டில்லி : தமிழக திமுக அமைச்சர் எம்.ஆர்.கே.பன்னீர்செல்வம் வடமாநில தொழிலாளர்கள் குறித்து பேசிய பேச்சு, பார்லிமென்ட்டில் பெரும் புயலை கிளப்பி உள்ளது. இதன் காரணமாக திமுக, காங்கிரஸ் இடையே கடும் மோதல் ஏற்பட்டுள்ளது. இது இந்தியா கூட்டணியில் பெரும் சலசலப்பை ஏற்படுத்தி உள்ளது.
சமீபத்தில் செங்கல்பட்டில் நடைபெற்ற கூட்டம் ஒன்றில் பேசிய திமுக பிரமுகரும், தமிழக வேளாண் துறை அமைச்சருமான எம்.ஆர்.கே.பன்னீர்செல்வம், தமிழகத்தில் டேபிள் துடைப்பதற்கும், கட்டுமான வேலை செய்வதற்கும், பானிபூரி விற்பதற்கும் தான் வடமாநில தொழிலாளர்கள் இங்கு வருகிறார்கள். காரணம், அவர்களுக்கு இந்தி மட்டும் தான் தெரியும். அவர்களின் மாநிலங்களில் வேலை இல்லை. அதனால் பிழைப்பிற்காக தமிழகத்தை தேடி வருகிறார்கள் என தெரிவித்தார்.

அமைச்சரின் இந்த பேச்சிற்கு தமிழக பாஜக சார்பில் கடும் எதிர்ப்பு தெரிவிக்கப்பட்டது. தமிழக பாஜக.,வின் எக்ஸ் தள பக்கத்தில், அனைத்து மாநிலத்தை சேர்ந்தவர்களும் வேலைக்காக பல மாநிலங்களில் இடம்பெயர்ந்து தான் வாழ்கிறார்கள். உலகம் முழுவதும் வேலைக்காக பல பகுதிகளுக்கு இடம்பெயர்ந்து தான் வாழ்கிறார்கள். இதில் வடக்கு, தெற்கு என பேசுவதற்கு ஒன்றும் இல்லை. வேலையில் சிறிது, பெரியது என எதுவும் கிடையாது. திமுக.,வினர் தொடர்ந்து புலம்பெயர்ந்த தொழிலாளர்களை அவமதித்து வருகிறார்கள். குறிப்பாக இந்தி பேசும் தொழிலாளர்கள் இழிவுபடுத்தி வருகிறார்கள். தமிழகத்தில் வட மாநில தொழிலாளர்களுக்கு எதிரான தாக்குதல்கள், குற்றங்கள் அதிகரித்து வரும் நிலையில், இது போன்ற பேச்சுக்கள் மிகவும் ஆபத்தானவை என அதில் குறிப்பிடப்பட்டுள்ளது.
இந்நிலையில் திமுக அமைச்சரின் பேச்சு லோக்சபாவிலும் எதிரொலித்தது. திமுக அமைச்சரின் பேச்சு ஏற்றுக் கொள்ள முடியாதது என காங்கிரஸ் எம்.பி., கார்த்தி சிதம்பரம் மிக கடுமையாக விமர்சித்தார். இதற்கு திமுக எம்.பி.,க்கள் எதிர்ப்பு தெரிவித்ததால் அவையில் கூச்சல் குழப்பம் ஏற்பட்டது. பார்லிமென்டில் திமுக - காங்கிரஸ் இடையே ஏற்பட்டுள்ள மோதல் இந்தியா கூட்டணியிலும் சலசலப்பை ஏற்படுத்தி உள்ளது.
ஏற்கனவே தமிழகத்தில் திமுக- காங்கிரஸ் இடையே பல்வேறு பிரச்சனைகள் ஓடிக் கொண்டிருக்கிறது. திமுக- காங்கிரஸ் கூட்டணி நீடிக்குமா என்ற சந்தேகம் அனைவரிடமும் ஏற்பட துவங்கி விட்டது. இந்த நிலையில் திமுக அமைச்சரின் பேச்சு, கூட்டணியையே முறிய செய்து விடுமோ என்ற நிலை ஏற்பட்டுள்ளது.
தங்கை – பிறக்காத உறவிலும் பூத்த பாசம்.. ரம்யாவின் கவிதைத் தோட்டம் (16)
ஊழல் குற்றச்சாட்டு எதிரொலி: மங்கோலியா அதிபர் உக்னாகின் குரேல்சுக் திடீர் பதவி விலகல்!
ராகுல் காந்தி தொலைபேசி அழைப்பை ஏற்க மு.க.ஸ்டாலின் மறுப்பு? – திமுக விளக்கம்
திசை மாறிய அக்வான் புயல் :தமிழ்நாட்டிற்கு விடுக்கப்பட்ட மஞ்சள் அலர்ட் வாபஸ்
தென்தமிழ் தலையங்கம்: மிக்கி மவுஸ்.. சிரிப்பின் சக்கரவர்த்திக்குப் பிறந்தநாள் வாழ்த்துகள்!
தீவிரப் புயலாக வலுப்பெற்றது 'அக்வான்'! ஆந்திராவில் கரையைக் கடக்க வாய்ப்பு - வானிலை மையம்
தொடர்ந்து சரியும் தங்கம் வெள்ளி விலை: வாடிக்கையாளர்கள் மகிழ்ச்சி
Shyamala Venkatraman Tips: மொறு மொறு ஓமப்பொடி!
"ஜமுனா எனக்குப் பயமா இருக்கு".. அழாதே அனாமிகா.. (பயணம் 3)
{{comments.comment}}