கங்குவா பட எடிட்டர் நிஷாத் யூசுப் திடீர் மரணம்.. வீட்டில் மர்மமான முறையில் உயிரிழப்பு!
சென்னை: சூர்யா நடிப்பில் உருவாகியுள்ள கங்குவா திரைப்படம் வரும் நவம்பர் 14ஆம் தேதி வெளியாக உள்ள நிலையில், இப்படத்தில் தொகுப்பாளராக (எடிட்டர்) பணிபுரிந்த நிஷாத் யூசுப் மர்மமான முறையில் இன்று உயிரிழந்துள்ளார்.
ஞானவேல் ராஜா தயாரிப்பில் சூர்யா நடித்துள்ள திரைப்படம் கங்குவா .இப்படத்தை சிவா இயக்கியுள்ளார். தேவி ஸ்ரீ பிரசாத் இசையமைத்துள்ளார். பிரம்மாண்ட பொருட்செலவில் உருவாகியுள்ள இப்படம் வரும் நவம்பர் 14ஆம் தேதி வெளியாக தயாராகியுள்ளது. படம் குறித்து ரசிகர்கள் மத்தியில் பெரும் எதிர்பார்ப்பு நிலவி வருகிறது.
படம் வெளிவர இரண்டு வாரங்களே உள்ள நிலையில் தற்போது பட புரமோஷன் சூடு பிடித்துள்ளது. இந்த நிலையில் படத்தின் எடிட்டர் நிஷாத் யூசுப் இன்று உயிரிழந்துள்ளார். 43 வயதான இவர் இன்று காலையில் கொச்சி அருகே பணம்பள்ளியில் உள்ள அவரது அடுக்குமாடி குடியிருப்பில் சடலமாக கண்டெடுக்கப்பட்டார். தகவல் அறிந்த போலீசார் சம்பவ இடத்திற்கு விரைந்து வந்து, நிஷாத் யூசுப் மரணம் குறித்து தீவிர விசாரணை நடத்தி வருகின்றனர்.
நிஷாத், இன்று அதிகாலை 2 மணி அளவில் உயிரிழந்திருக்கலாம் என சந்தேகிக்கப்படுகிறது. கங்குவா படம் வெளியாகும் முன்பே எடிட்டர் நிஷாத் யூசுப் மரணம் நடந்திருப்பது திரையுலகினரை சோகத்தில் ஆழ்த்தியுள்ளது.
கேரளாவைச் சேர்ந்த நிஷாத், மலையாள சூப்பர் ஸ்டார்கள் மோகன்லால் மற்றும் மம்முட்டி நடித்து வரும் படங்களுக்கு எடிட்டராக பணிபுரிந்துள்ளார். கடந்த 2022 ஆம் ஆண்டு தள்ளுமலா என்ற படத்திற்காக கேரள அரசின் சிறந்த எடிட்டர் விருதினை பெற்றவர் என்பது நினைவிருக்கலாம்.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
மோசமான ஆட்சியில் இருந்து விடுபட தமிழ்நாடு துடிக்கிறது: பிரதமர் நரேந்திர மோடி பேச்சு
100 நாள் வேலைத் திட்ட பெயர் மாற்றத்திற்கு எதிராக சட்டசபையில் முதல்வர் மு.க.ஸ்டாலின் தனித்தீர்மானம்
அதிமுக.,வுக்கு பெரும்பான்மை...என்டிஏ 210 இடங்களில் வெற்றி...எடப்பாடி பழனிச்சாமி உறுதி
சிங்கம் வருவதைக் கண்டு, சிறுநரிகள் பயத்தில் பதறுகின்றன: திமுகவை சூசகமாக சாடும் நயினார் நாகேந்திரன்!
மதுராந்தகத்தில் பாஜகவின் ஜல்லிக்கட்டு.. பிரதமர் மோடியின் வருகையும் 2026 தேர்தல் கணக்கும்!
அண்ணன் எடப்பாடி கே.பழனிச்சாமி...டிடிவி தினகரன் பேச்சால் ஆர்ப்பரித்த தொண்டர்கள்
NDA கூட்ட மேடையில் 'மாம்பழம்' சின்னம்: பிரதமர் மோடி முன்னிலையில் விதிமீறல் என ராமதாஸ் கடும் கண்டனம்
நாளை மக்கள் நீதி மய்யம் நிர்வாகக் குழு மற்றும் செயற்குழு கூட்டம்: கமலஹாசன் அறிவிப்பு
பிரதமர் மோடியின் X தளப் பதிவை சுட்டிக்காட்டி முதலமைச்சர் மு.க. ஸ்டாலின் கேள்வி!
{{comments.comment}}