சென்னை: வங்கக்கடலில் மீண்டும் புதிய காற்றழுத்த தாழ்வு பகுதி வரும் 22ஆம் தேதி உருவாக வாய்ப்புள்ளதாக இந்திய வானிலை ஆய்வு மையம் எச்சரிக்கை விடுத்துள்ளது. இந்த நிலையில் அடுத்த 3 மணி நேரத்தில் 7 மாவட்டங்களில் மிதமான மழை பெய்ய வாய்ப்பிருப்பதாக வானிலை ஆய்வு மையம் தெரிவித்துள்ளது.
வங்கக்கடலில் உருவான காற்றழுத்த தாழ்வு பகுதியால் சென்னை முழுவதும் நேற்று முன்தினம் மிக கனமழை முதல் அதி கனமழை வரை கொட்டி தீர்த்தது. இது தவிர தமிழ்நாட்டில் பிற மாவட்டங்களிலும் ஒரு சில இடங்களில் கன மழை பெய்தது. இதனைத் தொடர்ந்து இந்த காற்றழுத்த தாழ்வு பகுதி வலுவிழந்து நேற்று தான் கரையை கடந்துள்ள நிலையில் தற்போது மீண்டும் ஒரு புதிய காற்றழுத்த தாழ்வு பகுதி உருவாக வாய்ப்புள்ளதாக இந்திய வானிலை ஆய்வு மையம் அறிவிப்பு வெளியிட்டிருந்தது.
அதன்படி, வடக்கு அந்தமான் கடல் பகுதிகளில் வரும் 20ஆம் தேதி வளிமண்டல சுழற்சி உருவாக உள்ளது. இந்த சுழற்சியின் காரணமாக, மத்திய வங்கக்கடல் பகுதிகளில் வரும் அக்டோபர் 22ஆம் தேதி குறைந்த காற்றழுத்த தாழ்வு பகுதியாக உருவாக வாய்ப்புள்ளதாம். இந்த குறைந்த காற்றழுத்த தாழ்வு பகுதி உருவான பிறகு வடமேற்கு திசையில் நகர்ந்து மேலும் வலுவடையும் என கணித்துள்ளது.
இன்று மழை:
தமிழ்நாட்டில் சென்னை,திருவள்ளூர், செங்கல்பட்டு, காஞ்சிபுரம்,ஆகிய மாவட்டங்களில் இன்று இடி மின்னலுடன் கூடிய மிதமான மழைக்கு வாய்ப்புள்ளது. அதேபோல் திருப்பூர், விழுப்புரம், கடலூர், ராணிப்பேட்டை, வேலூர், ஆகிய மாவட்டங்களில் லேசானது முதல் மிதமானது வரை மழை பெய்ய வாய்ப்புள்ளதாகவும் தெரிவித்துள்ளது.
கேரளா மற்றும் அதனை ஒட்டிய லட்சத்தீவு பகுதிகள், கர்நாடகாவில் ஓரளவுக்கு பரவலாக மிதமான மழைக்கு வாய்ப்புள்ளது . அதேபோல் ஆந்திரா மற்றும் தெலங்கானாவிலும் லேசான மழைக்கு வாய்ப்புள்ளதாகவும் தெரிவித்துள்ளது.
அடுத்த 3 மணி நேரத்தில்
அடுத்த 3 மணி நேரத்தில் அதாவது பிற்பகல் 1 மணி வரையிலான காலகட்டத்தில், சென்னை, திருவள்ளூர், காஞ்சிபுரம், செங்கல்பட்டு, விழுப்புரம், கள்ளக்குறிச்சி, கடலூர் மற்றும் புதுச்சேரியில் மிதமான இடியுடன் கூடிய மழைக்கு வாய்ப்பிருப்பதாக வானிலை மையம் தெரிவித்துள்ளது.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
ஒரே படம்தான்..ஹீரோவானார் டூரிஸ்ட் பேமிலி இயக்குநர் அபிஷன் ஜீவிந்த்..சௌந்தர்யா ரஜினிகாந்த் தயாரிப்பு!
டிரம்ப் வரியால் விபரீதம்..பங்குச் சந்தை முதலீட்டாளர்களுக்கு..2 நாட்களில் ரூ. 9.69 லட்சம் கோடி இழப்பு
திமுக - தேமுதிக கூட்டணிக்கு வேட்டு வைக்குமா.. தனலட்சுமி சீனிவாசன் கிட்னி முறைகேடு விவகாரம்?
12 ராசிகளுக்குமான இன்றைய ராசிபலன் ஆகஸ்ட் 29, 2025... இன்று இவர்களின் வாழ்க்கையே மாற போகுது
அமெரிக்க வரி விதிப்பின் எதிரொலியாக.... ரூ.3000 கோடி ஏற்றுமதி பாதிப்பு: முதல்வர் மு.க. ஸ்டாலின்!
மாஸ் காட்டும் எடப்பாடி பழனிச்சாமி...அதுக்குள்ள இவ்வளவு விஷயம் பண்ணிட்டாங்களா?
PM Modi Japan Visit: 7 ஆண்டுகளுக்கு பிறகு ஜப்பான் செல்கிறார் பிரதமர் நரேந்திர மோடி
மோடி தலைமையிலான மத்திய அரசு திமுக அரசை விட முன்னோடியாக செயல்படுகிறது: அண்ணாமலை தாக்கு!
மிகப்பெரிய தொழில்துறை பணியாளர்களைக் கொண்ட மாநிலம் தமிழ்நாடு.. டி.ஆர்.பி. ராஜா பெருமிதம்
{{comments.comment}}