டி20 உலகக் கோப்பை 2026: அரையிறுதி வாய்ப்பு யாருக்கு? வாழ்வா-சாவா போரில் இந்தியா-மேற்கிந்திய தீவுகள்

Mar 01, 2026,06:58 PM IST

கொல்கத்தா: ஐசிசி ஆடவர் டி20 உலகக் கோப்பை 2026 தொடரின் சூப்பர் 8 சுற்றில் இன்று மிகவும் எதிர்பார்க்கப்படும் முக்கியமான ஆட்டம் கொல்கத்தா ஈடன் கார்டன்ஸ் மைதானத்தில் நடைபெறுகிறது. இந்தப் போட்டியில் சூர்யகுமார் யாதவ் தலைமையிலான இந்திய அணி, பலம் வாய்ந்த மேற்கிந்திய தீவுகள் அணியை எதிர்கொள்கிறது.

டாஸ் வென்ற இந்திய கேப்டன் சூர்யகுமார் யாதவ், முதலில் பந்துவீச்சைத் தேர்வு செய்துள்ளார். இரவு நேரத்தில் பனிப்பொழிவு இருக்கக்கூடும் என்பதால், இலக்கை விரட்டுவது எளிதாக இருக்கும் எனக் கருதி இந்த முடிவை எடுத்துள்ளதாக அவர் தெரிவித்தார்.

இந்தப் போட்டியின் முடிவு மிகவும் முக்கியமானது. காரணம் இதில் வெல்லும் அணி அரை இறுதிக்குத் தகுதி பெறும். தோற்றால் வீட்டுக்குப் போக வேண்டும். இந்தியா வெற்றி பெற்றால் நேரடியாக அரையிறுதிக்குத் தகுதி பெற்று, அடுத்த சுற்றில் இங்கிலாந்தை எதிர்கொள்ளும்.

மேற்கிந்திய தீவுகள் வெற்றி பெற்றால் இந்தியா தொடரிலிருந்து வெளியேறும், மேற்கிந்திய தீவுகள் அரையிறுதிக்கு முன்னேறும்.

ஏற்கனவே இந்தப் பிரிவில் இருந்து தென்னாப்பிரிக்கா அரையிறுதிக்குத் தகுதி பெற்றுவிட்டது குறிப்பிடத்தக்கது.

இந்திய அணி:

இந்திய அணி கடந்த போட்டியில் விளையாடிய அதே வீரர்களுடன் களமிறங்குகிறது. அபிஷேக் சர்மா மற்றும் இஷான் கிஷன் அதிரடி தொடக்கத்தைத் தருவார்கள் என எதிர்பார்க்கப்படுகிறது.

சஞ்சு சாம்சன், அபிஷேக் சர்மா, இஷான் கிஷன், சூர்யகுமார் யாதவ், ஹர்திக் பாண்டியா, திலக் வர்மா, ஷிவம் துபே, அக்சர் படேல், அர்ஷ்தீப் சிங், வருண் சக்கரவர்த்தி, ஜஸ்பிரித் பும்ரா.

மேற்கிந்திய தீவுகள் அணி:

அந்த அணியில் ஒரு மாற்றம் செய்யப்பட்டுள்ளது. பிராண்டன் கிங்கிற்குப் பதிலாக சுழற்பந்து வீச்சாளர் அகீல் ஹொசைன் சேர்க்கப்பட்டுள்ளார்.

ஷாய் ஹோப், ரோஸ்டன் சேஸ், ஷிம்ரான் ஹெட்மையர், ரோவ்மேன் பவல், ஷெர்பேன் ரூதர்ஃபோர்ட், ரொமாரியோ ஷெப்பர்ட், ஜேசன் ஹோல்டர், மேத்யூ ஃபோர்டு, அகீல் ஹொசைன், குடாகேஷ் மோட்டி, ஷமார் ஜோசப்.

டி20 உலகக் கோப்பை வரலாற்றில் மேற்கிந்திய தீவுகள் அணி இந்தியாவுக்கு கடும் சவாலாக இருந்துள்ளது. இதுவரை மோதிய போட்டிகளில் மேற்கிந்திய தீவுகள் 3 முறையும், இந்தியா 1 முறையும் வெற்றி பெற்றுள்ளன. இன்றைய போட்டியில் இந்தியா அந்த வரலாற்றை மாற்றி எழுதுமா என்பதைப் பொறுத்திருந்து பார்ப்போம்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

டி20 உலகக் கோப்பை 2026: அரையிறுதி வாய்ப்பு யாருக்கு? வாழ்வா-சாவா போரில் இந்தியா-மேற்கிந்திய தீவுகள்

Iran Flashback: அயதுல்லா கொமேனி யார் தெரியுமா?.. ஈரானுக்கும் இந்தியாவுக்கும் இடையே உள்ள லிங்க்!

25 சீட் கொடுக்க முன்வந்தது திமுக.. அதில் எங்களுக்கு உடன்பாடு இல்லை.. கிரிஷ் சோடங்கர்

Iran Vs Israel : ஒரு காலத்தில் ஈரான் - அமெரிக்கா - இஸ்ரேல் நல்ல தோஸ்த் தெரியுமா?

Khamenei Assasination: விரைவில் வரலாறு காணாத கொடூரத் தாக்குதல்.. ஈரான் எச்சரிக்கை

முதல்வர் மு.க.ஸ்டாலின் பிறந்தநாள்: வாழ்த்துவதில் முந்திய பிரதமர் மோடி.. லேட்டாக வந்த ராகுல் காந்தி!

Poem: அதிகாரத்தின் குழந்தை.. ஆனாலும் எளிமையின் அடையாளம்.. முதல்வர் மு.க.ஸ்டாலின்!

திமுக-காங்கிரஸ் தொகுதிப் பங்கீடு: எங்களுக்குள் எந்தப் பிரச்சனையும் இல்லை - செல்வப்பெருந்தகை உறுதி!

களை கட்டும் மதுரை.. நாளை வருகிறார் பிரதமர் நரேந்திர மோடி.. பரபரக்கும் பாஜக பிரச்சாரம்

டி20 உலகக் கோப்பை 2026: அரையிறுதி வாய்ப்பு யாருக்கு? வாழ்வா-சாவா போரில் இந்தியா-மேற்கிந்திய தீவுகள்

Comments

சமீபத்திய செய்திகள்

அதிகம் பார்க்கும் செய்திகள்