2 செயற்கைகோள்கள் இணைப்பு வெற்றி.. அசத்திய இஸ்ரோ.. விண்வெளியில் வரலாறு படைத்த இந்தியா!
ஸ்ரீஹரிகோட்டா: PSLV C60 ராக்கெட் மூலம் விண்ணிற்கு அனுப்பப்பட்ட SpaDex திட்டத்தின் கீழான 2 செய்கைகோள்களும் வெற்றிகரமாக இணைக்கப்பட்டதாக இஸ்ரோ தெரிவித்துள்ளது. அமெரிக்கா, ரஷ்யா, சீனாவை தொடர்ந்து விண்வெளியில் செயற்கை கோள் அல்லது விண்கலங்களை இணைக்கும் 4வது நாடாக இந்தியா சாதனை படைத்துள்ளது.
அமெரிக்கா, ரஷ்யா, சீனாவைத் தொடர்ந்து இந்தியாவும் 2 செயற்கைகோள்களை இணைக்கும் முயற்சியில் ஈடுபட்டு அதற்கான ஆய்வில் தீவிரமாக இறங்கியது. இதன் தொடர்ச்சியாக, ஸ்பேடெக்ஸ் ஏ மற்றும் ஸ்பேடெக்ஸ் பி ஆகிய இரு விண்கலன்கள் வடிவமைக்கப்பட்டு கடந்த டிசம்பர் மாதம் பிஎஸ்எல்சி சி-60 என்ற ராக்கெட் மூலமாக ஸ்ரீஹரிகோட்டாவில் இருந்து விண்ணில் ஏவப்பட்டன. இந்த முயற்சி கடந்த வாரமே செயல்படுத்தப்பட்ட நிலையில், பல்வேறு காரணங்களால் இணைப்புத் திட்டம் தள்ளிப்போனது.
கடந்த ஜனவரி 7ம் தேதி விண்ணில் இணையச்செய்வதற்கான திட்டம் கைவிடப்பட்ட நிலையில், (இன்று) ஜனவரி 16ம் தேதி இரண்டு செயற்கைகோள்களையும் விண்ணில் இணைக்கும் டாக்கிங் செயல்முறை செயல்படுத்தப்பட்டு வெற்றி பெற்றது. இந்த அறிவிப்பை இஸ்ரேல் அதிகார பூர்வமாக அறிவித்துள்ளது.
இது குறித்து இஸ்ரோ எக்ஸ் தள பக்கத்தில் அறிவிப்பு ஒன்றை வெளியிட்டுள்ளது. அதில், விண்கலன்களை இணையச் செய்யும் வரலாற்று நிகழ்வு வெற்றி பெற்றுள்ளது. ரஷ்யா, அமெரிக்கா, சீனாவை தொடர்ந்து விண்வெளியில் டாக்கிங் செய்த 4வது நாடாக இந்தியா உருவாகியுள்ளது. இதன் மூலம் இந்தியா சாதனை படைத்துள்ளது என்று தெரிவித்துள்ளது.
இந்த நடவடிக்கையானது, எதிர்காலத்தில் விண்வெளியில் விண்வெளி நிலையத்தை அமைப்பதற்கான முயற்சிகளுக்கு மிகப் பெரிய உந்துதலாக இருக்கும் என்பது முக்கியமானது.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
எந்த ஷா வந்தாலென்ன?.. தமிழ்நாடு என்றைக்குமே டெல்லிக்கு Out of Control தான்: முதல்வர் மு.க.ஸ்டாலின்!
கூட்டணி குறித்த முடிவுக்கு இபிஎஸ்சுக்கே அதிகாரம்..அதிமுக பொதுக்குழுவில் 16 தீர்மானங்கள் நிறைவேற்றம்
2026 சட்டசபைத் தேர்தலுக்கு முன் கூட்டணி விரிவாக்கம்.. ராஜ்யசபா தேர்தலை உற்று நோக்கும் தி.மு.க
விஜய்யின் பேச்சு அரசியல் முதிர்ச்சியின்மையை காட்டுகிறது:புதுச்சேரி உள்துறை அமைச்சர் நமச்சிவாயம்
தமிழகத்தில் இன்று முதல் அடுத்த 7 நாட்கள் ஓரிரு இடங்களில் மிதமான மழைக்கு வாய்ப்பு: வானிலை ஆய்வு மையம்
அனைத்து ரேஷன் அட்டை தாரர்களுக்கும் பொங்கல் பரிசு: புதுச்சேரி முதல்வர் ரங்கசாமி அறிவிப்பு
ஆஸ்திரேலியாவில்.. 16 வயதுக்குட்பட்ட குழந்தைகளுக்கு சமூக ஊடகத் தடை.. எந்தெந்த செயலிகளுக்கு ஆப்பு?
தவெகவுடன் கூட்டணி வருமா?.. பதிலளிக்காமல் தவிர்த்த புதுச்சேரி முதல்வர் ரங்கசாமி
12 ஆண்டுகளுக்குப் பிறகு மீண்டும் நடிக்க வரும் அப்பாஸ்.. படம் பேரு என்ன தெரியுமா?
{{comments.comment}}