உங்களுக்கு ஆளுநரை விமர்சிக்க என்ன தகுதி இருக்கு?.. திமுகவுக்கு அண்ணாமலை கேள்வி

Jan 08, 2023,11:10 AM IST

சென்னை: பிரிவினைவாத கருத்துக்களை எடுத்துரைக்கும் திமுகவினருக்கு தமிழக ஆளுநர் ஆர்.என். ரவியை விமர்சிக்க தகுதியே இல்லை என்று தமிழ்நாடு பாஜக தலைவர் கே.அண்ணாமலை கூறியுள்ளார்.

ஆளுநர் ரவி சமீபத்தில் பேசுகையில், இந்தியா ஒரு கருத்தை வைத்தால், தமிழ்நாடு அதை எதிர்க்கிறது, தனியாக நிற்கிறது. தமிழ்நாடு என்ற வார்த்தையே தவறு. தமிழகம் என்பதுதான் பொருத்தமானது என்று கூறியிருந்தார்.

ஆளுநரின் இந்தப் பேச்சு சலசலப்பை ஏற்படுத்தியது. திமுகவினரும், அதன் கூட்டணிக் கட்சியினரும் கடுமையாக கண்டித்து பேசி வருகின்றனர். ஜெயக்குமார் அதிமுகவின் சில தலைவர்களும் கூட தமிழ்நாடு என்பதே சரியானது. நாங்கள் அண்ணாவின் வழியில் வந்தவர்கள், தமிழ்நாடு என்பதைத்தான் ஏற்போம் என்று கருத்து தெரிவித்துள்ளனர்.

கடந்த சில நாட்களாக தமிழ்நாடு என்ற வார்த்தை டிவிட்டரில் டிரெண்டிங்கில் இருந்தது. தேசிய அளவில் அது டிரெண்ட் ஆகி வந்தது. இந்த நிலையில் திமுகவினரின் இந்த பிரசாரத்துக்கு தமிழ்நாடு பாஜக தலைவர் அண்ணாமலை பதில் கொடுத்துள்ளார்.

இதுதொடர்பாக அவர் போட்டுள்ள டிவீட்டுகள்:

திராவிட நாடு கோரிக்கை நீர்த்துப் போகவில்லை என்றும் சொந்த நாடு கேட்க எங்களை வற்புறுத்தாதீர்கள் என்றும் பிரிவினைவாத கருத்துக்களை எடுத்துரைக்கும் திமுக கட்சியினருக்கு ஆளுநர் ஆர். என்.ரவியை விமர்சிக்க என்ன தகுதி இருக்கிறது?

தமிழ்நாடு என்பதற்கு பதிலாக தமிழகம் என்று சொல்லும் நீங்கள் ஆளுநரின் உரையில் என்ன குறை கண்டீர்?

சங்க கால இலக்கியங்களில் தமிழகம், தமிழ்நாடு என்ற இரு சொற்களும் இடம்பெற்றிருக்கின்றன.

தமிழ்நாடு என்பதற்கு பதிலாக தமிழகம் என்பது பொருத்தமாக இருக்கும் என்பது மாண்புமிகு தமிழக ஆளுநரின் கருத்து. அதை திமுகவினர் ஏற்க வேண்டும் என்று ஆளுநர் நிர்பந்திக்கவில்லை. 1956ஆம் ஆண்டு மொழிவாரி மாநில புனரமைவுக்குப் பிறகு திராவிட நாடு கோரிக்கை தனித்தமிழ்நாடு என்று சுருங்கியது.

இன்றளவும் தனித்தமிழ்நாடு என்ற கோரிக்கையை முன்வைத்து முழங்கும் பிரிவினைவாத விஷ செடிகளை வளர்த்து விட்டதில் திமுகவின் பங்கு அனைவரும் அறிவர். வழக்கம்போல் கொடுத்த வாக்குறுதிகளை நிறைவேற்றாமல், ஆட்சியில் உள்ள குளறுபடிகளை மறைப்பதற்காக திசைதிருப்பும் முயற்சியாகவே திமுகவினரின் செயல்பாடுகள் உள்ளது என்று அண்ணாமலை சாடியுள்ளார்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

தமிழ்நாட்டு மக்களின் ஒரே சின்னம் விசில்.. தவெகவுக்கு முதல் வெற்றி.. விசில் போடுவோம் - விஜய்

திருச்சி, பெரம்பலூர்உள்ளிட்ட 4 மாவட்டங்களில் கனமழைக்கு வாய்ப்பு.. வானிலை மையம் கொடுத்த தகவல்

விசில் கொடுத்தாச்சு.. கப்பு முக்கியம் பிகிலு.. மாமல்லபுரத்தில் ஆலோசனை.. ஆயத்தமாகும் விஜய்!

திமுக ஆட்சியில் கஞ்சா மயமான தமிழ்நாடு.. பாஜக தலைவர் நயினார் நாகேந்திரன் தாக்கு!

NDA கூட்டணியைப் பார்த்து செல்வப்பெருந்தகைக்கு குளிர் ஜூரம் ஏற்பட்டுள்ளது: அண்ணாமலை

2026 தேர்தலுக்கான விசில் ஒலித்தது-தவெக சின்னம் குறித்து பிரவீன் சக்ரவர்த்தி நெகிழ்ச்சி பதிவு!

திருப்பூரில் பரபரப்பு... கவிஞர் வைரமுத்து பங்கேற்ற நிகழ்ச்சியில் காலணி வீச்சு

தவெகவுக்கு விசில் சின்னம்: தேர்தல் ஆணையம் அதிரடி அறிவிப்பு!

மத்தியில் பிரதமர் மோடி தலைமையில் ஆட்சி..தமிழ்நாட்டில் அதிமுக ஆட்சி: எடப்பாடி பழனிச்சாமி திட்டவட்டம்