நாக்பூர்: மகாராஷ்டிர மாநிலம் நாக்பூரில், புஷ்பா 2 படம் பார்க்க வந்திருந்த தலைமறைவு கொலையாளி மற்றும் கடத்தல் நபரை போலீஸார் மடக்கிப் பிடித்தனர். இதனால் தியேட்டரில் பரபரப்பு ஏற்பட்டது. இருப்பினும் ரசிகர்களுக்கு எந்தப் பாதிப்பும் இல்லாமல், போலீஸார் வந்த வேலையை சட்டுப்புட்டென்று முடித்து விட்டுக் கிளம்பியதால் ரசிகர்கள் தொடர்ந்து தடங்கல் இல்லாமல் படத்தைப் பார்த்து ரசித்தனர்.
செம்மரக் கடத்தல்காரன் புஷ்பராஜ் குறித்த கதைதான் இந்த புஷ்பா. நிஜக் கடத்தலையும், கற்பனை கதாபாத்திரத்தையும் வைத்துப் புனையப்பட்ட இந்தப் படத்தின் முதல் பாகம் பெரும் வெற்றியைத் தொடர்ந்து, இப்போது இரண்டாவது பாகமும் வெளியாகி அதிரிபுதிரியாக வசூலித்து வருகிறது.
இந்த நிலையில் நாக்பூரில் ஒரு சுவாரஸ்யமான சம்பவம் நடந்துள்ளது. அதாவது புஷ்பா 2 படம் ரிலீஸாகியுள்ள தியேட்டருக்கு படம் பார்க்க வந்த ஒரு போதைப் பொருள் கடத்தல்காரனை போலீஸார் சுற்றி வளைத்துக் கைது செய்துள்ளனர். நாக்பூரைச் சேர்ந்தவர் விஷால் மேஷாராம். இவர் ஒரு கடத்தல்காரர், கொலையாளி.. 27க்கும் மேற்பட்ட வழக்குகள் இவர் மீது உள்ளன. கடந்த ஒரு வருடமாக தலைமறைவாக இருந்து வந்தார்.

நாக்பூரில் உள்ள மல்ட்பிளக்ஸ் தியேட்டரில் புஷ்பா 2திரையிடப்பட்டுள்ளது. இந்தப் படத்தைப் பார்க்க விஷால் வருவதாக போலீஸாருக்குத் தகவல் கிடைத்தது. இதையடுத்து தியேட்டரில் போலீஸார் சாதாரண உடையில் குவிக்கப்பட்டனர். விஷாலும் படம் பார்க்க வந்தார். உள்ளே வந்த நபர் வெளியில் தப்பி விடாதபடி சுற்றிலும் அலர்ட் செய்த பின்னர் தியேட்டருக்குள் புகுந்த போலீஸார் ஜாலியாக படம் பார்த்து ரசித்துக் கொண்டிருந்த விஷாலை அப்படியே கொத்தாக தூக்கிக் கொண்டு வெளியே வந்தனர்.
புஷ்பராஜை ஜாலியாக என்ஜாய் செய்து கொண்டிருந்த ரசிகர்கள், தங்களுடன் நிஜமான ஒரு கடத்தல்காரன் படம் பார்த்து ரசித்தது பரபரப்பை ஏற்படுத்தியது. ஆனால் ரசிகர்களுக்கு எந்தப் பிரச்சினையும் இல்லாமல் போலீஸார், விஷாலை வெளியே கூட்டிக் கொண்டு போய் விட்டனர்.
கைது செய்யப்பட்ட விஷால் பயங்கரமான கிரிமினலாம். போலீஸாரைக் கூட பல தருணங்களில் தாக்கியுள்ளாராம். கொடூரமான கேங்ஸ்டர் என்றும் சொல்கிறார்கள். ஒரு வேளை புஷ்பராஜின் டெக்னிக்ஸ் எதையாவது கற்றுக் கொள்ளலாம் என்று விஷால் மேஷாராம் தியேட்டருக்கு வந்தாரோ என்னவோ!
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சோனியா புத்தக விழா: ராகுல் காந்தி தொலைபேசி அழைப்பை ஏற்க மு.க.ஸ்டாலின் மறுத்தாரா? – திமுக விளக்கம்
கொளத்தூர் எம்எல்ஏ வி.எஸ்.பாபு உடல்நிலை: தகவல் வெளியிடக் கோரி சென்னை ஐகோர்ட்டில் வழக்கு
தமிழகத்தில் புதிதாக டாஸ்மாக் கடைகளைத் திறக்கக் கூடாது: உயர் நீதிமன்ற மதுரை அமர்வு அதிரடி உத்தரவு
திசை மாறிய அக்வான் புயல் :தமிழ்நாட்டிற்கு விடுக்கப்பட்ட மஞ்சள் அலர்ட் வாபஸ்
பண மோசடி வழக்கு: திமுக முன்னாள் அமைச்சர் அன்பில் மகேஸின் நீதிமன்றக் காவல் நீட்டிப்பு!
வறுமையின் கண்ணீரில் மலர்ந்த நம்பிக்கை.. வேரில் இருந்து விழுது வரை- (6)
'அக்வான்' புயல்: மசூலிப்பட்டினம்-பூரி இடையே கரையைக் கடக்கும் வானிலை மையம் தகவல்
தங்கை – பிறக்காத உறவிலும் பூத்த பாசம்.. ரம்யாவின் கவிதைத் தோட்டம் (16)
ஊழல் குற்றச்சாட்டு எதிரொலி: மங்கோலியா அதிபர் உக்னாகின் குரேல்சுக் திடீர் பதவி விலகல்!
{{comments.comment}}