பிரதமர் நரேந்திர மோடி முன்னிலையில்.. டெல்லி முதல்வராக பதவியேற்றார் ரேகா குப்தா.. பாஜகவினர் உற்சாகம்
டெல்லி: டெல்லியின் முதல்வராக பிரதமர் நரேந்திர மோடி முன்னிலையில் இன்று பதவியேற்றார் ரேகா குப்தா. இவருக்கு துணைநிலை ஆளுநர் வி.கே.சக்சேனா பதவிப்பிரமாணம் செய்து வைத்தார்.
70 தொகுதிகளை கொண்ட டெல்லி சட்டமன்ற தேர்தலில் கடந்த பிப்ரவரி 5ஆம் தேதி நடைபெற்றது. இதில் பாஜக பெரும்பான்மைக்கு அதிகமாக 48 இடங்களில் வெற்றி பெற்று ஆட்சியை கைப்பற்றியது. இதனைத் தொடர்ந்து முன்னாள் முதல்வர் அரவிந்த் கெஜ்ரிவாலை தோற்கடித்த பர்வேஷ் வர்மா, அடுத்த டெல்லியின் முதல்வராக வாய்ப்பு இருப்பதாக தகவல்கள் வெளிவந்தன. இருப்பினும் உடனடியாக முதல்வர் தேர்வு செய்யப்படாமல் இருந்து வந்தது.
இந்த நிலையில் டெல்லியில் நேற்று முதல்வரை தேர்வு செய்வதற்கான ஆலோசனை கூட்டம் நடைபெற்றது. இதில் பாஜகவின் மூத்த தலைவர்கள் மற்றும் எம்எல்ஏக்கள் பலர் கலந்து கொண்டனர். அப்போது எம்எல்ஏக்கள் ஒருமனதாக ஷாலிமார்பாக் தொகுதியில் வெற்றி பெற்ற ரேகா குப்தாவை முதல்வர் வேட்பாளராகத் தேர்வு செய்தனர். பாஜக சார்பில் சுஷ்மா சுவராஜுக்குப் பிறகு, ரேகா குப்தா, டெல்லி முதல்வராகும் 2வது பெண் தலைவர் என்பது குறிப்பிடத்தக்கது. அதேபோல் டெல்லியின் நான்காவது பெண் முதல்வர் என்பதும் குறிப்பிடத்தக்கது.
27 வருடங்களுக்குப் பிறகு டெல்லியில் மீண்டும் ஆட்சியை பிடித்த பாஜக சார்பில் முதல்வர் பதவிக்கு தேர்வு செய்யப்பட்ட ரேகா குப்தா இன்று பிரதமர் நரேந்திர மோடி, மத்திய உள்துறை அமைச்சர் அமித்ஷா, ஜே பி நட்டா, ஆகியோர் முன்னிலையில் டெல்லியின் முதல்வராக பதவியேற்றார். துணைநிலை ஆளுநர் வி.கே.சக்சேனா பதவிப்பிரமாணம் செய்து வைத்தார்.
இந்த நிகழ்ச்சியில் ஆயிரக்கணக்கான பாஜகவினர் கலந்து கொண்டு வாழ்த்து தெரிவித்து மகிழ்ந்தனர்.
சமீபத்திய செய்திகள்
Trisha: போதுமா.. இன்னும் ஏதாவது பாக்கி இருக்கா?.. வதந்திகளுக்கு த்ரிஷா கொடுத்த பதிலடி
ஐபிஎல் டி20 கிரிக்கெட் 2026 : ராஜஸ்தான் ராயல்ஸ் - மும்பை இந்தியன்ஸ் அணிகள் இன்று மோதல்
சுத்தம் சுகாதார வாழ்வைத் தரும்.. உலக சுகாதார தினம்!
ஐபிஎல் கிரிக்கெட் ரசிகர்களுக்கு குட்நியூஸ்...சென்னை போட்டியை மாற்றக்கோரிய வழக்கு தள்ளுபடி
முதல்வர் மு.க.ஸ்டாலின், உதயநிதி ஸ்டாலின், விஜய் (பெரம்பூர்), நயினார் நாகேந்திரன் வேட்புமனு ஏற்பு
TN Assembly Elections: தமிழ்நாடு சட்டசபை தேர்தல் 2026.. 7150 பேரின் வேட்பு மனுக்கள் இன்று பரிசீலனை
பெரம்பூர் தொகுதியில் விஜய்க்கு செக்? 'விஜய்', 'ஜோசப்' பெயர்களில் 4 சுயேட்சைகள் போட்டி
புயலில் மலரும் பூக்கள்.. சாதனை எழுத்தாளர் கோ. லதாவுக்கு சென்னையில் பாராட்டு!
புதுச்சேரி, அசாம், கேரளா சட்டசபை தேர்தல் 2026: இன்றுடன் பிரச்சாரம் ஓய்கிறது
{{comments.comment}}