சரசரன்னு ஏறி.. சரக்குன்னு இறங்கிய தக்காளி விலை.. மக்கள் ஹேப்பி அண்ணாச்சி!

Aug 16, 2023,01:36 PM IST

சென்னை: சென்னை கோயம்பேடு மார்க்கெட்டில் கடந்த ஜூன் மாதத்தில் இருந்து தக்காளி விலை ஏறுமுகமாக இருந்து வந்த நிலையில், தற்போது தக்காளி விலை வெகுவாக குறைந்துள்ளது. இதனால் மக்கள் மன நிம்மதி அடைந்துள்ளனர்.

சென்னையில் உள்ள கோயம்பேடு மார்க்கெட்டில் ஆயிரம் மொத்த கடைகளும் , 2000 சில்லறை கடைகளும் காய்கறிகள் மற்றும் பழங்களை கொள்முதல் செய்து விற்பனை செய்து வருகின்றன. இது மிகப்பெரிய சந்தை ஆகும்.

கோயம்பேடு மார்க்கெட்டில் கடந்த சில மாதங்களாக தக்காளி விலை கிடுகிடுவென அதிகரித்து வந்தது. கடந்த ஜூன் மாதம் இறுதியில் தக்காளி விலை ரூ. 150 என்ற உச்சத்தைத் தொட்டது. இதனால் சில்லறை விற்பனையிலும் தக்காளி விலை கிடுகிடுவென அதிகரித்து மக்களை அயர வைத்தது. தக்காளி சட்னியே கிடையாது என்று வீடுகளில் போர்டு வைக்காத குறையாக இல்லத்தரசிகள் தக்காளியை தூர வைக்க ஆரம்பித்தனர்.

சென்னை மட்டுமல்லாமல் தமிழ்நாடு முழுவதுமே தக்காளி விலை உயர்ந்தபடியேதான் இருந்தது. இந்த நிலையில், கடந்த சில நாட்களாக குறையத் தொடங்கியுள்ளது. சென்னையிலும், பிற ஊர்களிலும் தக்காளி விலை கடுமையாக சரிந்து வருகிறது.

நேற்று முன்தினம் தக்காளி விலை கிலோ ரூ. 50 க்கு விற்பனை செய்யப்பட்டு வந்தது .ஆனால் இன்று பத்து ரூபாய் குறைந்து கிலோ ரூபாய் நாற்பதுக்கு விற்பனை செய்யப்படுகிறது . தக்காளி விலையின் மாற்றத்தால் மக்கள் மகிழ்ச்சி அடைந்துள்ளனர். இந்த விலை மேலும் குறைய வாய்ப்பிருப்பதாக கோயம்பேடு வட்டாரத் தகவல்கள் தெரிவிக்கின்றன.

மொத்த மார்க்கெட்டில் விலை குறைந்தாலும் கூட சில்லறைக் கடைகளில் விலையைக் குறைக்காமலேயே வியாபாரிகள் விற்பதால் மக்கள் முழு மகிழ்ச்சியை அனுபவிக்க முடியவில்லை. பெரும்பாலான புறநகர்க் கடைகளில் கிலோ தக்காளி ரூ. 90 வரை விற்கப்படுவதால் மக்கள் குழப்பமடைந்துள்ளனர். கோயம்பேட்டிலிருந்து மிஞ்சிப் போனால் 30 கிலோமீட்டருக்குள் சென்னை புறநகர்கள் முடிந்து விடும். அப்படி இருக்கும்போது குறைந்தது 40 ரூபாய் வரை அதிகம் விற்பனையாவது ஏன் என்பது மக்களின் கேள்வியாக உள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

முதல்வர் மு.க.ஸ்டாலின் இடத்துக்கு நிச்சயமாக உதயநிதி வருவார்: துரைமுருகன் புகழாரம்!

இளைஞர்களை ரவுடிகளாக்க எதிர்க்கட்சிகள் முயற்சி...பிரதமர் கடும் குற்றச்சாட்டு

பார்லிமென்ட் குளிர்கால கூட்டத்தொடர் டிசம்பர் 1 முதல் ஆரம்பம்

ஒரே சூரியன் .. ஒரே சந்திரன்.. ஒரே திமுக... பாட்ஷா ஸ்டைலில் அதிரடி காட்டிய முதல்வர் மு.க.ஸ்டாலின்

மனித நேயமும் மாற்றுத்திறனாளிகளும்.. தன்னம்பிக்கையும், தைரியமும் அவர்களை வழி நடத்தும்!

வாரத்தின் இறுதி நாளான இன்று தங்கம் விலை எவ்வளவு தெரியுமா? இதோ முழு விலை நிலவரம்!

ராஜஸ்தான் ராயல்ஸ் அணியிலிருந்து.. வெளியேறுகிறாரா சஞ்சு சாம்சன்.. சிஎஸ்கேவுக்கு வருவாரா?

தமிழ்நாட்டில் இன்று 4 மாவட்டங்களில் மழைக்கு வாய்ப்பு... சென்னை வானிலை மையம் தகவல்!

தாத்தா (கவிதை)