வருகிறார் வா வாத்தியார்.. ரீலீஸ் தேதி அறிவிப்பு.. 3வது லிரிக்கல் வீடியோவும் வெளியானது

Dec 03, 2025,04:50 PM IST

- சுமதி சிவக்குமார்

சென்னை: கார்த்தி நடித்துள்ள வா வாத்தியார் படத்தின் ரிலீஸ் தேதியை, 3வது லிரிக்கல் வீடியோவுடன் அறிவித்துள்ளனர்.

இயக்குனர் நளன் குமாரசாமி இயக்கத்தில், ஸ்டுடியோ ஸ்கிரின் சார்பில் கே.இ. ஞானவேல் தயாரிப்பில், சந்தோஷ் நாராயணன் இசையமைப்பில், நடிகர் கார்த்தி நடிப்பில் உருவாகியுள்ளது வா வாத்தியார் படம்.

இப்படம் முழுமையாக தயாராகி விட்டது. முதலில் டிசம்பர் 5 ந்தேதி ரிலீஸ் என்று அறிவிக்கப்பட்டிருந்தது. பின்னர் அது ஒத்திவைக்கப்பட்டது. இந்த நிலையில் தற்போது படத்தின் புதிய தேதியை 3வது லிரிக்கல் வீடியோவுடன் அறிவித்துள்ளனர்.

அதன்படி, சூப்பர்ஸ்டார் ரஜினிகாந்த் பிறந்தநாளான டிசம்பர் 12 ந்தேதி திரைக்கு வருகிறது என படபிடிப்பு குழு அறிவித்துள்ளது.

இந்தப் படத்தில், கார்த்தி எம்ஜிஆர் ரசிகராக நடித்துள்ளாராம். இது முழுக்க முழுக்க ஆக்ஷன் + காமெடி சார்ந்து எடுக்கப்பட்ட படமாக தெரிகிறது.

அமேசான் பிரைம் வீடியோ இந்த படத்திற்கான ஸ்ட்ரீமிங் உரிமையை பெற்றுள்ளது. மேலும் இதன் சாட்டிலைட் உரிமையை ஜீ தொலைக்காட்சி கைப்பற்றியுள்ளது.

(சுமதி சிவக்குமார், தென்தமிழ் செய்தி இணையதளமும், திருவண்ணாமலை தடம் பதிக்கும் தளிர்கள் பன்னாட்டு மையமும் இணைந்து நடத்தும் பத்திரிகையாளர் பயிற்சித் திட்டத்தின் கீழ் எழுதி வருகிறார்)