"பேச்சு கிடையாது.. நேரா வீச்சு தான்".. தியேட்டர்களை நடுநடுங்க வைத்த "ஜெயிலர்"

Aug 03, 2023,02:56 PM IST

சென்னை : ரஜினி ரசிகர்களை மட்டுமின்றி அனைத்து தரப்பு ரசிகர்களையும் கவரும் வகையில் பாட்ஷா பாணியில் ஜெயிலர் படத்தின் தியேட்டர் டிரைலர் வெளியாகி செம வரவேற்பை பெற்றுள்ளது. பிரபலங்கள், ரசிகர்கள் என அனைவரும் இந்த டிரைலரை கொண்டாடி வருகின்றனர்.

ரஜினியின் 169 வது படமாக உருவாகி உள்ளது ஜெயிலர். டைரக்டர் நெல்சன் திலீப் குமார் இயக்கி உள்ள இந்த படத்தை சன் பிக்சர்ஸ் தயாரித்துள்ளது. நெல்சனுக்கு மிகப் பெரிய கம் பேக்காக இந்த படம் இருக்கும் என்பதால் அதிகம் எதிர்பார்க்கப்படும் படமாக ஜெயிலர் இருந்து வருகிறது. இந்த படம் ஆகஸ்ட் 10 ம் தேதி உலகம் முழுவதும் ரிலீசாக உள்ளது. இந்நிலையில் படம் பற்றிய எதிர்பார்ப்பை எகிற வைப்பதற்காக 3 நிமிட தியேட்டர் டிரைலர் ஒன்றை படக்குழு நேற்று வெளியிட்டுள்ளது. நடிகர் நாக சைதன்யா இந்த டிரைலரை வெளியிட்டுள்ளார்.

ஆரம்பமே பட்டையை கிளப்பும் அதிரடியுடன் துவங்குகிறது. டிரைலரின் முதல் பாதியில் அப்பாவியாக, அடாவடி செய்பவர்களிடமும் அமைதி காக்கும் கேரக்டராக வருகிறார் ரஜினி. இரண்டாவது பாதியில் பின்னி பெடலெடுத்திருக்கிறார். அதிரடி, ஆக்ஷன், அடிதடி என அனல் பறக்கிறது. பாட்ஷா படத்தில் ஆட்டோக்காரன் மாணிக்கமாக அமைதியான கேரக்டராகவும், மாணிக் பாட்ஷாவாக மற்றொரு கேரக்டரும் வருவார். அதே போல் அமைதியாக, ஓய்வு பெற்ற போலீஸ் அதிகாரியாக இருக்கும் ரஜினி, நேரம் வரும் போது அடித்து நொறுக்குகிறார்.

"ஒரு கட்டத்துக்கு மேல பேச்சு கிடையாது...நேரா வீச்சு தான்", "ரொம்ப தூரம் போயிட்டேன்...திரும்ப முடியாது; முடிச்சுட்டு தான் திரும்புவேன்" போன்ற பஞ்ச் டயலாக்குகள் ரஜினி ரசிகர்களை விசில் போட வைத்துள்ளது. பாட்ஷா பாணியில் கூட பத்து பேர், ஸ்டையிலாக ஆக்ஷன் என பழைய ரஜினியை மீண்டும் பார்க்க வைத்திருக்கிறார் நெல்சன்.

தியேட்டர் டிரைலரே இப்படி பட்டையை கிளப்புகிறது என்றால், படம் எப்படி இருக்கும்? படத்தை சீக்கிரம் ரிலீஸ் பண்ணுங்கப்பா என ரசிகர்கள் இப்போதே ஆர்வமாக கேட்டு வருகின்றனர். ரஜினி, நெல்சன் இருவருக்கும் இந்த படம் யாரும் எதிர்பாராத கம்பேக்காக அமையும் என ரஜினி ரசிகர்கள் அடித்து கூறி வருகிறார்கள்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!