- கவிஞர் க.யாஸ்மின் சிராஜுதீன்

வணக்கம் நண்பர்களே 

வாங்க ...! புரட்டாசி மாதத்தையொட்டி ஒரு ஸ்பெஷல் டிஷ் இன்று பார்க்கப் போகிறோம். அதுதாங்க, வெண்டைக்காய் சாம்பார். சுவையாகவும் எளிதாகவும் வீட்டிலேயே செய்யலாம்.

தேவையான பொருட்கள்

1. வெண்டைக்காய் 

2. துவரம் பருப்பு 

3. வெங்காயம் 

4. தக்காளி 

5. புளி – சிறிய எலுமிச்சை அளவு

6.சாம்பார் பொடி 

7. மஞ்சள் தூள்

8. உப்பு 

9. எண்ணெய்

10. கடுகு 

11. வெந்தயம் 

12. கறிவேப்பிலை, 

13 கொத்தமல்லி 

செய்முறை

துவரம் பருப்பைக் கழுவி, மஞ்சள் தூள் கால் டீஸ்பூன்  , வெங்காயம் 1 ,தக்காளி 1 ,பூண்டு 4 பல் ,சீரகம் அரை டீஸ்பூன்  மற்றும் தேவையான தண்ணீர் சேர்த்து குக்கரில் நன்றாக வேகவைக்கவும். பின்னர் வெண்டைக்காயைக் கழுவி சிறு சிறு  துண்டுகளாக நறுக்கவும். 

கடாயில் எண்ணெய் ஊற்றி வெண்டைக்காயை ஒட்டும் தன்மை குறையும் வரை வதக்கவும். வெண்டைக்காயைத் தனியாக வதக்கினால் சாம்பார் பிசுபிசுப்பாக இருக்காது. அதன்பின் கடாயில் எண்ணெய் ஊற்றி கடுகு, வெந்தயம், கறிவேப்பிலை தாளிக்கவும். வெங்காயம், தக்காளி சேர்த்து வதக்கவும்.

பின்னர் புளிக்கரைசல், சாம்பார் பொடி (இல்லையென்றால் தனி மிளகாய் பொடி), உப்பு சேர்த்து வேகவைத்த பருப்பை நன்றாக கடைந்து  சேர்த்து கொதிக்க விடவும் பின்னர் வதக்கிய வெண்டைக்காயைச் சேர்த்து 5–10 நிமிடங்கள் கொதிக்கவிடவும்.

இறுதியில் கொத்தமல்லி, பெருங்காயம்  தூவி இறக்கவும். கடைசியில் சிறிதளவு நெய் சேர்த்தால் மணமும் சுவையும் அதிகரிக்கும்.

வெண்டைக்காய் சாம்பார் ரெடி 

சூடாக பரிமாறவும் 

அருமையாக இருக்கும்!

(கவிஞர் க.யாஸ்மின் சிராஜூதீன் இடைநிலை ஆசிரியர். ஊராட்சி ஒன்றிய நடுநிலைப்பள்ளி கரடிக்குப்பம். மேல்மலையனூர் ஒன்றியம் விழுப்புரம் மாவட்டத்தைச் சேர்ந்தவர்.  26.09.2014 முதல் இடைநிலை ஆசிரியராக 11 ஆண்டுகளாக பணியாற்றி வருகிறார். 2 ஆண்டுகளாக கவிதை, சிந்தனை துளிகள், சிறுகதை, வகுப்பறைக்கு பாடங்கள் தொடர்பான பாடல்கள் எழுதி வருகிறார். பிரதிலிபி தளத்தில் கவிதைகளைப் பதிவிட்டு வருகிறார். தொடுவானம் கவிதை குழுமம் நடத்தும்  whatsApp வழியாக  கவிதை எழுதும் போட்டியில் தொடர்ந்து கவிதை எழுதி வருகிறார்)