அதானியை தொடர்ந்து ஹிண்டன்பர்க் வலையில் சிக்கப்போவது யார்?: அடுத்த ஷாக்கர்!

Mar 23, 2023,12:03 PM IST

புதுடெல்லி: அதானி குழுமம் பற்றிய ஆய்வறிக்கையை வெளியிட்ட ஹிண்டன்பர்க் நிறுவனம், மற்றொரு புதிய நிறுவனம் பற்றிய அறிக்கையை வெளியிடப்போவதாக அறிவித்துள்ளது பரபரப்பை ஏற்படுத்தியுள்ளது.

குஜராத்தை சேர்ந்த தொழிலதிபரான கவுதம் அதானி, மின்சாரம், ஏர்போர்ட், துறைமுகம் போன்ற பல துறைகளில் கால் பதித்து, வெற்றியும் கண்டார். அதானி குழுமத்தில் முதலீடு செய்ய வெளிநாட்டில் இருந்தும் பல நிறுவனங்கள் ஆர்வம் காட்டின. இவரது நிறுவனங்களின் பங்குகளும் எதிர்பார்க்காத அளவிற்கு உயர்ந்தது. அதானியின் சொத்து மதிப்பும் அதிகரித்தது. இந்திய பணக்காரர், ஆசிய பணக்காரர் என படிப்படியாக வளர்ந்து, உலக பணக்காரர் பட்டியலில் 2வது இடம் வரை அசுர வளர்ச்சி கண்டிருந்தார். அவரின் வளர்ச்சிக்கு பேரிடியாக விழுந்தது அமெரிக்காவை சேர்ந்த ஹிண்டன்பர்க் ஆய்வு நிறுவனத்தின் அறிக்கை.

ஆய்வறிக்கையால் வீழ்ச்சி

வரி முறைகேடு, செயற்கையாக பங்கு விலையை ஏற்றியது, சொந்தங்களுக்கு முக்கிய பதவி, அதீத கடன் என அதானி குழுமத்தின் மீது பல்வேறு குற்றச்சாட்டுகளை அடுக்கியது ஹிண்டன்பர்க் ஆய்வு நிறுவனம். மொத்தம் 413 பக்கங்களை கொண்ட இந்த ஆய்வறிக்கை தான், அதானியின் வாழ்க்கையை மொத்தமாக புரட்டிப்போட்டது. அறிக்கை வெளியான ஒரே வாரத்தில் அதானி குழுமத்தின் மதிப்பு கிட்டத்தட்ட 50 சதவீதம் வரை வீழ்ச்சி அடைந்தது.

அரசியல் தாக்கம்

உலகின் 2வது பணக்காரராக ஜொலித்த கவுதம் அதானி, 35வது இடத்துக்கும் கீழ் தள்ளப்பட்டார். இந்த சரிவில் இருந்து மீளமுடியாமல் திணறிய அதானி நிறுவனங்கள் இப்போதுதான் ஓரளவு மீண்டு வருகின்றன. இந்த விவகாரம் இந்திய அரசியலிலும் புயலை கிளப்பியுள்ளது. காங்கிரஸ் உள்ளிட்ட எதிர்க்கட்சிகள் அதானி குழுமத்தின் மீது பார்லிமென்ட் கூட்டுக்குழு விசாரணை அமைக்க வலியுறுத்தி பார்லி.,யின் இரு அவைகளையும் தொடர்ந்து முடக்கி வருகின்றன.

அடுத்த அறிக்கை

ஹிண்டன்பர்க் ஆய்வறிக்கையால் நிகழும் இந்த சம்பவங்களே இன்னும் ஓய்ந்தபாடில்லை. அதற்குள்ளாக அந்நிறுவனம் மற்றொரு ஆய்வறிக்கை வெளியிடுவதாக அறிவித்துள்ளது. ஹிண்டன்பர்க் தனது டுவிட்டர் பக்கத்தில், ‛விரைவில் புதிய அறிக்கை - மற்றொரு பெரிய நிறுவனம்’ என பதிவிட்டுள்ளது. ஹிண்டன்பர்க் வலையில் அடுத்து சிக்கப்போவது இந்திய நிறுவனமா அல்லது வேறொரு நாட்டின் நிறுவனமா என பொறுத்திருந்துதான் பார்க்க வேண்டும்.

சமீபத்திய செய்திகள்

அமைச்சர் நேரு மீது வழக்கு.. திமுகவுக்கு வைக்கப்படும் மறைமுக 'செக்'ஆ.. நாங்க தயார்.. திமுக அதிரடி!

திமுக.,வில் இணையப் போகிறாரா ஓபிஎஸ்? .. சட்டசபையை அதிர வைத்த ஆதரவு எம்எல்ஏ அய்யப்பன்!

மீண்டும் ஆட்சிக்கு வரக்கூடிய வாய்ப்பு திமுகவிற்கு இருக்கிறது - முன்னாள் முதலமைச்சர் ஓ.பன்னீர்செல்வம்

அந்த ஒரு ராஜ்யசபா எம்.பி., சீட் யாருக்கு?...உச்சகட்ட பரபரப்பில் அதிமுக, திமுக கூட்டணிகள்

பாமக ராமதாஸ் கையெழுத்தே பொய்யா? பகீர் கிளப்பிய வக்கீல்... என்னதான் நடக்கிறது?

தேமுதிக பிளான்: விஜய பிரபாகரன் தெற்கு.. பிரேமலதா விஜயகாந்த் வடக்கு.. எல்.கே.சுதீஷ் ராஜ்யசபா!

த.வெ.க நிர்வாகிகள் கூட்டம்... பொதுமக்களுக்கு அனுமதியில்லை... காவல்துறை அறிவிப்பு!

இந்தியா பாகிஸ்தான் மோதலும்.. வரிவிதிப்பை "டிரம்ப் கார்டாக" பயன்படுத்தினாரா அமெரிக்க அதிபர்?

எனக்கு வாசனையும் தெரியாது, சுவையும் தெரியாது : மம்முட்டி ஓபன் டாக்!

அதானியை தொடர்ந்து ஹிண்டன்பர்க் வலையில் சிக்கப்போவது யார்?: அடுத்த ஷாக்கர்!

Comments

சமீபத்திய செய்திகள்

அதிகம் பார்க்கும் செய்திகள்