புன்னகை எனும் மொழி!
- கவிதா அறிவழகன்
ஆயிரம் வார்த்தைகள்
அடுக்கினாலும் வராத நெருக்கம்…
ஒரு சிறிய புன்னகையில் பூத்துவிடுகிறது!
ரோஜா கூட்டங்களுக்கு இடையில்
தனித்திருக்கும் கருநிற ரோஜாவாய்…புன்னகை எனும் மொழி
ஆயிரம் முகங்களுக்கு மத்தியிலும்
உன் மௌனத்தை மட்டும்
மனம் பிரித்தெடுத்து பார்க்கிறது.
மீட்டாத வீணையில்
உறங்கும் ராகம் போல…
வெளிப்படுத்தாத எண்ணங்களையும்
உன் கண்கள் அசையும் நொடியில்
இசைக்கத் தொடங்கும் ஒத்த ராகம்!
வண்ணங்கள் சிந்தாமல்,
தூரிகை தீட்டாமல்…
இதயத்தின் வெண்திரையில்
ஒருவருக்கொருவர் வரைந்துகொள்ளும்
அழகிய மௌன ஓவியம்!
கேட்காத ஓசைக்கு
பதில் சொல்லத் தேவையில்லை…
மழை வரும் முன்னே
மண் தரும் வாசம் போல,
சொல்லாத சொல்லுக்கு
உன் புரிதல் ஒன்றே போதும்!
என்னை விட்டுப் பிரியாத நிழலாய்…
என்னோடு கலந்த நதியாய்…
தேடல்கள் ஏது
மின்றி
தெளிவான நீரோடையாய்…
தொடர்கிறது நம் அழகிய புரிதல்!
பிறவிகள் மாறினாலும்
நம்முள் பிறந்த உணர்வு மாறாது…
உருவங்கள் மாறினாலும்
நம்முள் நெய்த இணைப்பு கலைந்து போகாது…
ஆத்மா ஒன்றை ஒன்று அறிந்துகொள்ளும்…
அங்கே...
பிரிவும் இல்லை, எல்லையும் இல்லை…
ஒரே ஒளியாக
என்றும் தொடர்கிறோம் நாம்.
(Kavitha Arivalagan, Creative writers, Dharmapuri)
சமீபத்திய செய்திகள்
இந்தியாவிடம் 190 அணு ஆயுதங்கள் உள்ளன.. அதில் 12 களத்தில் உள்ளன.. சிப்ரி அறிக்கை
குடும்பத்தை ஏமாற்ற 12 வயது ஆட்டிசம் பாதித்த குழந்தையாக நடித்த 37 வயது பெண்!
Water tank Cleaning: வீட்டுத் தண்ணீர்த் தொட்டியை எப்பெல்லாம் சுத்தம் செய்யணும் தெரியுமா?
வாழை வாழவைக்கும்.. அப்படின்னா என்ன.. ஏன் அப்படி சொல்றோம் தெரியுமா?
என்ன ரதி .. இதுக்கு அப்புறமும்....ம் ..தானா..... அவளின் (ல்) அவன்! (19)
மும்மையால் உலகாண்ட மூர்த்திக்கும் அடியேன்.. மூர்த்தி நாயனார்
அழகு மயில்!
மதியொளி முகமோ!
இனி கூட்டணியே தேவையில்லை.. திமுக தனித்துப் போட்டியிட வேண்டும்.. தொண்டர்கள் வலியுறுத்தல்
{{comments.comment}}