லஞ்ச வழக்கில்.. ஜாமீனில் விடுதலையாகி கொண்டாடித் தீர்த்த பாஜக எம்எல்ஏ.. மீண்டும் கைது!

Mar 28, 2023,12:55 PM IST

பெங்களூரு: கர்நாடக மாநிலம் சென்னகிரி பாஜக எம்எல்ஏ மடல் விருப்பாக்ஷப்பா மீண்டும் கைது செய்யப்பட்டுள்ளார். லஞ்ச வழக்கில் ஏற்கனவே கைதாகி அவர் உடனடியாக ஜாமீனில் விடுவிக்கப்பட்டிருந்தார். அந்த ஜாமீனை கோர்ட் ரத்து செய்ததைத் தொடர்ந்து அவர் மீண்டும் கைது செய்யப்பட்டுள்ளார்.

தாவணகரேவைச் சேர்ந்தவர் மடல் விருப்பாக்ஷப்பா.. இவரது மகன் பிரஷாந்த் மடல். இவர் கர்நாடக நிர்வாக அதிகாரியாக இருக்கிறார். பெங்களூரு குடிநீர் மற்றும் கழிவுநீரகற்றல் வாரியத்தில் அதிகாரியாக இருந்து வருகிறார்.

கடந்த மாதம் பிரஷாந்த் மடல், ரூ. 40 லட்சம் லஞ்சப் பணத்துடன் கையும் களவுமாக லோக்ஆயுக்தா போலீஸாரிடம் சிக்கினார். இந்த வழக்கில் மடல் விருப்பாக்ஷப்பாவும் சேர்க்கப்பட்டு அவர் கைது செய்யப்பட்டார். ஆனால் அவருக்கு தாவணகரே கோர்ட் ஜாமீன் அளித்தது. இதையடுத்து வெளியில் வந்த அவருக்கு அவரது ஆதரவாளர்கள் மிகப் பெரிய வரவேற்பு அளித்து கொண்டாடியபடி வீட்டுக்கு அழைத்துச் சென்றனர். இது மக்களிடையே பெரும் முகச்சுளிப்பை ஏற்படுத்தியது. பாஜகவுக்கும் இது சங்கடத்தைக் கொடுத்தது.

இந்த நிலையில் இவருக்கு அளிக்கப்பட்ட ஜாமீனை ரத்து செய்யக் கோரி கர்நாடக உயர்நீதிமன்றத்தில் மனு செய்யப்பட்டது. இந்த மனுவை விசாரித்த ஹைகோர்ட் நேரில் வருமாறு இவருக்கு சம்மன் அனுப்பியது. நேரில் வந்து அவரும் விளக்கம் அளித்தார். இதன் இறுதியில் அவரது ஜாமீன் ரத்து செய்யப்பட்டது.

இதையடுத்து அவர் மீண்டும் கைது செய்யப்படும் சூழல் உருவானது. ஆனால் கைது நடவடிக்கையிலிருந்து தப்ப அவர் தலைமறைவானார். அவரை போலீஸார் தேடி வந்தனர். இந்த நிலையில் சென்னகிரியிலிருந்து தாணவகரே செல்வதற்காக காரில் போய்க் கொண்டிருந்த அவரை தும்கூரு சாலையில் உள்ள கைத்தசந்திரா டோல் பூத்தில் வைத்து போலீஸார் மடக்கிப் பிடித்துக் கைது செய்தனர்.

அவரை கர்நாடக சோப்பு நிறுவனத்தின் தலைவராக இருந்தபோது நடந்த ஊழல் தொடர்பாக போலீஸார் கைது செய்துள்ளதாக தெரிவிக்கப்பட்டுள்ளது. இந்த நிறுவனத்திற்கு மூலப் பொருட்களை சப்ளை செய்வது தொடர்பாகத்தான் அந்த ரூ. 40 லட்சம் லஞ்சப் பணத்தை தனது மகன் மூலம் வாங்கியிருந்தார் விருப்பாக்ஷப்பா என்பது போலீஸாரின் குற்றச்சாட்டாகும்.

சமீபத்திய செய்திகள்

ஞானச்செறுக்கு நிறைந்த.. பாட்டுப் புலவன்.. முண்டாசுக் கவிஞன் .. பாரதியாரின் நினைவு நாள் இன்று!

பாமகவின் செயல் தலைவர் பதவி அடுத்து யாருக்கு.. டாக்டர் ராமதாஸின் சாய்ஸ் இவரா?

தமிழ்நாட்டை தலைகுனிய விடமாட்டேன்: முதலமைச்சர் மு.க.ஸ்டாலின் உறுதி மொழி ஏற்பு!

தொடர்ந்து 3வது நாளாக மாற்றமின்றி இருந்து வரும் தங்கம், வெள்ளி விலை.... இதோ இன்றைய விலை நிலவரம்!

பாமக வின் அடிப்படை உறுப்பினர் பதவியில் இருந்து அன்புமணி நீக்கம் : டாக்டர் ராமதாஸ் அதிரடி

12 ராசிகளுக்குமான இன்றைய ராசிபலன் செப்டம்பர் 11, 2025... இன்று அன்பு பெருகும்

திமுகவின் விளம்பர நாடகங்களுக்கு, அரசுப்பள்ளிகள் பலிகடா ஆக்கப்படுவது கண்டிக்கத்தக்கது: அண்ணாமலை

திருமண உதவித் திட்டம்: 5,460 தங்க நாணயங்கள் கொள்முதலுக்கு டெண்டர் அறிவிப்பு

முதல் ரவுண்டில் பாதிகூட்டணியை காணோம்..2வதில் டிரைவர் கூட இருப்பாரானு தெரியலை: உதயநிதி ஸ்டாலின்!

லஞ்ச வழக்கில்.. ஜாமீனில் விடுதலையாகி கொண்டாடித் தீர்த்த பாஜக எம்எல்ஏ.. மீண்டும் கைது!

Comments

சமீபத்திய செய்திகள்

அதிகம் பார்க்கும் செய்திகள்