Mike Tyson vs Jake Paul.. 8 சுற்றுகள் நடந்த அதிரடி மோதலில்.. கோட் மைக் டைசனை வீழ்த்திய ஜேக் பால்
ஆர்லிங்டன், டெக்சாஸ்: அமெரிக்காவின் ஆர்லிங்டன் நகரில், கிட்டத்தட்ட 70,000 ரசிகர்களுக்கு மத்தியில் பிரமாண்ட போட்டியில் முன்னாள் உலக சாம்பியன் மைக் டைசனை 8 சுற்று போராட்டத்திற்குப் பின்னர் வீழ்த்தி வெற்றி பெற்றார் ஜேக் பால்.
தோல்வியைச் சந்தித்த மைக் டைசனுக்கு வயது 58. வெற்றி பெற்ற ஜேக் பாலுக்கு 29 ஆகும். இந்தப் போட்டியின் அறிமுக நிகழ்ச்சியின்போது தன்னை நக்கலடிப்பது போல பார்த்த ஜேக் பாலை பளார் பளார் என கன்னத்தில் அடித்து அதிர வைத்திருந்தார் மைக் டைசன். ஆனால் அந்த அடிக்கு தற்போது போட்டியில் தோற்கடித்துப் பழிவாங்கி விட்டார் ஜேக் பால்.
ஜேக் பால் ஒரு யூடியூபர் ஆவார். பிறகு பாக்ஸர் ஆனவர். மைக் டைசனுக்கு அவர் சவால் விட்டிருந்தார். இதையடுத்து இருவருக்கும் இடையே போட்டிக்கு ஏற்பாடு செய்யப்பட்டது. இந்த ஆண்டின் மிகப் பெரிய குத்துச்சண்டையாக இது கருதப்பட்டதால் பிரமாண்ட அரங்கில் போட்டிக்கு ஏற்பாடு செய்யப்பட்டது. எட்டு சுற்றுகள் வரை இப்போட்டி நீடித்தது.
இருவரும் விடவில்லை. அதிரடியாக மாறி மாறி புள்ளிகளைக் குவித்தனர். மைக் டைசனுக்கு 58 வயதாகியும் கூட அவரது வேகத்திலும், விவேகத்திலும் கொஞ்சம் கூட குறைவில்லை. அதிரடி காட்டவும் அவர் தயாராக இல்லை. ஆனால் வயது கடைசியில் ஜேக் பாலுக்கு சாதகமாகி விட்டது. இறுதியில் 79-73 புள்ளிகள் அடிப்படையில் ஜேக் பால் வெற்றி பெற்றார்.
போட்டியின் இறுதியில் மைக் டைசனை, ஜேக் பால் பாராட்டத் தவறவில்லை. மைக் டைசன் தி கிரேட்டஸ்ட் ஆப் ஆல் டைம் G.O.A.T என்று பாராட்டினார். பதிலுக்கு டைசனும், ஜேக் பாலை, நல்ல பைட்டர் என்று தட்டிக் கொடுத்தார். போட்டி முடிவில், மைக் டைசன் முன்பு தலையைக் குணிந்தும் மரியாதை செய்தார் ஜேக் பால்.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
Assembly By Election: நாளை மதுராந்தகம், தாராபுரம் இடைத்தேர்தல் 2026: அனைத்து ஏற்பாடுகளும் தயார்
சென்னை பட்டினப்பாக்கம் புதிய தலைமைச் செயலக வழக்கு: வழக்கறிஞர் தாக்கல் செய்த மனு வாபஸ்
தென்தமிழ் தலையங்கம்: Celluloid World to St Geroge Fort..கோட்டையைப் பிடிக்கத் துடிக்கும் கோடம்பாக்கம்
குலுக்கி சர்பத்: தூக்கிப் போட்டு குலுக்கி எடுத்து கிளாஸில் ஊற்றிக் குடிச்சா.. ஆஹா என்ன சுகம்!
தலைமை தேர்தல் ஆணையர் விவகாரம்: இடைக்கால உத்தரவு பிறப்பிக்க உச்சநீதிமன்றம் மறுப்பு
2026-ஆம் ஆண்டின் மருத்துவத்திற்கான நோபல் பரிசு அறிவிப்பு: 3 விஞ்ஞானிகளுக்கு விருது!
Evening Snacks Time: டேஸ்ட்டியான சேமியா பால் பாயாசம் செய்து சாப்பிடலாமா?
சென்னையில் புறநகர் மின்சார ரயில் தடம் புரண்டு விபத்து: ரயில் சேவைகள் பாதிப்பு!
எனக்கு ஆசை.. உனக்கு ஆசை.. உன்னை நான் நேசிப்பதும்.. என்னை நீ நேசிப்பதும்!
{{comments.comment}}