விலகிய விவேக் ராமசாமி.. இதை யாருமே எதிர்பார்க்கலையே.. டொனால்ட் டிராம்ப்புக்கு ஆதரவு!

Jan 16, 2024,06:28 PM IST

வாஷிங்டன்: அமெரிக்க குடியரசுத் தலைவர் தேர்தலில், குடியரசுக் கட்சி வேட்பாளராக வருவார் என்று எதிர்பார்க்கப்பட்ட நிலையில் பெரும் அலை பரப்பி வந்த நிலையில், திடீரென போட்டியிலிருந்து விலகுவதாக அறிவித்துள்ளார் இந்திய வம்சாவளியைச் சேர்ந்த விவேக் ராமசாமி.


அமெரிக்க அதிபர் தேர்தலில் யாரும் எதிர்பாராத சர்ப்பிரைஸாக வந்தவர் விவேக் ராமசாமி. படு வேகமாக இவர் மக்களிடையே பிரபலமாகி வந்தார். இவரது அதிரடியான பேச்சுக்கள் பலரது கவனத்தையும் ஈர்த்தன. எலான் மஸ்க் முதல் பலரும் இவருக்கு ரசிகர்கள் ஆனார்கள்.


விவேக் ராமசாமிதான் குடியரசுக் கட்சி வேட்பாளராக வருவார் என்றும் பரவலாக எதிர்பார்க்கப்பட்டு வந்தது. இதனால் மீண்டும் தேர்தல் களத்தில் குதித்த டொனால்ட் டிரம்ப்புக்கே கூட கடும் சவாலாக மாறியிருந்தார் விவேக் ராமசாமி. இந்த நிலையில் தற்போது திடீரென வேட்பாளர் போட்டியிலிருந்து விலகுவதாக அறிவித்துள்ளார் விவேத் ராமசாமி.




இதுதொடர்பான அறிவிப்பை அயோவாவில் நடந்த செய்தியாளர் சந்திப்பின்போது வெளியிட்டார் விவேக் ராமசாமி. அயோவாவில் குடியரசுக் கட்சி பிரதிநிதிகளிடையே விவேக் ராமசாமிக்கு ஆதரவு சுத்தமாக இல்லை. வெறும் 2 பேர் மட்டுமே அவருக்கு ஆதரவாக இருந்தனர். இதனால் தான் போட்டியிலிருந்து விலக முடிவு செய்தார் விவேக் ராமசாமி.


இதுகுறித்து அவர் கூறுகையில்,  அமெரிக்காதான் முதலில் என்ற நோக்கத்துடன் இரு வேட்பாளர்கள் உள்ளோம். இதில் நான் டொனால்ட் டிரம்ப்புக்கு ஆதரவு தெரிவிக்க முடிவு செய்துள்ளேன்.  இதை டிரம்ப்புக்கு தொலைபேசி மூலம் தெரிவித்து விட்டேன். எனது முழு ஆதரவுடன் அவர் இனி முன்னேறிச் செல்வார்  என்றார் விவேக் ராமசாமி.


விவேக் ராமசாமியின் விலகல் மூலம், டொனால்ட் டிரம்ப்பின் கை தற்போது மேலும் ஓங்கியுள்ளது. அவரே மீண்டும் அதிபர் தேர்தலில் குடியரசுக் கட்சி சார்பில் போட்டியிடும் வாய்ப்புகள் பெருகியுள்ளன.  இதற்கிடையே, அயோவா பிரதிநிதிகளின் 40 வாக்குகளில் 20க்கும் மேலானோரின் வாக்குகளை டிரம்ப் பெறும் வாய்ப்பு பிரகாசமாக உள்ளதாக தகவல்கள் தெரிவிக்கின்றன.


அயோவாவைத் தொடர்ந்து நியூ ஹாம்ப்ஷயரில் ஜனவரி 23ம் தேதி வாக்கெடுப்பு நடைபெறவுள்ளது. அதிலும் டிரம்ப்புக்கே அதிக ஆதரவு கிடைக்கும் என்று கூறப்படுகிறது.

சமீபத்திய செய்திகள்

news

கொளத்தூர் தவெக எம்எல்ஏ வி.எஸ்.பாபு காலமானார்: மருத்துவமனை நிர்வாகம் அதிகாரப்பூர்வ அறிவிப்பு

news

‘GTA 6’ ட்ரெண்டில் இணைந்த பிரதமர் மோடி: சமூக வலைத்தளங்களில் வைரலாகும் பதிவு!

news

வி.எஸ்.பாபு மறைவு: ஆளுநர்,முதல்வர் விஜய், மு.க.ஸ்டாலின் உள்ளிட்ட தலைவர்கள் இரங்கல்!

news

கார்த்திகை மாதத்தில் தீபம் ஏற்றி வழிபடுவது ஏன் தெரியுமா?

news

கண்ணீரை வரவழைக்கும் சின்ன வெங்காய விலை: ஒரு கிலோ ரூ.230-க்கு விற்பனை!

news

‘ஓம்’ படத்தின் காலை 6 மணி காட்சிக்கு அனுமதி: முதலமைச்சர் விஜய்க்கு தனுஷ் நன்றி

news

ஆசிய கோப்பை கிரிக்கெட் திருவிழா 2026 தோஹாவில் இன்று கோலாகல தொடக்கம்!

news

தென்தமிழ் தலையங்கம்: சொல்லாத வலிகளும், தாங்கிக்கொள்ளும் தோள்களும்!

news

தொடர்ந்து சரியும் தங்கம் மற்றும் வெள்ளி விலை: நகைப் பிரியர்கள் மகிழ்ச்சி!

அதிகம் பார்க்கும் செய்திகள்