tn election result 2026 தமிழக சட்டசபை தேர்தல் 2026 முடிவுகள் முழுமையாக எப்போது தெரியும்?
சென்னை : தமிழக சட்டசபை தேர்தலில் பதிவான ஓட்டுக்கள் எண்ணும் பணி இன்று காலை துவங்கி, விறுவிறுப்பாக நடைபெற்று வருகிறது. இதன் இறுதி முடிவுகள் முழுமையாக எப்போது வெளியாகும் என தெரிந்து கொள்ள அனைவரும் ஆர்வம் காட்டி வருகின்றனர்.
தமிழக சட்டசபை தேர்தல் 2026 ஏப்ரல் 23ம் தேதி நடைபெற்றது. மொத்தமுள்ள 234 தொகுதிகளில் பதிவான ஓட்டுக்கள் இன்று தமிழகம் முழுவதும் 65,000 ஓட்டு எண்ணும் மையங்களில் நடந்து வருகிறது. காலை 8 மணிக்கு துவங்கிய ஓட்டு எண்ணிக்கையில் முதலில் 234 தொகுதிகளிலும் பதிவான தபால் ஓட்டுக்கள் எண்ணப்பட்டன. இதில் திமுக கூட்டணி முன்னிலையில் உள்ளது. திமுக கூட்டணி 14 தொகுதிகளிலும், அதிமுக மற்றும் தவெக முறையே 2 தொகுதிகளிலும் தபால் ஓட்டுக்களில் முன்னிலை பெற்றுள்ளன.
தபால் ஓட்டுக்களை தொடர்ந்து காலை 08.35 மணி முதல் மின்னணு வாக்குப்பதிவு இயந்திரங்களில் பதிவான ஓட்டுக்களை எண்ணும் பணி துவங்கும். மொத்தம் 15 சுற்றுக்களாக இந்த ஓட்டு எண்ணிக்கை நடைபெற உள்ளது. ஒவ்வொரு சுற்று ஓட்டு எண்ணிக்கையும் சுமார் 35 நிமிடங்கள் நடைபெறும். 15 சுற்று ஓட்டு எண்ணிக்கை நிறைவடைந்து, மாலை 5 மணிக்கு தமிழகத்தில் உள்ள 234 தொகுதிகளிலும் ஓட்டு எண்ணும் பணி நிறைவடைந்து, முடிவுகள் அறிவிக்கப்பட்டு விடும்.
இழுபறியாக உள்ள தொகுதிகள், ஓட்டு எண்ணிக்கையில் பிரச்சனை ஏற்படும் தொகுதிகளின் முடிவுகள் வெளியாவதில் மட்டும் தாமதம் ஏற்பட வாய்ப்புள்ளது. இது தவிர பெரும்பாலான தொகுதிகளின் வெற்றி நிலவரங்களை மாலை 6 மணிக்கு முன்பாக தேர்தல் கமிஷனால் அதிகாரப்பூர்வமாக அறிவிக்கப்பட்டு விடும்.
சமீபத்திய செய்திகள்
தமிழகத்தில் தீவிரமடையும் வடகிழக்கு பருவமழை: 27 மாவட்டங்களுக்கு கனமழை எச்சரிக்கை!
"பொய் வழக்கு...தில்லுமுல்லு அரசியல்!" – மன்னன் கைதுக்கு எடப்பாடி பழனிசாமி, செல்லூர் ராஜு கண்டனம்
கொளத்தூர் தவெக எம்எல்ஏ வி.எஸ்.பாபு டிஸ்சார்ஜா? அமைச்சர் அருண்ராஜ் விளக்கம்
கோவை பெரியார் அறிவுலகத்தில் ஊழல்? எழுத்தாளர் பெருமாள் முருகன் குற்றச்சாட்டிற்கு அமைச்சர் விளக்கம்
அதிமுக பிரமுகர் மன்னன் கைது: தவெக எம்எல்ஏ-விடம் ரூ.30 கோடி பேரம் பேசிய விவகாரத்தில் நடவடிக்கை!
தீபாவளி பண்டிகை 2026 : தமிழகம் முழுவதும் இன்று ரேஷன் கடைகள் இயங்கும் - அரசு அறிவிப்பு!
Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்
தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!
ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!
{{comments.comment}}