செக்கர் வானம் (செவ்வானம்)
- அ. தாமஸ்
கடலிடம் நீர் சொரிந்து தரணிக்கு நீர்வார்க்கும் நீர்க்கூரை நீ!
தானாய் ஒளிரும் சூரியனையும், ஒளியை உறிஞ்சி உமிழும் நிலவையும்
தனதாக்கி வெள்ளொளி பரப்பிய மேகங்கள் விளையாடும் விரிந்த விளையாட்டுத் திடல் நீ!
கடலுக்கு பல வண்ணம் வழங்கும் வண்ணப் பெட்டகம் நீ!
காலையும் மாலையும் மேனி சிவந்து வண்ணங்களால் வர்ணஜாலம் புரியும் அழகோவியம் நீ!
கரைந்திடும் பல மேகக் காட்சிகளால் பலர் கனவில் உதித்து நினைவில் நிலைப்பவள் நீ!
ஆதவன் உதிக்கையில் அன்போடு அழைப்பதும் ,ஆதவன் மறைகையில் செந்நீரை விதைப்பதும் நீ!
வெள்ளிக் கம்பியாய் விழுந்திடும் மழையை தங்கக் கம்பியாய் காட்சிப்படுத்துபவள் நீ!
உயரே இருந்து உலகை உற்று நோக்கி அதன் உணர்வுகளை உள்ளுக்குள் வைத்து அமைதியாய் கடந்து செல்பவள் நீ!
தனியாய் செல்லும் பலருக்கும் துணையாய் நான் இருக்கிறேன் என்று தோள் கொடுப்பவள் நீ!
தொடும் வரை தூரப் போகிறாய் தொட்டுவிட்டால் என்னுள் ஈரமாகிறாய் நீ!
நான் நினைப்பதை என் கண்முன்னே அடையாளப்படுத்துபவள் நீ!
கவலையோடு காண்பவருக்கு உன்னைக் கரைத்து அவர்களின் கவலை கரைப்பவள் நீ!
உன் இணையோடு கூடி மேகத்தைப் பெறாமல் இடியைப் பெற்றவள் நீ!
மானுடம் தூசியை வழங்கினாலும் அவர்களுக்கு நன்னீராக ஆசி வழங்குபவள் நீ!
நிலவை மறைப்பவளும் அதனைக் கரையாமல் காப்பவளும் நீ!
வெறுமையும் செழுமையும் மாறி மாறிப் புகட்டி வாழ்வியல் தத்துவம் விளக்குபவள் நீ!
நிழலைக் கொடுத்து அமைதியையும், வெயிலைக் கொடுத்து ஆக்ரோசத்தையும் அடையாளப்படுத்துபவள் நீ!
காலை முதல் மாலை வரை உன் வண்ணம் மாறினாலும் எண்ணம் மாறாமல் மானுடம் காப்பதில் கருத்தாய் இருப்பவள் நீ!
(அ.தாமஸ் MSc, Bed, MPhil, MSc(psycho), Fscp(psycho), ஆசிரியர், வாணி கிராமம், சிவகங்கை மாவட்டம்)
சமீபத்திய செய்திகள்
Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்
தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!
ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!
எம்.ஜி.ஆருடன் உலகம் சுற்றும் வாலிபன் படத்தில் நடித்து பிரபலமான.. தாய்லாந்து நடிகை மரணம்!
சென்னையில் உச்ச நீதிமன்ற கிளை அமைக்க வேண்டும்: பிரதமர் மோடிக்கு முதல்வர் விஜய் கடிதம்!
2027 உத்திரப் பிரதேச சட்டசபை தேர்தலில் போட்டியிட மாட்டேன்: அகிலேஷ் யாதவ் அதிரடி அறிவிப்பு!
அதிரடியாக உயர்ந்த தங்கம் விலை: சவரன் ரூ.1,04,800-ஐ தொட்டது! அதிர்ச்சியில் மக்கள்
டாஸ்மாக் கடைகளில் காலி பாட்டில்களை ஒப்படைத்தால் வங்கிக் கணக்கில் ரூ.10 வரவு
அமெரிக்க நாடாளுமன்றத்தின் செனட் மற்றும் பிரதிநிதிகள் சபையை கைப்பற்றியது ஜனநாயக கட்சி!
{{comments.comment}}