கரீபியக் கடலில் விழுந்த விமானம்.. 2 மகள்களுடன் ஹாலிவுட் நடிகர் கிறிஸ்டியன் ஆலிவர் மரணம்
லாஸ் ஏஞ்சலெஸ்: ஹாலிவுட் நடிகரான கிறிஸ்டியன் ஆலிவர், தனது இரு மகள்களுடன் சிறிய ரக விமானத்தில் பயணித்தபோது, விமானம் விபத்துக்குள்ளாகி கரீபியக் கடலில் விழுந்தது. இதில் விமானி உள்ளிட்ட நான்கு பேரும் பரிதாபமாக உயிரிழந்தனர்.
விமானம் கிளம்பிய சிறிது நேரத்திலேயே விபத்துக்குள்ளாகியது பெரும் சோகத்தை ஏற்படுத்தியுள்ளது.
ஜெர்மனியைச் சேர்ந்தவரான கிறிஸ்டியன் ஆலிவர், ஹாலிவுட்டில் பிரபலமான நடிகராக வலம் வந்தவர். ஜார்ஜ் க்ளூனியுடன் இணைந்து தி குட்ஜெர்மன் படத்தில் நடித்துள்ளார். 2008ம் ஆண்டு வெளியான ஆக்ஷன் காமெடி படமான ஸ்பீட் ரேசர், இவருக்கு தனி அடையாளம் பெற்றுக் கொடுத்தது.
இவருக்குச் சொந்தமான ஒற்றை என்ஜின் பொருத்தப்பட்ட சிறிய ரக விமானத்தில் பயணித்தபோதுதான் இந்த அசம்பாவிதம் நடந்துள்ளது.
விமானம் விபத்துக்குள்ளானதும், டைவர்களும், மீனவர்களும் உடனடியாக அவர்களை மீட்கும் பணியில் இறங்கினர். கடலோரக் காவல் படையின் உதவியும் கோரப்பட்டது. ஆனால் நான்கு பேரின் உடல்களைத்தான் மீட்க முடிந்தது.
ஆலிவருக்கு 51 வயதாகிறது. மூத்த மகள் ஆனிக் 12 வயது, இளைய மகள் மடிடாவுக்கு 10 வயதாகிறது. விமாத்தை செலுத்தியவரின் பெயர் ராபர்ட் சாக்ஸ். கிரெனடைன்ஸ் தீவில் உள்ள பெகுயா என்ற இடத்திலிருந்து செயின்ட் லூசியாவுக்கு இந்த விமானம் கிளம்பியபோதுதான் விபத்துக்குள்ளானது.
விடுமுறைக்காக தனது மகள்களுடன் அங்கு முகாமிட்டிருந்தார் ஆலிவர். சந்தோஷத்திற்காக வந்த இடத்திலேயே அவர் குடும்த்தோடு மரணத்தைத் தழுவியிருப்பது பெரும் சோகத்தை ஏற்படுத்தியுள்ளது.
சமீபத்திய செய்திகள்
நேபாளத்தில் போராட்டக்காரர்கள் மீது போலீசார் துப்பாக்கிச்சூடு: 14 பேர் பலி
11 மாவட்டங்களில் நாளை கனமழை பெய்ய வாய்ப்பு: சென்னை வானிலை மையம் அறிவிப்பு!
கன்னியாகுமரி கண்ணாடி பாலத்தில் விரிசலா.. மாவட்ட கலெக்டர் அழகு மீனாவின் விளக்கம் இதுதான்!
இலங்கை தமிழ் அகதிகளுக்கு நீண்டகால விசாவும், குடியுரிமையும் வழங்கும் சட்ட திருத்தமும் தேவை: அன்புமணி
தாய்!!!
மதுரை விமான நிலையத்திற்கு முத்துராமலிங்கத் தேவர் பெயர்.. 2 தலித் கட்சிகள் எதிர்ப்பு
முதல்வர் மு.க.ஸ்டாலின் தலைமையில் நாளை திமுக மாவட்டச் செயலாளர்கள் கூட்டம்
தலைமை சொல்வதை கேட்பதே எனது பொறுப்பு: தமிழக பாஜக தலைவர் நயினார் நாகேந்திரன்!
ரஷ்யா மீது 2வது கட்ட பொருளாதார தடை விதிக்கப் போறேன்.. டொனால்ட் டிரம்ப் அறிவிப்பு
{{comments.comment}}