Gentleman 2: கோலாகலமாக தொடங்கியது ஜென்டில்மேன் 2.. புத்துணர்ச்சியில் குஞ்சுமோன்!

Oct 09, 2023,10:58 AM IST

- சங்கமித்திரை

சென்னை: பிரபல தயாரிப்பாளர் கே.டி. குஞ்சுமோன் நீண்ட இடைவெளிக்குப் பிறகு மீண்டும் தயாரிப்பில் இறங்கியுள்ளார். ஜென்டில்மேன் படத்தின் 2ம் பாகத்தை அவர் பிரமாண்டமாக தயாரிக்கிறார்.

கே.டி. குஞ்சுமோன் தயாரிப்பில் ஷங்கர் இயக்கத்தில், அர்ஜூன் நடிப்பில் உருவான பிரமாணட் படம்தான் ஜென்டில்மேன். ஏ.ஆர். ரஹ்மான் இசையமைப்பில் இப்படம் மிகப் பெரிய பிரமாண்ட வெற்றியைப் பெற்றது. இப்படத்தின் 2ம் பாகத்தை இப்போது கே.டி. குஞ்சுமோன் எடுக்கவுள்ளார்.

ஏ.கோகுல் கிருஷ்ணா இயக்கும் இப்படத்திற்கு ஆஸ்கர் விருது பெற்ற இசையமைப்பாளர் எம்.எம்.கீரவாணி இசையமைக்க, கவிப்பேரரசு வைரமுத்து பாடல்களை எழுதுகிறார். இப்படத்தின் படப்பிடிப்பு இன்று சென்னை சத்யா ஸ்டுடியோவில் துவங்கியது.

தமிழக தகவல் ஒளிபரப்பு மற்றும் செய்தித்துறை அமைச்சர் எம்.பி.சாமிநாதன் அவர்கள் ஸ்விட்ச் ஆன் செய்ய, எம்.ஜி.ஆர்-ஜானகி காலேஜ் மற்றும் சத்யா ஸ்டுடியோ தலைவர் டாக்டர். குமார் ராஜேந்திரன் கிளாப் அடிக்க, கவிப்பேரரசு வைரமுத்து ஆக்‌ஷன் சொல்ல.. படப்பிடிப்பு ஆரம்பமானது.

முதல் காட்சியில், நாயகன் சேத்தன், நாயகி நயந்தாரா சக்ரவர்த்தி நடிக்க படப்பிடிப்பு தொடங்கியது. நிகழ்ச்சியில் கே.டி.குஞ்சுமோன் பேசுகையில், எனது ஆரம்ப காலகட்டங்களில் எம்.ஜி.ஆர் நடித்த பல படங்கள், சத்யா ஸ்டுடியோவில் வளர்ந்த சத்யா மூவீஸிந் பல படங்களை நான் வினியோகம் செய்துள்ளேன். என் வாழ்க்கையின் உயர்வுக்கு முக்கிய பங்களித்த இந்த சத்யா ஸ்டியோவில் ஜெண்டில்மேன்-ll

படபிடிப்பு துவங்கியதில் பெரு மகிழ்ச்சி அடைகிறேன்.. என்றார் கே.டி.குஞ்சுமோன்.

தொடர்ந்து சென்னையிலேயே 25 நாட்கள் படப்பிடிப்பை நடத்த திட்டமிட்டுள்ளனர். சேத்தன்,

நயந்தாரா சக்கரவர்த்தி தவிர, சித்தாரா , சத்யபிரியா , சுமன் , மைம் கோபி, புகழ், படவா கோபி , ராதாரவி

பிரேம்குமார் , இமான் அண்ணாச்சி , வேலா ராமமூர்த்தி , ஆர் வி உதயகுமார் உள்ளிட்டோர் படத்தில் இடம் பெற்றுள்ளனர். சென்னை, ஹைதராபாத், துபாய், மலேசியா , இலங்கையில் படப்பிடிப்பு நடைபெறும் எனத் தெரிவிக்கப்பட்டுள்ளது.

சமீபத்திய செய்திகள்

கதை அல்ல நிஜம்.. "ரோஷினியின் டைரி" .. அவள் எழுதிய வரிகள் நிஜமானது!

Sunday Special: சுவையான மக்ரூனி பிரியாணி.. சாப்ட்டுப் பாருங்க.. கிறங்கிப் போய்ருவீங்க!

கதை கேளு... கதை கேளு!

Malliga Selvaraj: அன்னை மடி!

தென்தமிழ் தலையங்கம்: திரைக்கலைத் தாத்தா சிங்கீதம் சீனிவாச ராவ்!

Asiad 2026 Cricket: தங்க மகளிரைப் பின்பற்றி.. பாகிஸ்தானை வீழ்த்தி தங்கம் வென்ற இந்திய ஆடவர்!

தவெக வேட்பாளர் குறித்து உருவக் கேலி: திமுக தலைவர் மு.க.ஸ்டாலினுக்கு முதல்வர் விஜய் கண்டனம்!

தாராபுரம் தவெக வேட்பாளரை உருவகேலி செய்த விவகாரம் : மு.க.ஸ்டாலின் மீது புகார்

மதுராந்தகம் இடைத்தேர்தல்: செங்கல்பட்டு மாவட்டம் முழுவதும் 4 நாட்கள் டாஸ்மாக் கடைகள் மூடல்

Gentleman 2: கோலாகலமாக தொடங்கியது ஜென்டில்மேன் 2.. புத்துணர்ச்சியில் குஞ்சுமோன்!

Comments

சமீபத்திய செய்திகள்

அதிகம் பார்க்கும் செய்திகள்