டெல்லி: நீதியரசர் பூஷன் ராமகிருஷ்ண கவாய் மே 14-ம் தேதி இந்தியாவின் அடுத்த தலைமை நீதிபதியாக பதவி ஏற்கிறார்.
தற்போதைய தலைமை நீதிபதி சஞ்சீவ் கண்ணா மே 13-ம் தேதி ஓய்வு பெறுகிறார். நீதிபதி கவாய் நவம்பர் மாதம் ஓய்வு பெற இருப்பதால், சுமார் ஆறு மாதங்கள் தலைமை நீதிபதியாக இருப்பார்.
நீதிபதி கே.ஜி. பாலகிருஷ்ணனுக்குப் பிறகு, இந்த பதவியை வகிக்கும் இரண்டாவது தலித் என்ற பெருமையைப் பெறுகிறார் நீதிபதி கவாய். தலைமை நீதிபதி சஞ்சீவ் கண்ணா, நீதிபதி கவாயின் பெயரை அடுத்த தலைமை நீதிபதியாக பரிந்துரைத்துள்ளார்.
ஓய்வு பெறும் தலைமை நீதிபதி தனக்கு அடுத்து வருபவரின் பெயரை சட்ட அமைச்சகத்திற்கு பரிந்துரைப்பது வழக்கம். அதன்படி, சஞ்சீவ் கண்ணா, கவாயின் பெயரை பரிந்துரைத்துள்ளார். நீதிபதி கவாய் மகாராஷ்டிராவின் அமராவதியைச் சேர்ந்தவர். 1985-ல் பார் கவுன்சிலில் சேர்ந்தார். ராஜா போன்சலேவுடன் பணியாற்றினார். ராஜா போன்சலே, மகாராஷ்டிரா உயர் நீதிமன்றத்தின் முன்னாள் அட்வகேட் ஜெனரல் மற்றும் நீதிபதி ஆவார்.

1987 முதல் 1990 வரை பம்பாய் உயர் நீதிமன்றத்தில் வழக்கறிஞராக பணியாற்றினார். பிறகு, பம்பாய் உயர் நீதிமன்றத்தின் நாக்பூர் கிளையில் அரசியலமைப்பு மற்றும் நிர்வாகச் சட்டம் தொடர்பான வழக்குகளில் பணியாற்றினார். 1992 ஆகஸ்டில் பம்பாய் உயர் நீதிமன்றத்தின் நாக்பூர் கிளையில் உதவி அரசு வழக்கறிஞராகவும், கூடுதல் அரசு வழக்கறிஞராகவும் நியமிக்கப்பட்டார். 2000-ல் நாக்பூர் கிளையின் அரசு வழக்கறிஞராகவும், பொது வழக்கறிஞராகவும் நியமிக்கப்பட்டார்.
நீதிபதி கவாய் 2003-ல் உயர் நீதிமன்றத்தின் கூடுதல் நீதிபதியாக நியமிக்கப்பட்டார். 2005-ல் நிரந்தர நீதிபதியானார். 2019-ல் உச்ச நீதிமன்ற நீதிபதியாக பதவி உயர்வு பெற்றார். உச்ச நீதிமன்ற நீதிபதியாக, நீதிபதி கவாய் பல முக்கியமான தீர்ப்புகளைக் கொடுத்துள்ளார். 2016-ல் மத்திய அரசின் பணமதிப்பிழப்பு நடவடிக்கையை உறுதி செய்த தீர்ப்பு அவற்றில் ஒன்று. மேலும், தேர்தல் பத்திரங்கள் திட்டம் அரசியலமைப்பிற்கு எதிரானது என்று அறிவித்த பெஞ்ச்சிலும் அவர் பங்கேற்றுள்ளார்.
சமையல் With ஸ்வர்ணா: லஞ்ச் பாக்ஸ் ரெசிபி - சேப்பங்கிழங்கு டொமட்டோ பெப்பர் ஃப்ரை!
வகை வகையான வணிகம்.. மலைக்க வைத்த மதுரை நகர அங்காடி வீதி!
உன் விழியில் மலர்ந்த முதல் கவிதை!
வண்டு உண்ட மதுவின் சுவை!
மனிதன் மாறி விட்டான்.. ஆனால் தொன்மை மாறலையே!
கண்ணுக்குத் தெரியாத காற்று கையில் பிடிக்க முடியாத மேகம்!
பிரபஞ்சம் என்றால் என்ன.. எண்ணம் போல் வாழ்க்கை (2)
அரசமரம் துளிர்த்தது… கடன் சுமை குறைந்ததா?.. வேரில் இருந்து விழுது வரை (7)
கைப்பேசியில் கரைகிறது மனமே?
{{comments.comment}}