சென்னை: தங்கம் விலை நேற்று உயர்ந்து இருந்த நிலையில், இன்று விலை குறைந்திருக்கிறது. இன்று மட்டும் சவரனுக்கு ரூ.160 குறைந்துள்ளது. கடந்த ஒரு வார காலமாகவே தங்கம் விலை ஏற்ற இறக்கத்துடனேயே உள்ளது.

நாட்டில எல்லா விலைவாசியும் தாறுமாறாதான் ஏறிக்கிட்டிருக்கு. சரி தங்கம் விலை எப்படி இருக்கும்னு ரேட் பட்டியலை எட்டிப் பார்த்தா... அட ஆமாம் மக்களே தங்கம் விலையும் குறைந்திருக்கு. அதுவும் தை மாத்தில் தங்கம் விலை குறைந்திருப்பது "மெடிக்கல் மிராக்கிள்"தான். அப்பாடா என்று சொல்லும் அளவுக்கு கொஞ்சம் நல்லாவே விலை குறைஞ்சிருக்குங்க.

இந்த மாதம் கல்யாண முகூர்த்தம் வேற நிறைய இருக்கும் என்பதால், தங்கம் விலை குறைவு அனைத்து தரப்பிரையும் மகிழ்ச்சியில் ஆழ்த்தியுள்ளது. நகை கடைகளிலும் கூட்டம் சற்று அதிகமாக தான் உள்ளது.

இன்றைய தங்கத்தின் விலையை பொருத்தவரை,  ஒரு கிராம் 22 கேரட் ஆபரண தங்கத்தின் விலை 5870 ரூபாயாக உள்ளது. இது நேற்றைய விலையில் இருந்து 160 ரூபாய் குறைந்துள்ளது. 8 கிராம் ஆபரண தங்கத்தின் விலை 46960 ரூபாயாக உள்ளது.  1 கிராம் 24 கேரட் தங்கத்தின் விலை 6404 ரூபாயாக உள்ளது. இது நேற்றைய விலையில் இருந்து 21 ரூபாய் குறைவாகும்.  8 கிராம் 24 கேரட்டின் விலை ரூ.51232 ஆக உள்ளது.

வெள்ளியும் குறைஞ்சிருக்கு மக்களே

தங்கம் விலை குறைந்துள்ள நிலையில், வெள்ளி விலையும் குறைந்துள்ளது.ஒரு கிராம் வெள்ளியின் விலை ரூபாய் 77 ஆக  உள்ளது. 8 கிராம் வெள்ளி விலை ரூபாய் 616 காசாக உள்ளது. 10 கிராம் வெள்ளியின் விலை ரூ. 770 ஆக இருக்கிறது.

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு,சர்வதேச அரசியல் சூழல் ஆகியவற்றின் காரணத்தினால் தங்கம் விலை ஏற்ற இறக்கத்தில் இருப்பதாக  நிபுணர்கள் தெரிவித்து  வருகின்றனர். இந்த விலை குறைவு பண்டிகையை முன்னிட்டு நகை வாங்குபவர்களிடையே மகிழ்ச்சியை ஏற்படுத்தி வருகிறது.