மேடையை அதிர வைத்த "நாக்கு முக்க".. சிலிர்த்துப் போய்.. விழி விரிய வியந்து பார்த்த அமெரிக்கர்கள்!
கலிபோர்னியா: அமெரிக்காவின் பிரபலமான அமெரிக்கா ஹாஸ் காட் டேலன்ட் நிகழ்ச்சியில், தமிழில் பல வருடங்களுக்கு முன்பு ஹிட்டடித்த, நாக்கு முக்க பாடல் ஒலித்து அரங்கத்தையே அதிர வைத்து விட்டது.
இந்தியாவைச் சேர்ந்த வி அன்பீட்டபிள் நடனக் குழுவினர்தான் இந்த தமிழ்ப் பாடலுக்கு நடனமாடி அமெரிக்கர்களை வியப்பில் ஆழ்த்தி விட்டனர். இப்படி ஒரு அதிரடியான பீட்டில் ஒரு தமிழ்ப் பாடலா என்று அவர்களுக்கு பெரிய சர்ப்பிரைஸ் ஆகி விட்டது.
2007ம் ஆண்டு வெளியான, காதலில் விழுந்தேன் படத்துக்காக விஜய் ஆண்டனி இசையமைப்பில் உருவான பாடல்தான் இந்த நாக்கு முக்க.. மிகப் பெரிய அளவில் இளைஞர்களைக் கட்டிப் போட்டு ஆட்டம் காட்டிய பாடல் இது. இந்தப் பாடலைத்தான் இப்போது அமெரிக்காவில் அதிர விட்டுள்ளனர் வி அன்பீட்டபிள் குழுவினர்.
'America's Got Talent: Fantasy League 2024' டேலன்ட் நிகழ்ச்சியில் இந்தியாவிலிருந்து வி அன்பீட்டபிள் குழு பங்கேற்றுள்ளது. இந்தக் குழுவினர், தங்களுக்கான நிகழ்ச்சியின்போது நாக்கு முக்க பாடலுக்கு நடனமாடினர்.
மும்பையைச் சேர்ந்த நடனக்குழுதான் இந்த வி அன்பீட்டபிள். சர்வதேச அளவில் கவனம் ஈர்த்து வருகிறது இந்தக் குழு. 2019ம் ஆண்டு இந்த நடனக் குழுவுக்கு சர்வதேச கவனிப்பு கிடைத்த நிலையில், 2020ம் ஆண்டு, 'America's Got Talent: The Champions' போட்டியில் பட்டம் கிடைத்தது நினைவிருக்கலாம்.
இந்த நிலையில் தற்போது 'America's Got Talent: Fantasy League' போட்டியில் அவர்கள் பங்கேற்றுள்ளனர். ஜனவரி 1ம் தேதி இந்த நிகழ்ச்சியில் அவர்களது நடனம் இடம் பெற்றது. இப்போது இந்த நடன நிகழ்ச்சி அடங்கிய வீடியோ காட்சி வைரலாகப் பரவி வருகிறது.
சமீபத்திய செய்திகள்
சிறுநீரக கற்களைத் தடுக்கலாம்.. கவலைப்படாம.. இதைக் கொஞ்சம் பாலோ பண்ணிப் பாருங்க
இங்கிலாந்து சென்று தந்தை பெரியாரின் படத்தை திறந்து வைக்க போகிறேன்: முதல்வர் முக ஸ்டாலின் பெருமிதம்!
தேர்தலில் வெற்றி பெற்று ஆட்சியை தக்க வைக்க.. திமுக கையில் இருக்கும் 4 மேட்டர்!
தொடர் உயர்வில் தங்கம் விலை... இன்று மட்டும் சவரனுக்கு ரூ.520 உயர்வு!
ஒரே படம்தான்..ஹீரோவானார் டூரிஸ்ட் பேமிலி இயக்குநர் அபிஷன் ஜீவிந்த்..சௌந்தர்யா ரஜினிகாந்த் தயாரிப்பு!
டிரம்ப் வரியால் விபரீதம்..பங்குச் சந்தை முதலீட்டாளர்களுக்கு..2 நாட்களில் ரூ. 9.69 லட்சம் கோடி இழப்பு
திமுக - தேமுதிக கூட்டணிக்கு வேட்டு வைக்குமா.. தனலட்சுமி சீனிவாசன் கிட்னி முறைகேடு விவகாரம்?
12 ராசிகளுக்குமான இன்றைய ராசிபலன் ஆகஸ்ட் 29, 2025... இன்று இவர்களின் வாழ்க்கையே மாற போகுது
அமெரிக்க வரி விதிப்பின் எதிரொலியாக.... ரூ.3000 கோடி ஏற்றுமதி பாதிப்பு: முதல்வர் மு.க. ஸ்டாலின்!
{{comments.comment}}