இதுக்கு பருத்தி முட்டை குடோன்லயே இருக்கலாமே.. தாழ்வு பகுதியை கலாய்க்கும்.. தமிழ்நாடு வெதர்மேன்
சென்னை: வங்கக்கடலில் நிலவி வரும் காற்றழுத்த தாழ்வு பகுதி மண்டலமாக வலுப்பெற்று மீண்டும் பலவீனமடைந்து கடலுக்குள்ளேயே சென்று விடுமாம். இதற்கு பருத்தி மூட்டை குடோன்லயே இருக்கலாமே என தமிழ்நாடு வெதர்மேன் கிண்டலாக மழை நிலவரம் குறித்து பதிவிட்டுள்ளார்.
தென்மேற்கு வங்க கடல் பகுதிகளில் நிலவிவரும் ஆழ்ந்த காற்றழுத்த தாழ்வு பகுதி அடுத்த 12 மணி நேரத்தில் காற்றழுத்த தாழ்வு மண்டலமாக வலுப்பெறும் என கணிக்கப்பட்டுள்ள நிலையில், சென்னை உள்ளிட்ட வடகடலோர மாவட்டங்களில் தற்போது விட்டுவிட்டு மிதமான மழை பெய்து வருகிறது. மார்கழி மாதம் என்றால் குளிர் வாட்டி எடுக்கும் என்பது நியதி. ஆனால் தற்போது கடலோரப் பகுதிகளை தவிர்த்து பெரும்பாலான பகுதிகளில் வெப்ப சலனம் நிலவி வருகிறது.
இதற்கிடையே தமிழ்நாடு வெதர்மேன் பிரதீப் ஜான் தமிழ்நாடு மழை குறித்த அறிவிப்பை வெளியிட்டுள்ளார். அதில் காற்றழுத்த தாழ்வு பகுதி காரணமாக இன்று சென்னை உள்ளிட்ட இடங்களில் மழைக்கு வாய்ப்புள்ளது. வடகிழக்கு பருவமழை டிசம்பர் 23 முதல் மீண்டும் தீவிரமடைகிறது. டெல்டா மாவட்டங்களிலும் கனமழை பெய்ய வாய்ப்புள்ளது.
கிறிஸ்துமஸுக்குப் பிறகு வரும் டிசம்பர் 26 மற்றும் 27 தேதிகளில் தமிழ்நாடு கடற்கரை பகுதிகளில் மீண்டும் நல்ல மழை பெய்யும்.
இந்த ஆழ்ந்த காற்றழுத்த தாழ்வு பகுதி அடுத்த 12 மணி நேரத்தில் காற்றழுத்த தாழ்வு மண்டலமாக வலுப்பெற்று, அங்குமிங்கும் சில நாட்கள் நகர்ந்து கொண்டிருக்கும். பின்னர் மீண்டும் பலவீனமடைந்து கடலுக்குள்ளே சென்றுவிடும். மேற்கிலிருந்து வரும் காற்றும் இதை கடலுக்குள் தள்ளி விடும்.
இதையெல்லாம் பார்க்கும்போது இதுக்கு பருத்தி மூட்டை பேசாம குடவுன்லேயே இருந்துருக்காலாமே என்று நீங்கள் நினைக்கலாம் என தமிழ்நாடு வெதர்மேன் ஜாலியாக பதிவிட்டுள்ளார்.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
அமைச்சர் நேரு மீது வழக்கு.. திமுகவுக்கு வைக்கப்படும் மறைமுக 'செக்'ஆ.. நாங்க தயார்.. திமுக அதிரடி!
திமுக.,வில் இணையப் போகிறாரா ஓபிஎஸ்? .. சட்டசபையை அதிர வைத்த ஆதரவு எம்எல்ஏ அய்யப்பன்!
மீண்டும் ஆட்சிக்கு வரக்கூடிய வாய்ப்பு திமுகவிற்கு இருக்கிறது - முன்னாள் முதலமைச்சர் ஓ.பன்னீர்செல்வம்
அந்த ஒரு ராஜ்யசபா எம்.பி., சீட் யாருக்கு?...உச்சகட்ட பரபரப்பில் அதிமுக, திமுக கூட்டணிகள்
பாமக ராமதாஸ் கையெழுத்தே பொய்யா? பகீர் கிளப்பிய வக்கீல்... என்னதான் நடக்கிறது?
தேமுதிக பிளான்: விஜய பிரபாகரன் தெற்கு.. பிரேமலதா விஜயகாந்த் வடக்கு.. எல்.கே.சுதீஷ் ராஜ்யசபா!
த.வெ.க நிர்வாகிகள் கூட்டம்... பொதுமக்களுக்கு அனுமதியில்லை... காவல்துறை அறிவிப்பு!
இந்தியா பாகிஸ்தான் மோதலும்.. வரிவிதிப்பை "டிரம்ப் கார்டாக" பயன்படுத்தினாரா அமெரிக்க அதிபர்?
எனக்கு வாசனையும் தெரியாது, சுவையும் தெரியாது : மம்முட்டி ஓபன் டாக்!
{{comments.comment}}