைக்குள் ஊடுறுவியிருந்தனர். இன்று தோதாக சமயம் கிடைத்ததால் தில்லுவைத் தீர்த்துக் கட்டி விட்டனர்.

படுகாயமடைந்த நிலையில் ரத்த வெள்ளத்தில் மிதந்த தில்லுவை தீன் தயாள் உபாத்யாய் மருத்துவமனைக்குக் கொண்டு சென்றனர். ஆனால் அவர் ஏற்கனவே இறந்து விட்டதாக டாக்டர்கள் தெரிவித்தனர். இந்தத் தாக்குதலில் ரோஹித் என்ற இன்னொரு கைதியும்காயமடைந்தார். அவரது உயிருக்கு ஆபத்தில்லை.

2021ம் ஆண்டு ரோஹினி கோர்ட் வளாகத்தில் நடந்த துப்பாக்கிச் சூட்டில் ஜிதேந்தர் கோகி என்ற கேங்ஸ்டர் சுட்டுக் கொல்லப்பட்டார். அந்த கொலை வழக்கில் முக்கிய சதிகாரரே இந்த தில்லுதான்.வக்கீல்கள் போல வேடம் போட்டு கோர்ட்டுக்குள் புகுந்த தில்லுவின் கூலிப்படையைச் சேர்ந்த 2 பேர் கோகியை சுட்டுக் கொன்றனர். போலீஸார் திருப்பிச் சுட்டதில் இந்த இரண்டு பேரும் பலியானார்கள்.

இந்த மோதலைத் தொடர்ந்து தில்லு தரப்புக்கும், கோகி கோஷ்டிக்கும் இடையே பகை வலுத்தது. இரு தரப்பும் பழிவாங்குவதற்காக காத்திருந்தனர். இந்த நிலையில் திப்புவை போட்டுத் தள்ளி விட்டது யோகேஷ் கோஷ்டி.

சமீபத்திய செய்திகள்

சொல்லாத சந்தோஷம் சொல்லாமல் அள்ளுது.. பள்ளிக்கூடம் வந்தாலே சந்தோஷம் பொங்குது!

Assembly By Election: நாளை மதுராந்தகம், தாராபுரம் இடைத்தேர்தல் 2026: அனைத்து ஏற்பாடுகளும் தயார்

சென்னை பட்டினப்பாக்கம் புதிய தலைமைச் செயலக வழக்கு: வழக்கறிஞர் தாக்கல் செய்த மனு வாபஸ்

தென்தமிழ் தலையங்கம்: Celluloid World to St Geroge Fort..கோட்டையைப் பிடிக்கத் துடிக்கும் கோடம்பாக்கம்

குலுக்கி சர்பத்: தூக்கிப் போட்டு குலுக்கி எடுத்து கிளாஸில் ஊற்றிக் குடிச்சா.. ஆஹா என்ன சுகம்!

தலைமை தேர்தல் ஆணையர் விவகாரம்: இடைக்கால உத்தரவு பிறப்பிக்க உச்சநீதிமன்றம் மறுப்பு

2026-ஆம் ஆண்டின் மருத்துவத்திற்கான நோபல் பரிசு அறிவிப்பு: 3 விஞ்ஞானிகளுக்கு விருது!

Evening Snacks Time: டேஸ்ட்டியான சேமியா பால் பாயாசம் செய்து சாப்பிடலாமா?

சென்னையில் புறநகர் மின்சார ரயில் தடம் புரண்டு விபத்து: ரயில் சேவைகள் பாதிப்பு!

வட இந்திய கேங்ஸ்டர்களுக்கு நேரம் சரியில்லை.. திஹார் சிறைக்குள் ஒருவர் அடித்துக் கொலை!

Comments

சமீபத்திய செய்திகள்

அதிகம் பார்க்கும் செய்திகள்