கூட்டணி அமைப்பதற்கே திண்டாட்டம்...அதிமுக கூட்டணி பற்றி திருமாவளவன் கிண்டல்

Jan 08, 2026,06:02 PM IST

சென்னை: 2026 சட்டமன்றத் தேர்தல் களம் சூடுபிடிக்கத் தொடங்கியுள்ள நிலையில், எதிர்க்கட்சிகளின் கூட்டணி குறித்த விசிக தலைவர் தொல். திருமாவளவனின் கருத்து தமிழக அரசியலில் விவாதத்தை ஏற்படுத்தியுள்ளது.

அதிமுக-பாஜக கூட்டணியில் அன்புமணி தலைமையிலான பாமக இணைவதாக நேற்று அதிகாரப்பூர்வமாக அறிவிக்கப்பட்டது. அதிமுக பொதுச் செயலாளர் எடப்பாடி பழனிச்சாமியை சந்தித்து, அன்புமணி பேச்சுவார்த்தை நடத்திய பிறகு, இருவரும் கூட்டாக செய்தியாளர்களை சந்தித்து, கூட்டணி பற்றி அறிவித்தார்கள். ஆனால் இந்த கூட்டணியை ஏற்ற முடியாது. இது நீதிமன்ற அவமதிப்பு. பாமக.,வின் கூட்டணி பற்றி தான் மட்டுமே பேச முடியும் என அக்கட்சியின் நிறுவனரான டாக்டர் ராமதாஸ் கடும் எதிர்ப்பு தெரிவித்துள்ளார். மேலும் அன்புமணி மீது கடுமையான விமர்சனங்களையும் முன் வைத்துள்ளார்.

இந்நிலையில் இந்த விவகாரம் பற்றி பேட்டியொன்றில் பேசிய திருமாவளவன், "அதிமுக - பாஜக தலைமையில் கூட்டணி அமைப்பதற்கே பெரும் திண்டாட்டம் நிலவுகிறது" என்று விமர்சித்துள்ளார். பாமக ஏற்கனவே தங்கள் அணிக்கு வந்துவிட்டதாக அதிமுக மார்தட்டிக் கொண்டாலும், அக்கட்சிக்குள் நிலவும் உட்கட்சி மோதல்கள் இன்னும் தீர்ந்தபாடில்லை என்பதை அவர் சுட்டிக்காட்டியுள்ளார். மேலும், ஏற்கனவே இந்த கூட்டணியில் இருந்து வெளியேறிய கட்சிகள், மீண்டும் இணையப் பெரும் தயக்கம் காட்டி வருவதாகவும் அவர் குறிப்பிட்டுள்ளார்.

ஏற்கனவே திமுக கூட்டணி வலுவாக உள்ளது. அதிமுக கூட்டணிக்கு பாஜக தவிர வேறு எந்த கட்சியும் வரவில்லை என பலரும் கூறி வரும் நிலையில், தற்போது பாமக வந்து இணைந்திருப்பதை திருமாவளவன் விமர்சித்துள்ளது தமிழக அரசியலில் பரபரப்பை கிளப்பி உள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

Tamil Nadu Budget: ஆகஸ்ட் 5-இல் தமிழ்நாடு பட்ஜெட் தாக்கல்: சபாநாயகர் ஜே.சி.டி. பிரபாகர் அறிவிப்பு!

பெரம்பூர் தேர்தல் வழக்கு : முதல்வர் விஜய்க்கு நோட்டீஸ் அனுப்ப நீதிமன்றம் உத்தரவு

எம்எல்ஏ.,வை கைது செய்ய முடியுமா?: சபாநாயகர் விளக்கம்!

பிரதமர் மோடி நிபந்தனையின்றி மன்னிப்பு கேட்க வேண்டும் : ராகுல் காந்தி விமர்சனம்

“எங்களுக்கு அநீதி நடந்துள்ளது” – 'ஜனநாயகன்' ரிலீஸ் குறித்து இயக்குனர் எச்.வினோத் பரபரப்பு பேட்டி!

"புத்தகப் பை சுமை குறைக்கப்படும்": பள்ளிக் கல்வித் துறை அமைச்சர் ராஜ்மோகன் அறிவிப்பு!

மக்களவையில் 2ஆவது நாளாக எதிர்கட்சிகள் அமளி: தொடர்ந்து அவை ஒத்திவைப்பு!

பிரதமர் மோடி தலைமையில் தே.ஜ.கூட்டணி எம்.பி.க்கள் ஆலோசனைக் கூட்டம்

பி.வி. சிந்துவுக்கு விராட் கோலி சொன்ன அந்த ஒரு வார்த்தை.. ஜப்பானில் நடந்த மேஜிக்!

கூட்டணி அமைப்பதற்கே திண்டாட்டம்...அதிமுக கூட்டணி பற்றி திருமாவளவன் கிண்டல்

Comments

சமீபத்திய செய்திகள்

அதிகம் பார்க்கும் செய்திகள்