ஆயிரக்கணக்கில் வேலையை விட்டு விரட்டிட்டு.. சுந்தர் பிச்சைக்கு மட்டும் சம்பளத்தைப் பார்த்தீங்களா?

Apr 22, 2023,03:53 PM IST

கலிபோர்னியா: ஆல்பாபெட் நிறுவன தலைமை செயலதிகாரி சுந்தர் பிச்சைக்கு 2022ம் ஆண்டு மிகப் பெரியஅளவில் சம்பளம் கிடைத்துள்ளது. ஒரு நடுத்தர ஊழியருக்குக் கொடுக்கப்படும் சம்பளத்தை விட 800 மடங்கு அதிகமாகும்.

கூகுள் நிறுவனத்தின் தாய் நிறுவனம்தான் ஆல்பாபெட். இதன் செயலதிகாரியாக இருப்பவர் சுந்தர் பிச்சை. இவருக்கான 2022ம் ஆண்டு சம்பளம் குறித்த விவரங்கள் வெளியாகியுள்ளன.அதன்படி சுந்தர் பிச்சை 2022ம் ஆண்டு மொத்தமாக 1640 கோடியே 81 லட்சத்து 70 ஆயிரம் தொகையை சம்பளமாக பெற்றுள்ளார்.

கூகுள் நிறுவனம் உலகம் முழுவதும் உள்ள தனது கிளைகளில் மிகப் பெரிய அளவில் பணியாளர்களை நீக்கி வருகிறது. 12,000 பேரை வேலையை விட்டு நீக்குவதாக கடந்த ஜனவரி மாதம் அறிவித்தது. கலிபோர்னியாவில் உள்ள தலைமை அலுவலகம், இந்தியா உள்ளிட்ட பிற நாடுகளில் உள்ள அலுவலங்கள் என எல்லா இடத்திலும் ஆட்கள் நீக்கப்பட்டு வருகிறார்கள். இந்த நிலையில் சுந்தர் பிச்சைக்கு மிகப் பெரிய சம்பளம் தரப்பட்டிருக்கும் தகவல் வெளியாகியுள்ளது.

சம்பளப் பிரச்சினை, வேலை நீக்கம் உள்ளிட்டவற்றைக் கண்டித்து கடந்த மாதம் லண்டனில் உள்ள கூகுள் நிறுவனப் பணியாளர்கள் நூற்றுக்கணக்கில் வெளியேறினார்கள் என்பது நினைவிருக்கலாம். அதேபோல ஜூரிச் நகரில் உள்ள 200 பணியாளர்கள் வேலைநீக்கம் செய்யப்பட்டதைக் கண்டித்த இதர பணியாளர்கள் வெளியேறினர். இந்த நிலையில் சுந்தர் பிச்சை சம்பளம் குறித்த தகவல் மேலும் சலசலப்பை அதிகரிக்கும் என்று எதிர்பார்க்கப்படுகிறது.

சமீபத்திய செய்திகள்

என்னை இப்படி தேவையில்லாமல் புகழாதீர்கள்.. செனாப் பாலம் புகழ் மாதவி லதா வேண்டுகோள்!

தமிழகத்தில் எந்தந்த மாவடங்களுக்கு ரெட் அலர்ட்... ஆரஞ்சு அலர்ட் தெரியுமா?

பூனைக் கண்ணை மூடிக்கொண்டுவிட்டால் உலகம் இருண்டுவிடுமா என்ன? அமைச்சர் தங்கம் தென்னரசு கேள்வி!

பாமக ஒருங்கிணைந்த மாவட்ட பொதுக்குழு: அன்புமணி அறிவிப்பு!

ஒருங்கிணைந்த கல்வித் திட்ட நிதி... உறங்கி கோட்டை விட்ட தமிழக அரசு: டாக்டர் அன்புமணி ராமதாஸ்!

குற்றச்சாட்டுகளை வைக்கும் பாஜக முதலில் தனது முதுகை திரும்பி பார்க்க வேண்டும் : அமைச்சர் சேகர்பாபு

டிமார்ட் நிறுவனத்தின் பெயரில் போலி வெப்சைட் மோசடி.. மக்களே உஷாரா இருங்க

11 ஆண்டு பாஜக ஆட்சியில் இந்தியாவின் வளர்ச்சி அபரிமிதம்.. பிரதமர் மோடி பெருமிதம்

ராஜ்யசபா தேர்தல்: எம்பி., ஆகிறார் கமல்ஹாசன்...அதிமுக, திமுக வேட்பாளர்கள் மனு ஏற்பு

ஆயிரக்கணக்கில் வேலையை விட்டு விரட்டிட்டு.. சுந்தர் பிச்சைக்கு மட்டும் சம்பளத்தைப் பார்த்தீங்களா?

Comments

சமீபத்திய செய்திகள்

அதிகம் பார்க்கும் செய்திகள்