ஜி20 மாநாடு.. டெல்லி ரெடி.. தலைவர்கள் குவிகிறார்கள்.. பாதுகாப்பு ஹை அலர்ட்!

Sep 08, 2023,09:33 AM IST

டெல்லி: பலத்த பாதுகாப்புக் கோட்டையாக மாற்றப்பட்டுள்ள டெல்லியில் ஜி20 மாநாடு நாளை தொடங்குகிறது. இதையொட்டி உலக நாடுகளின் தலைவர்கள் டெல்லியில் வந்து குவிய ஆரம்பித்துள்ளனர்.

வளர்ச்சி அடைந்த 20 நாடுகளின் கூட்டமைப்பான ஜி20 அமைப்பின் தலைவராக இந்தியா உள்ளது. இதையடுத்து நாளை இந்தியா தலைமையில் டெல்லியில் ஜி20 அமைப்பின் மாநாடு நடைபெறவுள்ளது. 2 நாட்களுக்கு இந்த மாநாடு நடைபெறும்.

இதையொட்டி தலைநகர் டெல்லியில் மிகப் பெரிய அளவில் ஏற்பாடுகள் செய்யப்பட்டுள்ளன. பாதுகாப்பு பல மடங்கு அதிகரிக்கப்பட்டுள்ளது. டெல்லியின் எல்லைகள் மூடப்பட்டுள்ளன. பள்ளிகள், கல்லூரிகள், அலுவலகங்களுக்கு விடுமுறை விடப்பட்டுள்ளது. இன்று காலை 5 மணி முதல் ஞாயிற்றுக்கிழமை முற்பகல் 12 மணி வரை போக்குவரத்து கட்டுப்பாடுகள் அமல்படுத்தப்பட்டுள்ளன.

ஆம்புலன்ஸ்கள், மருந்து வாகனங்கள், அத்தியாவசியச் சேவைப் பிரிவினரின் வாகனங்களுக்கு இதிலிருந்து விலக்கு அளிக்கப்பட்டுள்ளது. உள்ளூர் வாகனங்கள், சுற்றுலாப் பயணிகளின் வாகனங்கள் அவர்கள் இருக்கும் பகுதிக்குள் மட்டுமே செலுத்த அனுமதிக்கப்படும். இந்தியா கேட், கர்தவ்யா பாத் உள்ளிட்ட பகுதிகளுக்கு வாக்கிங், சைக்கிளிங், பிக்னிக் செல்வது ஆகியவற்றைத் தவிர்க்குமாறு கேட்டுக் கொள்ளப்பட்டுள்ளது.

கிட்டத்தட்ட ஒரு லட்சம் போலீஸாரும், பாதுகாப்புப் படையினரும் டெல்லி முழுவதும் பாதுகாப்பு மற்றும் ரோந்துப் பணியில் ஈடுபடுத்தப்படவுள்ளனர். தெருத் தெருவாக கண்காணிப்பும் மேற்கொள்ளப்படவுள்ளது. போர் விமானங்களும் கூட தயார் நிலையில் வைக்கப்பட்டுள்ளன. ஜாமர் கருவிகள், மோப்ப நாய்கள், ஏஐ அடிப்படையிலான கேமராக்கள் சகிதம் பாதுகாப்புப் படையினர் பாதுகாப்புப் பணியில் ஈடுபட்டு வருகின்றனர்.

ஜி 20 மாநாட்டில் கலந்து கொள்வதற்காக அமெரிக்க அதிபர் ஜோ பைடன் இன்று டெல்லி வருகிறார். பிரதமர் நரேந்திர மோடியுடன் இன்று அவர் முக்கியப் பேச்சுவார்த்தை நடத்தவுள்ளார்.

சமீபத்திய செய்திகள்

எதிர்ப்பேன்... ஆதரிப்பேன்... ஆலோசனை சொல்வேன்... எம்.பி., கமல்ஹாசனின் முதல் பதிவு!

கமல்ஹாசன்.. களத்தூர் கண்ணம்மா முதல் ராஜ்யசபா வரை!

இன்ஸ்டாகிராம் ரீல்ஸ் பிரபலம்... நடிகை இலக்கியாவுக்கு என்னாச்சு?

உஷார் மக்களே உஷார்... தமிழ்நாட்டில் இன்று எங்கெல்லாம் கனமழை பெய்யப்போகுது தெரியுமா?

விஜய் சீமானை நேரடியாக அழைக்கவில்லை... எங்களது விருப்பத்தை நாங்கள் சொல்கிறோம்...எடப்பாடி பழனிச்சாமி

கமல்ஹாசனின் புதிய அத்தியாயம்.. ராஜ்யசபா உறுப்பினராக தமிழில் பதவியேற்றார்

Friday Motivation: மனைவி ஸ்ரீதேவியின் ஆசையை.. 69 வயதில் நிறைவேற்றிய போனி கபூர்

ருத்ர தாண்டவம் (சிறுகதை)

உரிமை மீட்க தலைமுறை காக்க... திட்டமிட்ட படி இன்று நடைபயணம் தொடங்குகிறார் அன்புமணி ராமதாஸ்!

ஜி20 மாநாடு.. டெல்லி ரெடி.. தலைவர்கள் குவிகிறார்கள்.. பாதுகாப்பு ஹை அலர்ட்!

Comments

சமீபத்திய செய்திகள்

அதிகம் பார்க்கும் செய்திகள்