"100 கோடி தர்றோம்.. தொடு பார்ப்போம்".. போஸ்டரடித்து... சாமியாருக்கு திமுக சவால்!

Sep 06, 2023,01:47 PM IST

கோவை : உதயநிதியின் தலையை சீவுபவர்களுக்கு ரூ.10 கோடி தருகிறேன் என அறிவித்த சாமியாருக்கு சவால் விட்டு திமுக.,வினர் ஒட்டிய போஸ்டர் கோவையில் பெரும் பரபரப்பை கிளப்பி உள்ளது.

தமிழக அமைச்சரும் நடிகருமான உதயநிதி ஸ்டாலின் சமீபத்தில் நடந்த சனாதன தர்மம் எதிர்ப்பு மாநாட்டில் கலந்து கொண்டு பேசினார். அப்போது சனாதன தர்மம் பற்றி சர்ச்சைக்குரிய வகையில் அவர் கருத்து தெரிவித்தார். இதற்கு பலரும் கடும் கண்டனமும், எதிர்ப்பும் தெரிவித்து வருகின்றனர். சனாதன தர்மம் பற்றி விவாதம் தான் கடந்த இரண்டு நாட்களாக நாடு முழுவதும் ஹாட் டாப்பிக்காக போய் கொண்டிருக்கிறது.

இதற்கிடையில் உதயநிதியின் பேச்சிற்கு கண்டனம் தெரிவித்த உ.பி.,யை சேர்ந்த சாமியார் ஒருவர், உதயநிதியின் தலையை சீவுபவர்களுக்கு ரூ.10 கோடி தருகிறேன் என அறிவித்ததுடன், உதயநிதியின் போட்டோவையும் வாளால் சீவி, தீவைத்து எரித்து வீடியோ வெளியிட்டார். இந்த வீடியோ சோஷியல் மீடியாவில் வைரலாகி, மேலும் பரபரப்பானது. இந்நிலையில் இதற்கு கிண்டலாக பதிலளித்த உதயநிதி, என்னுடைய தலைக்கு எதுக்கு ரூ.10 கோடி? ரூ.10 சீப்பு போதுமே. அதை வாங்கிக் கொடுத்தால் நானே தலையை சீவிக் கொள்கிறேன் என்றார்.

சனாதன தர்மம் பற்றிய பேச்சு தீரவமடைந்த வரும் நிலையில், அதற்காக மன்னிப்பு கேட்குறீர்களா என செய்தியாளர்கள் கேட்டதற்கும், மன்னிப்பு கேட்க முடியாது என உதயநிதி மறுத்துள்ளார். அரசியல் ரீதியாகவும், மத ரீதியாகவும் சனாதன தர்மம் விவகாரம் பெரும் புயலை கிளப்பி உள்ள நிலையில், கோவையில் பல இடங்களில் திமுக.,வினர் ஒட்டி உள்ள போஸ்டரை புதிய பரபரப்பை கிளப்பி உள்ளது.

திமுக சார்பில் ஒட்டப்பட்டுள்ள போஸ்டரில், "போலி சாமியாரே! 100 கோடி தர்றோம். தொடுடா பார்க்கலாம்" என சாமியாருக்கு பதில் சவால் விடுத்துள்ளனர். திமுக.,வினர் மட்டுமல்ல இவர்களுக்கு போட்டியாக, நாங்களும் போஸ்டர் ஒட்டுவோம் என பாஜக.,வும் போஸ்டர் ஒட்டி உள்ளது. அதில், சனாதனம் எங்கள் மூச்சு என எழுதப்பட்டுள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

ஐபிஎல் 2026: லக்னோவுக்கு எதிரான ஆட்டத்தில் சென்னை சூப்பர் கிங்ஸ் பரிதாபத் தோல்வி.. அடுத்து என்ன?

தென்மேற்கு பருவமழை அடுத்த 24 மணி நேரத்தில் தொடக்கம்: வானிலை ஆய்வு மையம் தகவல்

அதிமுக.,வில் முற்றும் மோதல்... கே.சி. வீரமணி மனமாற்றம்.. ஆளுநரை சந்திக்க இபிஎஸ் திட்டம்

முதல்வர் விஜய் நெற்றியை கவனிச்சீங்களா? கருப்பு மைக்கு பின்னால் இருக்கும் சீக்ரெட்

இந்திய ரூபாயின் மதிப்பு வரலாறு காணாத அளவிற்கு சரிவு.. ரூ.96.11 ஆகக் குறைந்தது

நாககோட்டி டூ சேஷ்நாக்.. 4 கிலோமிட்டர் சுமந்து சென்ற லீலா.. (அமர்நாத் யாத்திரை அனுபவங்கள்- 6)

IPL 2026: மும்பை இந்தியன்ஸ் வெற்றியால்.. சென்னை சூப்பர் கிங்ஸ் ஹேப்பிண்ணே!

NEET.. நீட் தேர்வு முறையில் பெரும் மாற்றம் வருகிறது.. அடுத்த ஆண்டு முதல் கம்ப்யூட்டரில் தேர்வு!

கலைஞர் மகளிர் உரிமைத் தொகை: காலையிலேய ஹேப்பி நியூஸ் சொன்ன முதல்வர் விஜய்